କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ ବଜେଟରେ ଅନେକ ବଡ଼ ଘୋଷଣା କରିଛନ୍ତି। ସେଥିମଧ୍ୟରୁ ଗୋଟିଏ ହେଉଛି ମୋବାଇଲ୍ ଫୋନ୍ ଏବଂ ଚାର୍ଜର୍ ଉପରେ ସରକାର କଷ୍ଟମ୍ ଡ୍ୟୁଟି ହ୍ରାସ କରିଛନ୍ତି । ମୋବାଇଲ ଏବଂ ଚାର୍ଜର ଉପରେ କଷ୍ଟମ ଡ୍ୟୁଟି ୨୦% ରୁ ୧୫% କୁ ହ୍ରାସ କରାଯାଇଛି । ଏହାର ଅର୍ଥ ବର୍ତ୍ତମାନ ମୋବାଇଲ୍ ଫୋନ୍ ଏବଂ ଚାର୍ଜର କ୍ରୟ ଉପରେ ଆପଣଙ୍କୁ ୫% କମ୍ ଦେବାକୁ ପଡିବ ।
ଏହି ଘୋଷଣା ପରେ ଆପଲ୍ ଏହାର iPhoneର ଦାମ୍ କମ କରିଛି । ଆପଲ୍ ର ଅନଲାଇନ୍ ଷ୍ଟୋର୍ରେ ଫୋନର ମୂଲ୍ୟ ହ୍ରାସ କରାଯାଇଛି । ସୂଚନା ଥାଉ କି ପ୍ରଥମ ଥର ଆପଲ୍ ନୂଆ iPhone ମଡେଲ୍ ଲଞ୍ଚ ହେବାର କିଛି ମାସ ପୂର୍ବରୁ ମୂଲ୍ୟ ହ୍ରାସ କରିଛି, ଯାହା ସେପ୍ଟେମ୍ବର ୨୦୨୪ ରେ ହେବ ବୋଲି ଆଶା କରାଯାଉଛି ।
ଆପଲ୍ iPhone 15 ପ୍ରୋର ଦାମ ୧,୩୪,୯୦୦ ଟଙ୍କା ଏବଂ iPhone 15 ପ୍ରୋ ମ୍ୟାକ୍ସକୁ ୧,୨୯,୮୦୦ ଟଙ୍କା ଆରମ୍ଭ ମୂଲ୍ୟରେ ଲଞ୍ଚ କରିଥିଲା । କିନ୍ତୁ ଡିସକାଉଣ୍ଟ ପରେ ବର୍ତ୍ତମାନ iPhone 15 ପ୍ରୋ ୧,୨୯,୮୦୦ ଟଙ୍କାରେ ଏବଂ iPhone 15 ପ୍ରୋ ମ୍ୟାକ୍ସକୁ ୧,୫୪,୦୦୦ ଟଙ୍କାରେ ଉପଲବ୍ଧ କରାଯାଇଛି । iPhone 15 ପ୍ରୋ ମୂଲ୍ୟ ୫,୧୦୦ ଟଙ୍କା ହ୍ରାସ ହୋଇଥିବାବେଳେ iPhone 15 ପ୍ରୋ ମ୍ୟାକ୍ସର ମୂଲ୍ୟ ୫,୯୦୦ ଟଙ୍କାକୁ ହ୍ରାସ କରାଯାଇଛି ।
ଅନ୍ୟପଟେ iPhone 15 ଏବଂ iPhone 15 ପ୍ଲସ୍ ମଡେଲଗୁଡ଼ିକର ମୂଲ୍ୟ ସାମାନ୍ୟ ହ୍ରାସ ହୋଇଛି । iPhone 15 ଏବଂ iPhone 15 ପ୍ଲସ୍ ର ମୂଲ୍ୟ ମାତ୍ର ୩୦୦ ଟଙ୍କା ହ୍ରାସ ପାଇଛି ଏବଂ ବର୍ତ୍ତମାନ ଏହା ୭୯,୬୦୦ ଏବଂ ୮୯,୬୦୦ ଟଙ୍କା ରେ ଉପଲବ୍ଧ । ଆପଲ୍ iPhone 13 ଏବଂ iPhone 14 ର ମୂଲ୍ୟରେ ୩୦୦ ଟଙ୍କା ହ୍ରାସ ହୋଇଛି । iPhone SE ର ମୂଲ୍ୟ ୨,୩୦୦ ଟଙ୍କା ହ୍ରାସ କରାଯାଇଛି । ଏହା ବ୍ୟତୀତ iPhone SE ବର୍ତ୍ତମାନ ୪୭,୬୦୦ ଟଙ୍କାରେ ଉପଲବ୍ଧ ହେଉଛି କିନ୍ତୁ ଏହାର ମୂଲ୍ୟ ୪୯,୯୦୦ ଟଙ୍କା ଥିଲା । ଆପଲ୍ iPhone 13 ର ଦାମ ୫୯,୬୦୦ ଟଙ୍କା ରହିଛି ଏବଂ iPhone 14 ର ଦାମ ୬୯,୬୦୦ ଟଙ୍କା ରହିଛି ।
