[ad_1]
ନୂଆଦିଲ୍ଲୀ: ଭାରତୀୟ କ୍ରିକେଟର କପିଲ ଦେବ ନୂଆ ଇନିଂସ ଆରମ୍ଭ କରିଛନ୍ତି। ୧୯୮୩ ମସିହାରେ ତାଙ୍କ ଅଧିନାୟକତ୍ୱରେ ଭାରତ ପାଇଁ ବିଶ୍ୱକପ ଆଣିଥିବା କପିଲ ଏବେ ନୂଆ ପଦବୀରେ କାର୍ଯ୍ୟ ଆରମ୍ଭ କରିଛନ୍ତି। ବର୍ତ୍ତମାନ କ୍ରିକେଟ୍ ପରେ ସେ ଏବେ ଗଲ୍ଫ ଖେଳରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଛନ୍ତି। ପ୍ରଫେସନାଲ୍ ଗଲ୍ଫ ଟୁର୍ ଅଫ୍ ଇଣ୍ଡିଆ (ପିଜିଟିଆଇ)ର ନୂତନ ଅଧ୍ୟକ୍ଷ ଭାବେ କପିଲ ଦେବ ଦାୟିତ୍ୱ ଗ୍ରହଣ କରିଛନ୍ତି। ସେ ପୂର୍ବରୁ ପିଜିଟିଆଇ ସହିତ ଜଡିତ ଅଛନ୍ତି ଏବଂ ବର୍ତ୍ତମାନ ସେ ଏହି ପୋଷ୍ଟରୁ ଏକ ନୂତନ ଇନିଂସ ଆରମ୍ଭ କରିବାକୁ ଯାଉଛନ୍ତି।
Sambad is now on WhatsApp
Join and get latest news updates delivered to you via WhatsApp
ଉପାଧ୍ୟକ୍ଷ ଭାବରେ ୬୫ ବର୍ଷିୟ କପିଲ ପୂର୍ବରୁ ପିଜିଟିଆଇ ବୋର୍ଡର ସଦସ୍ୟ ଥିଲେ। ଅଧ୍ୟକ୍ଷ ଭାବେ ସେ ସର୍ବସମ୍ମତି କ୍ରମେ ନିର୍ବାଚିତ ହୋଇଛନ୍ତି। ସେ ଏଚଆର ଶ୍ରୀନିବାସନଙ୍କ ସ୍ଥାନ ନେବେ। ଶ୍ରୀନିବାସନଙ୍କର କାର୍ଯ୍ୟକାଳ ଶେଷ ହୋଇଛି।
କପିଲ ଜଣେ ଭଲ ଗଲ୍ଫର୍ ଭାବରେ ଜଣାଶୁଣା। କପିଲ ତାଙ୍କ ନୂତନ ପଦବୀ ବିଷୟରେ କହିଛନ୍ତି ଯେ ପିଜିଟିଆଇ ଅଧ୍ୟକ୍ଷ ହେବା ମୋ ପାଇଁ ଗୌରବର ବିଷୟ। ମୁଁ ଗତ କିଛି ବର୍ଷ ଧରି ଏହି ସଂଗଠନ ସହିତ ଜଡିତ ଅଛି । ଏହା ଏକ ଖେଳାଳି ସଂଗଠନ ଏବଂ ମୁଁ ସମସ୍ତଙ୍କ ସହ ବହୁତ ଭଲ ବନ୍ଧୁ ହୋଇପାରିଛି।
କପିଲ କହିଛନ୍ତି, ତିନି ଦଶନ୍ଧିରୁ ଅଧିକ ସମୟ ଧରି ଗଲ୍ଫ ପ୍ରତି ତାଙ୍କର ଆଗ୍ରହ ରହିଆସିଛି। ପୂର୍ବତନ କ୍ରିକେଟର କହିଛନ୍ତି ଏସିଆନ୍ ଗେମ୍ସରେ ସେ ଗଲ୍ଫର ଭାବେ ଭାରତର ପ୍ରତିନିଧିତ୍ୱ କରିବାର ସ୍ୱପ୍ନ ଦେଖିଥିଲେ।
BREAKING … #KapilDev is the new President of the @pgtofindia – will head India’s professional golfers tour of India.
This man who led us to the first World Cup of cricket in 1983 is ready to lead Indian golf to a new era. @DPWorldTour @JeevMilkhaSingh pic.twitter.com/Z9WcXH7WXA— V Krishnaswamy (@Swinging_Swamy) June 26, 2024
ସେ କହିଛନ୍ତି ବର୍ତ୍ତମାନ ଏହା ହେଉଛି ଏଭଳି ଏକ କ୍ରୀଡା ଯେଉଁଥିରେ ମୁଁ ମୋର ଅଧିକାଂଶ ସମୟ ବିତାଇଛି। ମୁଁ ଉପାଧ୍ୟକ୍ଷ ହୋଇସାରିଛି ଏବଂ ମୁଁ ବୋର୍ଡରେ ଅଛି, ତେଣୁ ଅଧ୍ୟକ୍ଷ ଭାବେ ନିର୍ବାଚିତ ହୋଇଥିବାରୁ ମୁଁ ଗର୍ବିତ। ମୁଁ ପିଜିଟିଆଇରେ ମୋର ସର୍ବୋତ୍ତମ ପ୍ରଦର୍ଶନ ଦେବାକୁ ଚାହୁଁଛି। ପିଜିଟିଆଇ ପାଇଁ ନୂତନ ପ୍ରଯୋଜକ ଖୋଜିବାରେ କପିଲ ଆଗରେ ରହିଛନ୍ତି।
ସୂଚନାଯୋଗ୍ୟ, କପିଲ ଦେବ ୧୯୭୮ରୁ ୧୯୯୪ ପର୍ଯ୍ୟନ୍ତ ଭାରତ ପାଇଁ କ୍ରିକେଟ୍ ଖେଳିଥିଲା। କପିଲ ୧୩୧ ଟେଷ୍ଟ ଏବଂ ୨୨୫ ଟି ଏକଦିବସୀୟ ମ୍ୟାଚ୍ ଖେଳିଥିଲେ। ତାଙ୍କ ନେତୃତ୍ୱରେ ୧୯୮୩ରେ ଭାରତ ବିଶ୍ୱକପ ଜିତିଥିଲା। ୧୯୮୩ ବିଶ୍ୱକପରେ ତାଙ୍କର ୧୭୫ ରନର ଅପରାଜିତ ଇନିଂସ ଇତିହାସର ସର୍ବୋତ୍ତମ ଇନିଂସ ଭାବରେ ପରିଗଣିତ ହୋଇଛି।
ଟେଷ୍ଟ କ୍ରିକେଟରେ ସେ ଆଠ ଶତକ ସହାୟତାରେ ୫୩୪୮ ରନ୍ ସଂଗ୍ରହ କରିବା ସହ ୪୩୪ ୱିକେଟ୍ ନେଇଥିଲେ, ଯାହା ସେତେବେଳେ ବିଶ୍ୱ ରେକର୍ଡ ଥିଲା। ସେ ଏକଦୀବସୀୟ ମ୍ୟାଚ୍ରେ ୩୭୮୩ ରନ୍ ସଂଗ୍ରହ କରିବା ସହ ଏହି ଫର୍ମାଟରେ ୨୫୩ ୱିକେଟ୍ ନେଇଥିଲେ।
[ad_2]
