[ad_1]
ପାଟନା: ବିହାରର ପୂର୍ବତନ ମୁଖ୍ୟମନ୍ତ୍ରୀ ତଥା ଆରଜେଡି ନେତା ଲାଲୁ ଯାଦବ ୨୦୨୪ ସାଧାରଣ ନିର୍ବାଚନ ପାଇଁ ପ୍ରସ୍ତୁତ ହୋଇଛନ୍ତି। ବିଜେପିକୁ ପରାସ୍ତ କରିବା ପାଇଁ ଲାଲୁ ଯାଦବ ନିଜର ପୁରୁଣା ବ୍ରହ୍ମାସ୍ତ୍ରକୁ ପ୍ରୟୋଗ କରିବା ଆରମ୍ଭ କରିଛନ୍ତି। ଏହି ବ୍ରହ୍ମାସ୍ତ୍ରର ସାହାଯ୍ୟରେ ଲାଲୁ ଯାଦବ ୨୦୧୫ରେ ବିଜେପିକୁ ପରାସ୍ତ କରିଥିଲେ ଏବଂ ୨୦୨୪ ସାଧାରଣ ନିର୍ବାଚନରେ ଲାଲୁଙ୍କ ବିବୃତ୍ତି ମଧ୍ୟ ସମାନ ଦିଗକୁ ସୂଚାଉଛି। ସେ ଏପରି କରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ଗୃହମନ୍ତ୍ରୀ ଅମିତ ଶାହାଙ୍କ ବିଜୟରଥକୁ ବିହାରରେ ରୋକିବାର ପ୍ରୟାସ ଆରମ୍ଭ କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
୨୦୧୫ ନିର୍ବାଚନରେ ସେ ବିଜେପି ବିରୋଧରେ ଗ୍ରହଣ କରିଥିବା ରଣନୀତିର ପୁନରାବୃତ୍ତି କରିଛନ୍ତି। ଲାଲୁ ଏହି ରଣନୀତି ଆପଣେଇ ବିଜେପିକୁ ପରାସ୍ତ କରିଥିଲେ। ଲାଲୁ ଯାଦବ ତାଙ୍କ ସାକ୍ଷାତକାର ସମୟରେ କହିଛନ୍ତି ବିଜେପି ନର୍ଭସ ହୋଇ ୪୦୦ରୁ ଅଧିକ ଆସନରେ ଜିତିବା କଥା କହୁଛି।
ତାଙ୍କ ଦଳର ନେତାମାନେ କ୍ରମାଗତ ଭାବରେ ସମ୍ବିଧାନ ପରିବର୍ତ୍ତନ କରିବାକୁ ଦାବି କରୁଛନ୍ତି। ଏହା ହେଉଛି ବାବା ସାହେବ ଆମ୍ବେଡ଼କରଙ୍କ ଦ୍ବାରା ପ୍ରସ୍ତୁତ ସମ୍ବିଧାନ। ଯିଏ ଏହାକୁ ପରିବର୍ତ୍ତନ କରିବାକୁ ଚେଷ୍ଟା କରିବ, ଦେଶର ଲୋକମାନେ ତାଙ୍କ ଆଖି ତାଡ଼ି ନେବେ। ଦେଶର ଲୋକମାନେ ଏହାକୁ ଆଦୌ ବରଦାସ୍ତ କରିବେ ନାହିଁ।
ଆରଏସଏସ ମୁଖ୍ୟ ମୋହନ ଭାଗୱତଙ୍କ ୨୦୧୫ର ବିବୃତ୍ତି ବିଷୟରେ ଉଲ୍ଲେଖ କରି ଲାଲୁ ଯାଦବ କହିଛନ୍ତି ମୋହନ ସଂରକ୍ଷଣର ସମୀକ୍ଷା କରିବା ବିଷୟରେ କହିଥିଲେ ଏବଂ ଦେଶର ଲୋକମାନେ ତାଙ୍କର ଉଦ୍ଦେଶ୍ୟକୁ ବିଫଳ କରି ଦେଇଥିଲେ। ସେହିପରି ବିଜେପି ଏବେ ସମ୍ବିଧାନ ପରିବର୍ତ୍ତନ ବିଷୟରେ କହୁଛି। ଲୋକେ ଏହାର ଉଚିତ ଜବାବ୍ ଦେବେ।
[ad_2]
