[ad_1]
ନୂଆଦିଲ୍ଲୀ: ଦିଲ୍ଲୀର ତିହାର ଜେଲରେ ବନ୍ଦୀ ଥିବା କୁଖ୍ୟାତ ଗ୍ୟାଙ୍ଗଷ୍ଟର ଛୋଟା ରାଜନର ଏକ ନୂଆ ଫଟୋ ସାମନାକୁ ଆସିଛି । ଏଥିରେ ସେ ମାସ୍କ ପିନ୍ଧିଛି ଓ ବେଶ ସୁସ୍ଥ ଦେଖାଯାଉଛି । ଏହି ଫଟୋଟି ଗତ ୯ ବର୍ଷ ମଧ୍ୟରେ ଆସିଥିବା ଛୋଟା ରାଜନର ସବୁଠାରୁ ନୂଆ ଫଟୋ ।
Sambad is now on WhatsApp
Join and get latest news updates delivered to you via WhatsApp
ଛୋଟା ରାଜନର ଏହି ଫଟୋ ଏମିତି ଏକ ସମୟରେ ସାମ୍ନାକୁ ଆସୁଛି ଯେତେବେଳେ ତା ମୃତ୍ୟୁକୁ ନେଇ କଳ୍ପନାଜଳ୍ପନା ଜାରି ରହିଥିଲା । କରୋନା ରେ ଛୋଟା ରାଜନଙ୍କ ମୃତ୍ୟୁ ହୋଇଥିବା ଅନୁମାନ କରାଯାଉଥିଲା । କୁଖ୍ୟାତ ଡନ୍ ଦାଉଦ ଇବ୍ରାହିମର ଶତ୍ରୁ ଛୋଟା ରାଜନ ୨୦୧୫ରୁ ତିହାର ଜେଲ ନମ୍ବର ୨ରେ ବନ୍ଦୀ ଅଛି। ଏକ ହତ୍ୟା ମାମଲାରେ ସେ ଜେଲରେ ଅଛି । ଏହି ଜେଲ୍ ଅତ୍ୟନ୍ତ କଡ଼ା ସୁରକ୍ଷା ବଳୟ ରେ ରହିଛି।
ଗଣମାଧ୍ୟମ ରିପୋର୍ଟ ଅନୁଯାୟୀ, ଛୋଟା ରାଜନର ଏହି ଫଟୋ ୨୦୨୧ କରୋନା ମହାମାରୀ ସମୟର । ଏପ୍ରିଲ ୨୦୨୧ରେ ରାଜନ କୋଭିଡ୍-୧୯ ପଜିଟିଭ୍ ଚିହ୍ନଟ ହେବା ପରେ ତାଙ୍କୁ ଦିଲ୍ଲୀର ଅଖିଳ ଭାରତୀୟ ଆୟୁର୍ବିଜ୍ଞାନ ପ୍ରତିଷ୍ଠାନ (ଏମ୍ସ)ରେ ଭର୍ତ୍ତି କରାଯାଇଥିଲା। ସେତେବେଳେ ସଂଦେହ କରାଯାଉଥିଲା ଯେ କରୋନା ସଂକ୍ରମିତ ହୋଇ ସେ ମୃତ୍ୟୁବରଣ କରିଛି । ତେବେ ସରକାରୀଭାବେ ଏ ନେଇ କୌଣସି ଘୋଷଣା କରାଯାଇଥିଲା । ଏବେ ନୂଆ ଫଟୋ ଆସିବା ପରେ ଉକ୍ତ କଳ୍ପନାଜଳ୍ପନା ମିଥ୍ୟା ପ୍ରମାଣିତ ହୋଇଛି ।
[ad_2]
