ମନୋରଞ୍ଜନ

ପ୍ଲାଷ୍ଟିକ ସର୍ଜରୀ କରିଛନ୍ତି କି ରାଜକୁମାର; କନସର୍ଟରୁ ଫଟୋ ଭାଇରାଲ ହେବା ପରେ ଆରମ୍ଭ ହେଲା ଚର୍ଚ୍ଚା – Kalinga News


ମୁମ୍ବାଇ: ଗତକାଲି ରାତିରେ ମୁମ୍ବାଇରେ ଦିଲଜିତ ଦୋସାଞ୍ଜଙ୍କ କନ୍ସର୍ଟ ଅନୁଷ୍ଠିତ ହୋଇଥିଲା ଯେଉଁଠାକୁ ବଲିଉଡର ଅନେକ କଳାକାର ଆସିଥିଲେ। ରାଜକୁମାର ରାଓ ମଧ୍ୟ ତାଙ୍କ ପତ୍ନୀ ପତ୍ରଲେଖାଙ୍କ ସହ ଏହି କାର୍ଯ୍ୟକ୍ରମରେ ପହଞ୍ଚିଥିଲେ। ଏହି କନସର୍ଟରୁ ଅଭିନେତାଙ୍କର କିଛି ଫଟୋ ଏବେ ଭାଇରାଲ ହେବାରେ ଲାଗିଛି, ଯାହା ବର୍ତ୍ତମାନ ଚର୍ଚ୍ଚାର ବିଷୟ ପାଲଟିଛି।

ରାଜକୁମାର ରାଓଙ୍କର ଏହି ଫଟୋ ଭାଇରାଲ ହେବା ପରେ ସୋସିଆଲ ମିଡିଆରେ ତାଙ୍କୁ ନେଇ ଏକ ଚର୍ଚ୍ଚା ଚାଲିଛି। ଫଟୋରେ ରାଜକୁମାରଙ୍କ ଲୁକ୍ ବହୁତ ବଦଳିଥିବା ପରି ମନେ ହେଉଥିବାରୁ ସେ ପ୍ଲାଷ୍ଟିକ ସର୍ଜରୀ କରିଛନ୍ତି ବୋଲି ଲୋକେ କହିବା ଆରମ୍ଭ କରିଛନ୍ତି। ଅନେକ ଅଭିନେତାଙ୍କ ନୂଆ ଲୁକକୁ ନେଇ ତାଙ୍କୁ ବହୁତ ଟ୍ରୋଲ କରୁଥିବା ଦେଖାଯାଇଛି।

ଫଟୋରେ କମେଣ୍ଟ ଦେଇ ଜଣେ ବ୍ୟବହାରକାରୀ ଲେଖିଛନ୍ତି, ‘ମୁହଁରେ ବହୁତ ଅଧିକ ଫିଲର୍ ରହିଛି। ଚେହେରାର ଆକାର ସଂପୂର୍ଣ୍ଣ ବଦଳି ଯାଇଛି।’ ଅନ୍ୟ ଜଣେ ବ୍ୟବହାରକାରୀ ଲେଖିଛନ୍ତି ‘ଚିଙ୍କୁ କୁମାର’ । ଆଉ ଜଣେ ସୋସିଆଲ ମିଡିଆ ବ୍ୟବହାରକାରୀ ଲେଖିଛନ୍ତି ଯେ, ପ୍ଲାଷ୍ଟିକ୍ ସର୍ଜରୀ କରି ରାଜକୁମାର ନିଜର ଔକାତ୍ ଦେଖାଇଦେଲେ।

ତେବେ କିଛି ମାସ ତଳେ ବି ଏହି ଚର୍ଚ୍ଚା ହୋଇଥିଲେ ବି ରାଜକୁମାର ଏହାକୁ ଅସ୍ବୀକାର କରିଥିଲେ।




Related Articles

Leave a Reply

Your email address will not be published. Required fields are marked *

Back to top button