ଆପଣଙ୍କ ସ୍ତ୍ରୀ କିମ୍ବା ପ୍ରେମିକାଙ୍କ ପିରିୟଡ ବା ଋତୁସ୍ରାବ ସମୟରେ ସେକ୍ସ କରିବା ସମ୍ପୂର୍ଣ୍ଣ ରୂପେ ଆପଣ ଏବଂ ଆପଣଙ୍କ ସାଥୀଙ୍କ ବ୍ୟକ୍ତିଗତ ପସନ୍ଦ ଅଟେ । ଏହାକୁ ନେଇ ନା ଆପଣଙ୍କୁ କିଏ ଆକଟ କରିବ ନା କିଏ ଅଟକାଇ ପାରିବ । ତେଣୁ ଏହା ସମ୍ପୂର୍ଣ୍ଣ ରୂପେ ଆପଣ ଦୁହିଁଙ୍କ ପ୍ରାଇଭେଟ୍ କଥା । ତେବେ ଆଜିର ଆଲୋଚନାରେ ଆମେ ଏ ସମ୍ପର୍କିତ କିଛି ଗୁରୁତ୍ୱପୂର୍ଣ୍ଣ ପ୍ରସଙ୍ଗରେ ଆଲୋଚନା କରିବା ଯାହା ଆପଣଙ୍କୁ ଏହି ସଂକ୍ରାନ୍ତୀୟ କିଛି ଜ୍ଞାନ ପ୍ରଦାନ କରିବ । ତେବେ ଆଉ ଡେରି କାହିଁକି ଆସନ୍ତୁ ଆରମ୍ଭ କରି ଆପଣଙ୍କୁ ଉତ୍ତେଜିତ କରୁଥିବା କିଛି ଭାବନାକୁ କେମିତି ସ୍ୱାସ୍ଥ୍ୟପୋଯୋଗୀ କରି ଦେହ ଖେଳର ସୁଖଦ ଅନୁଭବ ପାଇପାରିବେ ।
ପ୍ରଥମେ ଆପଣ ସ୍ୱଚ୍ଛତା ଉପରେ ଧ୍ୟାନ ଦିଅନ୍ତୁ । ମନେ ରଖିବେ ସ୍ୱାସ୍ଥ୍ୟ ହିଁ ସମ୍ପଦ । ସେକ୍ସ ବେଳେ ଏହାକୁ ଯଦି ଆପଣ ଢିଲା ଛାଡ଼ିଦେବେ ତେବେ ଅନେକ ଯୌନ ରୋଗ ସମ୍ବନ୍ଧୀୟ ସମସ୍ୟାର ଆପଣ ସମ୍ମୁଖିନ ହୋଇଯିବେ । ତେଣୁ ଯେତେଥର ବି ଆପଣ ସେକ୍ସ କରିବାକୁ ଯାଉଛନ୍ତି ତାହା ନର୍ମାଲ ଲାଇଫ୍ ହେଉନା କାହିଁକି ସ୍ୱଚ୍ଛତାକୁ ପ୍ରାଥମିକତା ଦେବାରୁ କୃପଣ ମନେ କରିବେ ନାହିଁ ।
ଏନେଇ ଜଣାଶୁଣା ଗାଏନୋକୋଲଜିଷ୍ଟ ସଂଗୀତା ଅଗ୍ରୱାଲ କପୁଲମାନଙ୍କ ଏହି ଆଗ୍ରହ ଓ ସମସ୍ୟାର ସମାଧାନ ଦିଗକୁ ଧ୍ୟାନରେ ରଖି କିଛି ଭଲ ଉପଦେଶ ନିମ୍ନ ପ୍ରକାରେ ଦେଇଛନ୍ତି …1 – ଖଟ ଉପରେ ସଫା କପଡ଼ା ରଖନ୍ତୁ ଏହା କାମରେ ଆସିବ :- ଆପଣ ଜାଣନ୍ତି ? ସେକ୍ସ ବେଳେ ସଫା କପଡା ବେଶ୍ ଦରକାରୀ ହୋଇଥାଏ । ଏହା ଆପଣଙ୍କୁ ଏବଂ ଆପଣଙ୍କ ପାର୍ଟନରଙ୍କୁ ସ୍ୱଚ୍ଛ ରଖିଥାଏ । ଆଉ ଯେତେବେଳେ ଋତୁସ୍ରାବ ସମୟରେ ସେକ୍ସ କଥା କୁହାଯାଉଛି ସେତେବେଳେ ଆପଣ ଏହାକୁ ପାଳନ କରିବା ସହ ସଫା ଓ ଧଳା ଟୱାଲ କିମ୍ବା କପଡା ରଖିବାକୁ ଭୁଲିବେ ନାହିଁ । ଯେହେତୁ ସେକ୍ସ ବେଳେ ଅପରିସ୍କାର କାହାକୁ ବି ପସନ୍ଦ ନାହିଁ, ତେଣୁ ଆପଣ ବି ଏଥିପ୍ରତି ସଚେତନ ହେବା ଜରୁରୀ ଅଟେ । ଆଗକୁ ଯେତେବେଳେ ବି ଆପଣ ଋତୁସ୍ରାବ ସମୟରେ ସେକ୍ସ ପ୍ରତି ଆଗ୍ରହ ଦେଖାଇବେ ସେବେ ଆପଣ ଏହି ନିୟମ ମନେ ରଖି ଏହାକୁ କାର୍ଯ୍ୟରେ ଲଗାଇବେ ।
