[ad_1]
ନୂଆଦିଲ୍ଲୀ : ହରିୟାଣାର ମହେନ୍ଦ୍ରଗଡ଼ ଜିଲ୍ଲା ଅଧୀନସ୍ଥ କଣିନା ସହରରେ ଆଜି ଏକ ଘରୋଇ ସ୍କୁଲବସ୍ ଓଲଟିଯାଇ ୬ ଜଣ ଛାତ୍ରଙ୍କର ମୃତ୍ୟୁ ହୋଇଯାଇଛି। ଦୁର୍ଘଟଣାରେ ୨୦ରୁ ଅଧିକ ଛାତ୍ର ଆହତ ହୋଇଛନ୍ତି। ଆହତ ଛାତ୍ରମାନଙ୍କୁ ମହେନ୍ଦ୍ରଗଡ଼ ଏବଂ ନମୌଲର ବିଭିନ୍ନ ହସ୍ପିଟାଲରେ ଚିକିତ୍ସା କରାଯାଉଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଉକ୍ତ ଘଟଣାରେ ଗଭୀର ଶୋକ ପ୍ରକାଶ କରିଛନ୍ତି। ଏକ୍ସରେ ଏକ ପୋଷ୍ଟ୍ କରି ମୋଦୀ କହିଛନ୍ତି, ହରିୟାଣାର ମହେନ୍ଦ୍ରଗିରିରେ ହୋଇଥିବା ସଡ଼କ ଦୁର୍ଘଟଣା ଅତ୍ୟନ୍ତ ଯନ୍ତ୍ରଣାଦାୟକ। ଦୁର୍ଘଟଣାରେ ନିଜ ପିଲାଙ୍କୁ ହରାଇ ଦେଇଥିବା ପରିବାର ସଦସ୍ୟଙ୍କୁ ମୋର ସମବେଦନା। ଏଥିସହ ଆହତ ଶିଶୁମାନଙ୍କର ମୁଁ ଶୀଘ୍ର ଆରୋଗ୍ୟ କାମନା କରୁଛି ବୋଲି ମୋଦୀ କହିଛନ୍ତି। ହରିୟାଣା ମୁଖ୍ୟମନ୍ତ୍ରୀ ନାୟବ ସାଇନି କହିଛନ୍ତି, ଆହତମାନଙ୍କୁ ସ୍ଥାନୀୟ ପ୍ରଶାସନ ସହଯୋଗ କରୁଛନ୍ତି। ଦୁର୍ଘଟଣାରେ ଆହତ ହୋଇଥିବା ଜଣେ ଛାତ୍ର କହିଛନ୍ତି, ବସ୍ଟି ଦରକାରଠାରୁ ଅଧିକ ଦ୍ରୁତଗତିରେ ଯାଉଥିଲା ଏବଂ ଏକ କେନାଲ ଉପରେ ଦୁର୍ଘଟଣା ହୋଇଥିଲା। ଡ୍ରାଇଭର ମଦ୍ୟପାନ କରିଥିବାରୁ ଏମିତି ହୋଇଥିଲା ବୋଲି କୁହାଯାଉଛି। ବସରେ ୫୦ରୁ ଅଧିକ ଛାତ୍ର ଥିଲେ ବୋଲି କୁହାଯାଉଛି।
[ad_2]
