କଣ୍ଟାବାଞ୍ଝି: ଗଛ ଡାଳ ପଡ଼ି ବାଇକ୍ ଆରୋହୀଙ୍କ ଚାଲିଗଲା ଜୀବନ । ଏଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି କଣ୍ଟାବାଞ୍ଝି ଥାନା କୁର୍ଲି ଗାଁରେ । ମୃତ ବ୍ୟକ୍ତି ଜଣକ ହେଲେ ସିହନି ଗାଁର ଗୋପାଳ ରଣା।
ସୂଚନା ଅନୁଯାୟୀ, ଗୋପାଳ ରଣା ବାଇକରେ କଣ୍ଟାବାଞ୍ଝି ଆସୁଥିବାବେଳେ କୁର୍ଲି ଗାଁ ଧୋପ ଘାଟେନ ମନ୍ଦିର ନିକଟରେ ଥିବା ଏକ ଶୁଖିଲା ଗଛର ଡାଳ ତାଙ୍କ ଉପରେ ପଡ଼ିଯାଇଥିଲା।
ଯେଉଁଥିରେ ସେ ଗୁରୁତର ଆହତ ହୋଇଥିଲେ। ସ୍ଥାନୀୟ ଲୋକେ ତାଙ୍କୁ ଉଦ୍ଧାର କରି ଏକ ଅଟୋ ସାହାଯ୍ୟରେ କଣ୍ଟାବାଞ୍ଝି ମେଡିକାଲ ଚିକିତ୍ସା ପାଇଁ ନେଇଥିଲେ। କଣ୍ଟାବାଞ୍ଝି ଡାକ୍ତରଖାନାରେ ପ୍ରାଥମିକ ଚିକିତ୍ସା ପରେ ବଲାଙ୍ଗିର ଜିଲ୍ଲା ବଡ଼ ଡାକ୍ତରଖାନା ପଠାଯାଇଥିଲା। ମାତ୍ର ସେଠାରେ ପହଞ୍ଚିବା ପୂର୍ବରୁ ହିଁ ତାଙ୍କର ମୃତ୍ୟୁ ହୋଇାଇଥିଲା।
