[ad_1]
ମୁମ୍ବାଇ: ପୁଣି ଥରେ ଦର୍ଶକଙ୍କୁ ଖୁସି କରାଇବ ଅଲ୍ଳୁ ଅର୍ଜୁନ ଓ ରଶ୍ମିକାଙ୍କ ଲଭ୍-କେମେଷ୍ଟ୍ରି। ‘ପୁଷ୍ପା’ରେ ଦର୍ଶକଙ୍କର ଭର୍ପୂର ମନୋରଞ୍ଜନ କରାଇଥିବା ଏହି ଯୋଡ଼ି ପୁଣି ଥରେ ନୂଆ ମସଲା ନେଇ ହାଜର। ବହୁ ପ୍ରତିକ୍ଷିତ ସିନେମା ପୁଷ୍ପା-୨ର ନୂଆ ଗୀତ ରିଲିଜ ହୋଇଯାଇଛି । ଗୀତରେ ସିନେମାର ମୁଖ୍ୟ କଳାକାର ଅଲ୍ଲୁ ଅର୍ଜୁନ ଓ ରଶ୍ମିକା ମନ୍ଦାନାଙ୍କ ଚମତ୍କାର ଅଭିନୟ ଦେଖିବାକୁ ମିଳିଛି । ରିଲିଜ ହେବା ପରେ ଦର୍ଶକଙ୍କ ଗହଣରେ ବେଶ ଲୋକପ୍ରିୟ ସାଉଁଟିଛି ଗୀତ ଅଙ୍ଗାରୋ।
Sambad is now on WhatsApp
Join and get latest news updates delivered to you via WhatsApp
ରିଲିଜ ଅପେକ୍ଷାରେ ଥିବା ବହୁ ପ୍ରତିକ୍ଷିତ ସିନେମା ପୁଷ୍ପା ୨ ଦ ରୁଲର ନୂଆ ଗୀତ ରିଲିଜ ହୋଇଛି । ଏହି ରୋମାଣ୍ଟିକ୍ ଗୀତର ଶୀର୍ଷକ ରହିଛି ଅଙ୍ଗାରୋ । ଅଲ୍ଲୁ ଅର୍ଜୁନ ଓ ରଶ୍ମିକା ମନ୍ଦାନାଙ୍କ ଯୋଡି ପୁଣିଥରେ ନୂଆ ରୂପରେ ଦର୍ଶକଙ୍କ ନିକଟକୁ ଫେରିଛନ୍ତି ।
ଗୀତରେ କିଛି ଟୁଇଷ୍ଟ ଦେଖିବାକୁ ମିଳିଛି । ସୁଟିଂ ସେଟର କିଛି ସିନକୁ ଏଥିରେ ସ୍ଥାନ ଦିଆଯାଇଛି । ଗୀତରେ କଣ୍ଠଦାନ କରିଛନ୍ତି ଶ୍ରେୟା ଘୋଷାଲ । ରାକିବ ଆଲମଙ୍କ ଗୀତକୁ ସଂଗୀତରେ ସଜାଇଛନ୍ତି ଦେବୀଶ୍ରୀ ପ୍ରସାଦ । ଅଗଷ୍ଟ ୧୫ରେ ବଡ ପରଦାରେ ୬ଟି ଭାଷା ସହ ରିଲିଜ ହେବ ପୁଷ୍ପା ୨ ଦ ରୁଲ। ସିନେମାର ପ୍ରଥମ ଭାଗ ବକ୍ସ ଅଫିସରେ ରେକର୍ଡ କରିଥିବା ବେଳେ ୨ୟ ଭାଗ ବି ସମାନ ସଫଳତା ଦୋହରାଇବ ବୋଲି ଆଶା ରଖିଛି ଟିମ ପୁଷ୍ପା।
[ad_2]
