[ad_1]
ନୂଆଦିଲ୍ଲୀ : ବିଜେପି ଜାତୀୟ ସଭାପତି ଜେପି ନଡ୍ଡାଙ୍କ ପତ୍ନୀ ମଲ୍ଲିକା ନଡ୍ଡାଙ୍କ କାର୍ ଦିଲ୍ଲୀର ଗୋବିନ୍ଦପୁରୀ ଅଞ୍ଚଳର ସର୍ଭିସ ସେଣ୍ଟରରୁ ଚୋରି ହୋଇ ଯାଇଥିଲା। ତେବେ ଆଜି ବାରଣାସୀରୁ ଏହି କାର୍ ମିଳିଛି। ପୁଲିସ ଏହି ମାମଲାରେ ୨ ଜଣଙ୍କୁ ଗିରଫ କରିଛି। ମଲ୍ଲିକା ନଡ୍ଡାଙ୍କ ଫର୍ଚୁନର ଏସୟୁଭି ମାର୍ଚ୍ଚ ୧୯ ତାରିଖରେ ଚୋରି ହୋଇଥିଲା। କାର୍ ଡ୍ରାଇଭର ଯୋଗିନ୍ଦର ସିଂହ ଏକ ଅଭିଯୋଗ ଦାଏର କଲେ। ଏହାପରେ ପୁଲିସ ଉକ୍ତ ଘଟଣାରେ ଏକ ମାମଲା ରୁଜୁ କଲା ଏବଂ କାର୍ ଖୋଜିବାପାଇଁ ତଦନ୍ତ ଆରମ୍ଭ କଲା। ପୁଲିସ ଏହି ମାମଲାରେ ୨ ଜଣଙ୍କୁ ଗିରଫ କରିଛି। ଗିରଫ ହୋଇଥିବା ୨ ଜଣ ବ୍ୟକ୍ତି ହେଉଛନ୍ତି ଶାହିଦ ଏବଂ ଶିବାଙ୍ଗ ତ୍ରିପାଠୀ। ସେମାନେ ଫରିଦାବାଦ ନିକଟସ୍ଥ ବଢ଼କଲ ବାସିନ୍ଦା। ଗାଡ଼ିଟିକୁ ସେମାନେ ଆଲିଗଡ଼, ଲକ୍ଷ୍ମୀପୁର ଖେରି, ବରେଲି, ସୀତାପୁର ଏବଂ ଲକ୍ଷ୍ନୌ ଦେଇ ବାରଣାସୀରେ ପହଞ୍ଚିଥିଲା। ଅଭିଯୁକ୍ତମାନେ ଫର୍ଚୁନର କାର ନାଗାଲାଣ୍ଡ୍ ପଠାଇବାପାଇଁ ଯୋଜନା କରିଥିଲେ।
[ad_2]
