ଜେଲରେ କେଜ୍ରିୱାଲଙ୍କୁ ଭେଟିଲେ ଭଗୱନ୍ତ ମାନ , କହିଲେ କୁଖ୍ୟାତ ଅପରାଧୀ ଯେଉଁ ସୁବିଧା ପାଉଛନ୍ତି, କେଜ୍ରିୱାଲଙ୍କୁ ତାହା ମଧ୍ୟ ମିଳୁନି – Kalinga News

ନୂଆଦିଲ୍ଲୀ : ପଂଜାବ ମୁଖ୍ୟମନ୍ତ୍ରୀ ଏବଂ ଆପ୍ ନେତା ଭଗୱନ୍ତ ମାନ ଆଜି ତାଙ୍କ ଦିଲ୍ଲୀ ପ୍ରତିପକ୍ଷ ଏବଂ ଆପ୍ ସୁପ୍ରିମୋ ଅରବିନ୍ଦ କେଜ୍ରିୱାଲଙ୍କୁ ଦିଲ୍ଲୀର ତିହାର ଜେଲରେ ଭେଟିଛନ୍ତି। ମାନ୍ କହିଛନ୍ତି, ସେମାନଙ୍କୁ ଆତଙ୍କବାଦୀ ଭଳି ଦେଖାଯାଇଥିଲା। କୁଖ୍ୟାତ ଅପରାଧୀଙ୍କୁ ଯେଉଁଭଳି ସୁବିଧା ପ୍ରଦାନ କରାଯାଉଛି କେଜ୍ରିୱାଲଙ୍କୁ ସେଭଳି ସୁବିଧା ମଧ୍ୟ ଦିଆଯାଇନି ବୋଲି ମାନ୍ କହିଛନ୍ତି। ଉଲ୍ଲେଖଯୋଗ୍ୟ ଯେ କେଜ୍ରିୱାଲଙ୍କୁ ମାର୍ଚ୍ଚ ୨୧ ତାରିଖରେ ଇଡି (ପ୍ରବର୍ତ୍ତନ ନିର୍ଦ୍ଦେଶାଳୟ) ଗିରଫ କରିଥିଲା। ଗିରଫ ପରେ କେଜ୍ରିୱାଲ ଏପ୍ରିଲ ୧ ତାରିଖରୁ ଇଡି ହାଜତରେ ଥିଲେ। କେଜ୍ରିୱାଲଙ୍କୁ ଭେଟିବାପରେ ମାନ୍ ସାମ୍ବାଦିକମାନଙ୍କୁ ସୂଚନା ଦେଇ କହିଛନ୍ତି ଯେ ଦିଲ୍ଲୀ ମୁଖ୍ୟମନ୍ତ୍ରୀଙ୍କ ସହ ଅଧଘଣ୍ଟା ପାଖାପାଖି କଥା ହୋଇଛନ୍ତି। କିନ୍ତୁ କାଚ ଦେଇ ସେମାନଙ୍କୁ ଅଲଗା ରଖାଯାଇଥିଲା ଏବଂ ସେମାନେ ଫୋନ କଲରେ କଥା ହୋଇଥିଲେ। ମାନ୍ କହିଛନ୍ତି, ଏହା ଦେଖି ଖୁବ୍ ଦୁଃଖ ଲାଗିଲା ଯେ କୁ୍ଖ୍ୟାତ ଅପରାଧୀମାନଙ୍କ ପାଇଁ ଯେଉଁ ସୁବିଧା ଉପଲବ୍ଧ ଅଛି କେଜ୍ରିୱାଲ ସେଭଳି ସୁବିଧା ବି ପାଉନାହାନ୍ତି।
•