[ad_1]
ପାଟନା: ଶନିବାର ସକାଳେ ହଠାତ୍ ଅସୁସ୍ଥତା ହେତୁ ବିହାର ମୁଖ୍ୟମନ୍ତ୍ରୀ ନୀତୀଶ କୁମାରଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି। କୁହାଯାଉଛି ଯେ ସକାଳେ ଉଠିବା ପରେ ସେ ତାଙ୍କ ହାତରେ ଯନ୍ତ୍ରଣା ଅନୁଭବ କରିଥିଲେ। ଯନ୍ତ୍ରଣା ଅଚାନକ ପ୍ରବଳ ଜୋର୍ ବଢ଼ିଯିବାରୁ ତାଙ୍କୁ ପାଟଣାର ମେଦାନ୍ତା ଡାକ୍ତରଖାନାକୁ ନିଆଯାଇଥିଲା।
ଡାକ୍ତରଖାନାର ଡାକ୍ତରଙ୍କ କହିବା ଅନୁଯାୟୀ ନୀତୀଶ କୁମାର ମେଦାନ୍ତର ଅସ୍ତିଶଲ୍ୟ ବିଭାଗରେ ଚିକିତ୍ସିତ ହେଉଛନ୍ତି। ଡାକ୍ତରଙ୍କ ଏକ ଟିମ୍ ତାଙ୍କ ଯତ୍ନ ନେଉଛନ୍ତି। ଗତ କିଛି ମାସ ଧରି ନୀତୀଶ କୁମାର ବହୁତ ବ୍ୟସ୍ତ ଥିଲେ। ଲୋକସଭା ନିର୍ବାଚନ ସମୟରେ ନିର୍ବାଚନ ପ୍ରଚାର ମାସ ମାସ ଧରି ଚାଲିଥିଲା ଏବଂ ଏହା ପରେ କେନ୍ଦ୍ରରେ ସରକାର ଗଠନକୁ ନେଇ ଦିଲ୍ଲୀରେ ଅନେକ ବୈଠକ ଜାରି ରହିଥିଲା। ଏହା କାରଣରୁ ସେ ଦୁର୍ବଳ ହୋଇଥାପାରନ୍ତି ବୋଲି ଅନୁମାନ କରାଯାଉଛି।
Sambad is now on WhatsApp
Join and get latest news updates delivered to you via WhatsApp
ଉଲ୍ଲେଖଯୋଗ୍ୟ, କିଛି ଦନ ତଳେ ଜେଡିୟୁ ନେତା କେସି ତ୍ୟାଗୀ ଦାବି କରିଥିଲେ ଯେ “ନୀତୀଶ କୁମାର ପ୍ରଧାନମନ୍ତ୍ରୀ ହେବା ପାଇଁ ଇଣ୍ଡିଆ ବ୍ଲକରୁ ଏକ ଅଫର ପାଇଥିଲେ। ସେ ଏହାକୁ ମନା କରିଦେଇଥିଲେ।
ଚର୍ଚ୍ଚା ମୁତାବକ ଇଣ୍ଡିଆ ମେଣ୍ଟ ଜେଡିୟୁ ଏବଂ ତେଲୁଗୁ ଦେଶମ ପାର୍ଟି (ଟିଡିପି) କୁ ନିଜ ଆଡକୁ ଆଣିବାକୁ ଯୋଜନା କରୁଥିବାବେଳେ ଏହି ଉଭୟ ଦଳ ବିଜେପି ନେତୃତ୍ୱାଧୀନ ଏନଡିଏର ସହଯୋଗୀ। ଇଣ୍ଡିଆ ମେଣ୍ଟ ଲୋକସଭା ନିର୍ବାଚନରେ ଏକ ଶକ୍ତିଶାଳୀ ପ୍ରଦର୍ଶନ ସହିତ ଏକଜିଟ୍ ପୋଲ୍ ପୂର୍ବାନୁମାନକୁ ଭୁଲ ପ୍ରମାଣିତ କରିଛି ଏବଂ ୫୪୩ଟି ଆସନ ମଧ୍ୟରୁ ୨୩୪ଟି ଜିତିଛି। ଅନ୍ୟପକ୍ଷରେ, ଏନଡିଏ ୨୯୩ଟି ଆସନ ଜିତିଥିବା ବେଳେ ବିଜେପି ୨୪୦ଟି ଆସନ ଜିତିଛି।
[ad_2]
