ରୁଷ୍ ପ୍ରତିପକ୍ଷଙ୍କୁ ଭେଟିଲେ ଅଜିତ ଡୋଭଲ, ଦ୍ବିପାକ୍ଷିକ ସହଯୋଗରେ ପ୍ରଗତିର ସମୀକ୍ଷା କଲେ – Kalinga News

ନୂଆଦିଲ୍ଲୀ : ଜାତୀୟ ସୁରକ୍ଷା ପରାମର୍ଶଦାତା ଅଜିତ ଡୋଭଲ ବୁଧବାର ଦିନ ତାଙ୍କ ରୁଷ୍ ପ୍ରତିପକ୍ଷ ନିକୋଲାଇ ପତ୍ରୁଶେବଙ୍କୁ ଭେଟିଛନ୍ତି। ଗୋଟିଏ ମାସ ମଧ୍ୟରେ ଡୋଭଲ ତାଙ୍କ ରୁଷ୍ ପ୍ରତିପକ୍ଷଙ୍କୁ ଦ୍ବିତୀୟ ଥର ପାଇଁ ଭେଟିଛନ୍ତି ଏବଂ ସେମାନେ ଦ୍ବିପାକ୍ଷିକ ସହଯୋଗରେ ପ୍ରଗତିର ସମୀକ୍ଷା କରିଛନ୍ତି ଏବଂ ପାରସ୍ପରିକ ବୁଝାମଣା ଭଳି ଗୁରୁତ୍ବପୂର୍ଣ୍ଣ ପ୍ରସଙ୍ଗରେ ଆଲୋଚନା କରିଛନ୍ତି। ରୁଷ୍ ଫେଡେରେସନର ସୁରକ୍ଷା ପରିଷଦ ସଚିବ ପତ୍ରୁଶେବଙ୍କ ସହ ଡୋଭଲ ଦ୍ବିପାକ୍ଷିକ ବୈଠକ କରିଛନ୍ତି। ସେଣ୍ଟ ପିଟର୍ସବର୍ଗରେ ସୁରକ୍ଷା ପ୍ରସଙ୍ଗରେ ଉଚ୍ଚ ସ୍ତରୀୟ ଅଧିକାରୀଙ୍କ ସହ ଡୋଭଲ ବୈଠକ କରିଛନ୍ତି ବୋଲି ମସ୍କୋ ସ୍ଥିତ ଭାରତୀୟ ଦୂତାବାସ ପକ୍ଷରୁ ଆଜି ଏକ୍ସରେ ଏକ ପୋଷ୍ଟ୍ କରି କୁହାଯାଇଛି । ଉଭୟ ପକ୍ଷ ଦ୍ବିପାକ୍ଷିକ ସହଯୋଗରେ ଅଗ୍ରଗତିର ସମୀକ୍ଷା କରିଛନ୍ତି ବୋଲି ସେ କହିଛନ୍ତି। ଗତ ମାର୍ଚ୍ଚ ୨୨ ତାରିଖରେ କ୍ରୋକସ ସିଟି ହଲରେ ହୋଇଥିବା ଭୟଙ୍କର ଆତଙ୍କବାଦୀ ଆକ୍ରମଣକୁ ଏନଏସଏ କଡ଼ା ନିନ୍ଦା କରିଛନ୍ତି। ପୃଥକ ଭାବେ ଡୋଭଲ ବୁଧବାର ବ୍ରିକ୍ସ ରାଷ୍ଟ୍ରର ସମସ୍ତ ଏନଏସଏଙ୍କ ସହ ବୈଠକ କରିଛନ୍ତି। ଡୋଭଲ ମଧ୍ୟ ତାଙ୍କ ମିଆଁମାର ପ୍ରତିପକ୍ଷ ଆଡମିରାଲ ମୋ ଅଙ୍ଗଙ୍କ ସହ ମିଆଁମାରରେ ବର୍ତ୍ତମାନ ସ୍ଥିତି ସଂକ୍ରାନ୍ତରେ ଦ୍ବିପାକ୍ଷିକ ବୈଠକ କରିଛନ୍ତି।