[ad_1]
ମୁମ୍ବାଇ: ଭାରତୀୟ କ୍ରିକେଟ୍ ଦଳର ତାରକା ଖେଳାଳି ହାର୍ଦ୍ଦିକ ପାଣ୍ଡ୍ୟା ଏବଂ କ୍ରୁନାଲ ପାଣ୍ଡ୍ୟାଙ୍କୁ ସେମାନଙ୍କ ସମ୍ପର୍କୀୟ ଭାଇ ବୈଭବ ପାଣ୍ଡ୍ୟା କୋଟି କୋଟି ଟଙ୍କା ଠକିଛନ୍ତି। ଆଉ ଅଭିଯୋଗ ମିଳିବା ପରେ ମୁମ୍ବାଇରେ ଥିବା ଇକୋନୋମିକ୍ ଅଫେନ୍ସ ୱିଙ୍ଗ ବୈଭବ ପାଣ୍ଡ୍ୟାଙ୍କୁ ଗିରଫ କରିଛି। ଗଣମାଧ୍ୟମ ରିପୋର୍ଟ ଅନୁଯାୟୀ ବୈଭବ ପାଣ୍ଡ୍ୟା ହାର୍ଦ୍ଦିକ ପାଣ୍ଡ୍ୟା ଏବଂ କ୍ରୁନାଲ ପାଣ୍ଡ୍ୟାଙ୍କୁ କୋଟି କୋଟି ଟଙ୍କା ଠକିଛନ୍ତି। ସମ୍ପ୍ରତି ଉଭୟ ଭାଇ ଆଇପିଏଲରେ ଖେଳୁଛନ୍ତି। ହାର୍ଦ୍ଦିକ ପାଣ୍ଡ୍ୟା ମୁମ୍ବାଇ ଇଣ୍ଡିଆନ୍ସର ଅଧିନାୟକ ଅଛନ୍ତି।
Sambad is now on WhatsApp
Join and get latest news updates delivered to you via WhatsApp
ଏଥି ସହିତ, କ୍ରୁନାଲ ପାଣ୍ଡ୍ୟା ଲଖନଉ ସୁପର ଜିଆଣ୍ଟସ ପାଇଁ ଖେଳୁଛନ୍ତି । ବାସ୍ତବରେ ବୈଭବ ପାଣ୍ଡ୍ୟା, ହାର୍ଦ୍ଦିକ ପାଣ୍ଡ୍ୟା ଏବଂ କ୍ରୁନାଲ ପାଣ୍ଡ୍ୟାଙ୍କ ସହ ମିଶି ଏକ ପଲିମର ବ୍ୟବସାୟ ଆରମ୍ଭ କରିଥିଲେ ଯେଉଁଥିରେ ହାର୍ଦ୍ଦିକ ପାଣ୍ଡ୍ୟା ଏବଂ କ୍ରୁନାଲ ପାଣ୍ଡ୍ୟାଙ୍କର ୪୦ ପ୍ରତିଶତ ଅଂଶଧନ ଥିଲା। ବୈଭବ ପାଣ୍ଡ୍ୟାଙ୍କ ୨୦ ପ୍ରତିଶତ ଅଂଶଧନ ଥିଲା। ଗଣମାଧ୍ୟମର ରିପୋର୍ଟ ଅନୁଯାୟୀ, ଏହି ପଲିମର କମ୍ପାନୀର ଲାଭାଂଶ ହାର୍ଦ୍ଦିକ ପାଣ୍ଡ୍ୟା, କ୍ରୁନାଲ ପାଣ୍ଡ୍ୟା ଏବଂ ବୈଭବ ପାଣ୍ଡ୍ୟାଙ୍କ ମଧ୍ୟରେ ଭାଗ କରାଯାଉଥିଲା, କିନ୍ତୁ ବୈଭବ ପାଣ୍ଡ୍ୟା ଲାଭ ପରିମାଣକୁ ଏକ ଭିନ୍ନ କମ୍ପାନୀକୁ ହସ୍ତାନ୍ତର କରିଥିଲେ। ଏହା ପରେ ହାର୍ଦ୍ଦିକ ପାଣ୍ଡ୍ୟା ଏବଂ କ୍ରୁନାଲ ପାଣ୍ଡ୍ୟା ପ୍ରାୟ ୪.୩ କୋଟି ଟଙ୍କା କ୍ଷତି ସହିଥିଲେ । ତେବେ ଏହାପରେ ଉଭୟ ଭାଇ ଏନେଇ ଠକେଇ ହୋଇଥିବାରୁ ମୁମ୍ବାଇର ଇକୋନୋମିକ୍ ଅଫେନ୍ସ ୱିଙ୍ଗରେ ଅଭିଯୋଗ କରିଥିଲେ | ଏହାପରେ ବୈଭବ ପାଣ୍ଡ୍ୟାଙ୍କୁ ଗିରଫ କରାଯାଇଛି |
[ad_2]
