ରାହୁଲ-ଅଖିଳେଶଙ୍କ ବନ୍ଧୁତା ଭାଙ୍ଗିଯିବ କି? ଏସ୍ପି ନେତା ମନ୍ତବ୍ୟ ଦେବା ସହ ରଖିଲେ ବଡ଼ ସର୍ତ୍ତ – Kalinga News
[ad_1]
ମୁମ୍ବାଇ: କଂଗ୍ରେସ ନେତା ରାହୁଲ ଗାନ୍ଧୀ ଏବଂ ଏସପି ମୁଖ୍ୟ ଅଖିଳେଶ ଯାଦବଙ୍କ ମଧ୍ୟରେ ବନ୍ଧୁତା ଭାଙ୍ଗିଯିବ କି? ଏହି ମେଣ୍ଟ କେବଳ ଲୋକସଭା ନିର୍ବାଚନ ପାଇଁ ଥିଲା କି? ଏହି ପ୍ରଶ୍ନ ନେଇ ଏବେ ଚର୍ଚ୍ଚା ହେଉଛି। କାରଣ ଜଣେ ବରିଷ୍ଠ ଏସ୍ପି ନେତା ମୁମ୍ବାଇରେ ଏପରି ମନ୍ତବ୍ୟ ଦେଇଛନ୍ତି, ଯାହା ଏହା ସୂଚାଉଛି। ବାସ୍ତବରେ ମହାରାଷ୍ଟ୍ରରେ ହେବାକୁ ଥିବା ବିଧାନସଭା ନିର୍ବାଚନ ପାଇଁ ବିବାଦ ଆରମ୍ଭ ହୋଇଛି। ମହାରାଷ୍ଟ୍ରରେ ସମାଜବାଦୀ ପାର୍ଟିର ସଭାପତି ଅବୁ ଆଜମି ଏଭଳି ମନ୍ତବ୍ୟ ଦେଇଛନ୍ତି, ଯାହା ଉତ୍ତେଜନାକୁ ବଢ଼ାଇଦେଇଛି । ସେ ମହାଭିକାଶ ଆଘାଡି(ଏମଭିଏ)କୁ ସିଧାସଳଖ ଟାର୍ଗେଟ କରିବା ସହିତ ବିଧାନସଭା ନିର୍ବାଚନରେ ଯଦି ସେ ଚାହୁଁଥିବା ଆସନ ନ ପାଆନ୍ତି ତେବେ ସେ ଏକୁଟିଆ ଲଢ଼ିବେ ବୋଲି କହିଛନ୍ତି।
Sambad is now on WhatsApp
Join and get latest news updates delivered to you via WhatsApp
ଚଳିତ ବର୍ଷ ଅକ୍ଟୋବରରେ ମହାରାଷ୍ଟ୍ରରେ ବିଧାନସଭା ନିର୍ବାଚନ ଅନୁଷ୍ଠିତ ହେବ। ଏହାପୂର୍ବରୁ ସମସ୍ତ ରାଜନୈତିକ ଦଳଙ୍କ ମଧ୍ୟରେ ଭିନ୍ନଭିନ୍ନ ରଣନୀତି ଆପଣେଇବା କାର୍ଯ୍ୟ ଜାରି ରହିଛି। ଏହି ସମୟରେ, ସମାଜବାଦି ପାର୍ଟିର ମହାରାଷ୍ଟ୍ର ସଭାପତି ଅବୁ ଆଜମି ନିଜର ସହଯୋଗୀ ପାର୍ଟନର ଏମଭିଏ ବିରୋଧରେ ଆକ୍ରମଣାତ୍ମକ ଆଭିମୁଖ୍ୟ ପ୍ରଦର୍ଶନ କରିଛନ୍ତି। ଆଜମି କହିଛନ୍ତି, ଆମେ ମହାରାଷ୍ଟ୍ର ବିଧାନସଭା ନିର୍ବାଚନରେ ଏମଭିଏ ଠାରୁ ୧୦ଟି ସିଟ୍ ଦାବି କରିବୁ। ଆମେ ସେହି ଆସନଗୁଡ଼ିକୁ ନିଜେ ସ୍ଥିର କରିବୁ। ଯଦି ଆମର ମତାମତ ଗ୍ରହଣ କରାଯାଏ ନାହିଁ ତେବେ ଆମେ ଏକୁଟିଆ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବୁ।
ଏମଭିଏ ଉପରେ ଆକ୍ରମଣ କରି ଆଜମି କହିଛନ୍ତି, ଏମଭିଏ ମୁସଲମାନ ସଂରକ୍ଷଣ ପ୍ରସଙ୍ଗ ଉଠାଇ ନାହିଁ। ୫ ପ୍ରତିଶତ ଜନସଂଖ୍ୟା ବିଷୟରେ କେହି କଥାବାର୍ତ୍ତା କରୁ ନାହାନ୍ତି। ମୁସଲିମ୍ ଭୋଟରଙ୍କ ଉପରେ ସେମାନଙ୍କର ସମ୍ପୂର୍ଣ୍ଣ ଭରସା ଅଛି କିନ୍ତୁ ସେମାନେ ସଂରକ୍ଷଣ ବିଷୟରେ କଥାବାର୍ତ୍ତା କରନ୍ତି ନାହିଁ। ଏହା ଆମ ପାଇଁ ଗ୍ରହଣୀୟ ନୁହେଁ। ସେମାନେ ଅନୁଭବ କରୁଛନ୍ତି ଯେ ଯଦି ଅତ୍ୟାଚାର ଅଧିକ ହୁଏ ତେବେ ମୁସଲମାନମାନେ ନିଶ୍ଚିତ ଭାବରେ ଏମଭିଏକୁ ଭୋଟ୍ ଦେବେ। କିନ୍ତୁ ବର୍ତ୍ତମାନ ତାହା ଆଉ ହେବ ନାହିଁ। ଏବେ ଆମେ ସେମାନଙ୍କୁ ଭୋଟ୍ ଦେବୁ ଯେତେବେଳେ ସେମାନେ ଲିଖିତ ଆକାରରେ ଦେବେ ଯେ ମୁସଲମାନ ସଂରକ୍ଷଣ ସେମାନଙ୍କ ନୀତି ହେବ।
ଅବୁ ଆଜମି କହିଛନ୍ତି, ଯେତେବେଳେ ଆମର ସ୍ୱର ଶୁଣାଯିବ ନାହିଁ, ତେବେ କାହିଁକି ସେମାନଙ୍କୁ ଆମେ ଭୋଟ୍ ଦେବୁ? ଯେଉଁ ସମୟରେ ଲୋକସଭା ନିର୍ବାଚନରେ ଭଲ ପ୍ରଦର୍ଶନ କରିବା ପରେ ଏମଭିଏ ଦଳଗୁଡ଼ିକ ବିଧାନସଭା ନିର୍ବାଚନରେ ପ୍ରସ୍ତୁତିରେ ବ୍ୟସ୍ତ ଅଛନ୍ତି ସେତେବେଳେ ସମାଜବାଦୀ ପାର୍ଟି ଦ୍ୱାରା ଏହି ସର୍ତ୍ତ ରଖାଯାଇଛି। ଏବେ ଏହାକୁ ନେଇ ଚର୍ଚ୍ଚା ଆରମ୍ଭ ହୋଇଛି। ଏହି ସର୍ତ୍ତ ରାହୁଲ ଏବଂ ଅଖିଳେଶଙ୍କ ବନ୍ଧୁତାରେ ପ୍ରଭାବ ପକାଇବ ବୋଲି ରାଜନୈତିକ ମହଲରେ ଆଲୋଚନା ହେଉଛି।
[ad_2]
