ଜାତୀୟ ରାଜପଥ ପ୍ରାଧିକରଣ (NHAI) ଏବଂ ଜାତୀୟ ରାଜପଥ ଦ୍ୱାରା କାର୍ଯ୍ୟକାରୀ ହେଉଥିବା ପ୍ରକଳ୍ପ ଗୁଡ଼ିକ ଉପରେ ନୂଆଦିଲ୍ଲୀର ଭାରତମଣ୍ଡପମରେ ଏକ ବୈଠକ ଅନୁଷ୍ଠିତ ହୋଇଥିଲା। ଏହି ବୈଠକରେ ସଡକ ପରିବହନ ଏବଂ ରାଜପଥ କେନ୍ଦ୍ର ମନ୍ତ୍ରୀ ନିତିନ ଗଡକରୀ ଅଧ୍ୟକ୍ଷତା କରିଥିଲେ। ଏଥିରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ, ଆଇନ, ପୂର୍ତ୍ତ, ଓ ଅବକାରୀ ମନ୍ତ୍ରୀ ପୃଥ୍ଵୀରାଜ ହରିଚନ୍ଦନ ଯୋଗ ଦେଇଥିଲେ।
ଏଥିସହ ଓଡିଶାର ମୁଖ୍ୟ ଶାସନ ସଚିବ; ଏସିଏସ୍, ରାଜସ୍ୱ ଏବଂ ବିପର୍ଯ୍ୟୟ ପରିଚାଳନା ଏବଂ ପ୍ରମୁଖ ସଚିବ ଯୋଗ ଦେଇଥିଲେ |
ଏହି ବୈଠକରେ ଓଡ଼ିଶା ସରକାରଙ୍କ ସହ ସମନ୍ୱୟ ରକ୍ଷା କରି ଚାଲିଥିବା ପ୍ରକଳ୍ପଗୁଡିକ ତ୍ୱରାନ୍ୱିତ କରାଯିବ ବୋଲି ସହମତି ପ୍ରକାଶ ପାଇଛି। ରାସ୍ତା ନିର୍ମାଣ ଓଡ଼ିଶା ସରକାରଙ୍କ ପ୍ରାଥମିକତା ହୋଇଥିବାରୁ ସମସ୍ତ ସହଯୋଗ ଯୋଗାଇ ଦିଆ ଯିବ ଏବଂ ଜମି ଅଧିଗ୍ରହଣ ଭଳି ସମସ୍ୟା ଓ ନିର୍ମାଣ ସାମଗ୍ରୀର ଉପଲବ୍ଧତା ଶୀଘ୍ର ସମାଧାନ ହେବ ବୋଲି ମୁଖ୍ୟମନ୍ତ୍ରୀ ଆଶ୍ୱାସନା ଦେଇଛନ୍ତି ।
ଏଥିରେ ଓଡିଶାର କେତେକ ଜାତୀୟ ରାଜପଥର ବିକାଶ ପ୍ରସ୍ତାବ ଉପରେ ନିଷ୍ପତ୍ତି ନିଆଯାଇଛି। ଭୁବନେଶ୍ୱର – ପୁରୀ ଜାତୀୟ ରାଜପଥ ୬ ଲେନ୍ ବିଶିଷ୍ଟ ହେବ। ଏଥିରେ ସର୍ଭସ ରୋଡ ରହିବ। ଏହା ଦୈର୍ଘ୍ୟ ୬୦ କିମି ରହିଛି। ଏଥିପାଇଁ ୧୮୦୦ କୋଟି ଟଙ୍କା ଖର୍ଚ୍ଚ ହେବ। ସେହିପରି ଚଣ୍ଡିଖୋଲ – ବଡ଼ବିଲ ରାସ୍ତା ୮ ଲେନ୍ ହେବା ସହ ଏହାର ଦୈର୍ଘ୍ୟ ୨୦୦ କିମି ରହିବ। ଏଥିରେ ସର୍ଭିସ ରୋଡ ମଧ୍ୟ ରହିବ। ଏଥିପାଇଁ ୧୦ ହଜାର କୋଟି ଟଙ୍କା ଖର୍ଚ୍ଚ ହେବ। ଖୋର୍ଦ୍ଧା-ନୟାଗଡ଼ (NH-57) ୫୪ କିମି ରାସ୍ତା ୪ ଲେନ୍ ବିଶିଷ୍ଟ ହେବ। ଏଥିରେ ସର୍ଭିସ ରୋଡ ରହିବ। ଏଥିପାଇଁ ୧୧୦୦ କୋଟି ଟଙ୍କା ଖର୍ଚ୍ଚ ହେବ। ସେହିପିରି କେସିଙ୍ଗା-ଜୁନାଗଡ (ଜାତୀୟ ରାଜପଥ-୨୬) ୪୬ କିମି ରାସ୍ତା ୪ ଲେନ ହେବ। ୧୦୦୦ କୋଟି ଟଙ୍କା ଖର୍ଚ୍ଚ କରାଯାଇଛି। ୧୫୦୦୦ କୋଟି ଟଙ୍କା ମୂଲ୍ୟର ସମସ୍ତ ଚାରିଟି ପ୍ରକଳ୍ପ ଉପରେ ସହମତି ହୋଇଥିଲା ଏବଂ ଏହି ପ୍ରକଳ୍ପଗୁଡିକ ପାଇଁ DPR ପ୍ରସ୍ତୁତ କରିବାକୁ ନିଷ୍ପତ୍ତି ନିଆଯାଇଥିଲା।
ସେହିପରି କୋରାପୁଟ – ପୋଡୋମାରି ପ୍ରକଳ୍ପ ( ଜାତୀୟ ରାଜପଥ-୩୨୬) (୨୪୬ କିମି) ର ଦୁଇ ଲେନିଂ ପାଇଁ ୨୫୦୦ କୋଟି ଟଙ୍କା ମଞ୍ଜୁର ହୋଇସାରିଛି । କେନ୍ଦ୍ରୀୟ ସଡକ ଏବଂ ଭିତ୍ତିଭୂମି ପାଣ୍ଠି (CRIF) ଅଧୀନରେ ଚଳିତ ବର୍ଷ ୫୦୦ କୋଟି ଟଙ୍କା ପ୍ରଦାନ କରାଯାଇଛି। ଅଧିକନ୍ତୁ ବ୍ୟବହାର ପରେ ପାଣ୍ଠି ମଧ୍ୟ ଯୋଗାଇ ଦିଆଯିବ | ସେହିପରି ଓଡ଼ିଶା ପାଇଁ ସେତୁ ବନ୍ଧନ ଯୋଜନା ଅଧୀନରେ ୨୫୦ କୋଟି ଟଙ୍କାର ବ୍ୟବସ୍ଥା ରହିଛି । ଓଡିଶାରେ ଜାତୀୟ ରାଜପଥର ଉନ୍ନତି ପାଇଁ ୩୪୦୦ କୋଟି ଟଙ୍କାର DPR ଦାଖଲ କରାଯିବ ।
ବୈଠକରେ କେନ୍ଦ୍ର ମନ୍ତ୍ରୀ, ନିତିନ ଗଡକରୀ ଓ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ୨୧,୬୫୦ କୋଟି ଟଙ୍କାର ପ୍ରକଳ୍ପ ସମ୍ପର୍କରେ ଆଲୋଚନା କରିଛନ୍ତି। ମୁଖ୍ୟମନ୍ତ୍ରୀଙ୍କ ଅନୁରୋଧ କ୍ରମେ କେନ୍ଦ୍ର ମନ୍ତ୍ରୀ ନିତିନ ଗଡକରୀ ରାଜ୍ୟ ପକ୍ଷରୁ ଦିଆଯାଇଥିବା ପ୍ରସ୍ତାବଗୁଡ଼ିକର ସମ୍ଭାବ୍ୟତା ଉପରେ ଅଧିକ ଦୃଷ୍ଟି ଦେବାକୁ ସହମତି ଦେଇଥିଲେ।
ସେଗୁଡିକ ହେଲା ଓଡିଶାର ମେରୁଦଣ୍ଡ (ଅଟଳ ଏକ୍ସପ୍ରେସୱେ) ମୋଟୁ -ତିରିଙ୍ଗି (୯୬୯ କିମି) ଆନୁମାନିକ ପ୍ରକଳ୍ପ ମୂଲ୍ୟ ସହିତ ୯ ଟି ଜିଲ୍ଲା ଦେଇ ଯାଉଛି । ୧୫୦୦୦ କୋଟି ଟଙ୍କାର ପଶ୍ଚିମ-ପୂର୍ବ ସଂଯୋଗୀକରଣ କରିଡର ।
କ) ଝାରସୁଗୁଡ଼ା-ବାଲେଶ୍ୱର (୩୮୩ କିମି) ପାଖାପାଖି ୭,୫୦୦ କୋଟି ଟଙ୍କା
ଖ) ନୂଆପଡ଼ା – ଅସ୍ତରଙ୍ଗ (୪୯୧ କିମି) ପ୍ରାୟ ୯୫୦୦ କୋଟି ଟଙ୍କା
ଗ) ବୃନ୍ଦବାବାହାଲ୍ – ଗୋପାଳପୁର (୩୫୭ କିମି) ପାଖାପାଖି ୬୮୦୦ କୋଟି ଟଙ୍କା
ଘ) ସମ୍ବଲପୁର – ସାତଭାୟା (୪୦୪ କିମି) ପାଖାପାଖି ୫୪୭୭ କୋଟି ଟଙ୍କା
ଗ୍ରାଣ୍ଡ ରିଙ୍ଗ ରୋଡ୍
କ) ବ୍ରହ୍ମପୁର – ଜୟପୁର (୨୮୭ କିମି) ପାଖାପାଖି ୯୦୦୦ କୋଟି ଟଙ୍କା |
ଖ) ଜୟପୁର – ରାଉରକେଲା (୬୩୮ କିମି) ପାଖାପାଖି ୨୫୦୦ କୋଟି ଟଙ୍କା
ଗ) ରାଉରକେଲା – ଜଳେଶ୍ୱର (୩୯୧ କିମି) ପାଖାପାଖି ୨୨୦୦ କୋଟି ଟଙ୍କା
ଘ) ଜଳେଶ୍ୱର – ବ୍ରହ୍ମପୁର (ଜାତୀୟ ରାଜପଥ-୧୬) ୪୪୨ କିମି)
