[ad_1]
ନୂଆଦିଲ୍ଲୀ: ଲୋକସଭା ନିର୍ବାଚନ ୨୦୨୪ ପାଇଁ କଂଗ୍ରେସ ୧୩ତମ ପ୍ରାର୍ଥୀ ତାଲିକା ଜାରି କରିଛି। ଗୁରୁବାର (ଏପ୍ରିଲ ୪, ୨୦୨୪) ପ୍ରକାଶିତ ଏହି ତାଲିକା ଜରିଆରେ ଆଉ ୩ ଜଣ ପ୍ରାର୍ଥୀଙ୍କ ନାମ ଘୋଷଣା କରାଯାଇଛି। ଗୁଜୁରାଟର ୩ଟି ଲୋକସଭା ନିର୍ବାଚନ ମଣ୍ଡଳୀ ସୁରେନ୍ଦ୍ରନଗର, ଜୁନାଗଡ଼ ଓ ଭଦୋଦରା ପାଇଁ ଦଳ ପ୍ରାର୍ଥୀମାନଙ୍କ ନାମ ଘୋଷଣା କରିଛି ।
Sambad is now on WhatsApp
Join and get latest news updates delivered to you via WhatsApp
ସୁରେନ୍ଦ୍ରନଗରରୁ ରିତ୍ବିକ ଭାଇ ମକୱାନା, ଜୁନାଗଡ଼ରୁ ହୀରା ଭାଇ ଜୋତୱା ଓ ଭଦୋଦରାରୁ ଜସପାଲ ସିଂ ପୋଧିଆରଙ୍କୁ ଦଳ ଟିକେଟ୍ ଦେଇଛି।
कांग्रेस अध्यक्ष श्री @kharge की अध्यक्षता में आयोजित ‘केंद्रीय चुनाव समिति’ की बैठक में लोकसभा चुनाव, 2024 के लिए कांग्रेस उम्मीदवारों के नाम की लिस्ट। pic.twitter.com/kOrq81EmvP
— Congress (@INCIndia) April 4, 2024
କଂଗ୍ରେସ ଏପର୍ଯ୍ୟନ୍ତ ୨୩୫ ଜଣ ପ୍ରାର୍ଥୀଙ୍କ ପାଇଁ ପ୍ରାର୍ଥୀ ଘୋଷଣା କରିଛି। ଦଳ ପୂର୍ବରୁ ୧୨ଟି ଭିନ୍ନ ଭିନ୍ନ ତାଲିକାରେ ୨୩୨ ଜଣ ପ୍ରାର୍ଥୀ ଘୋଷଣା କରିଥିବା ବେଳେ ଏପର୍ଯ୍ୟନ୍ତ ଉତ୍ତରପ୍ରଦେଶର ଆମେଥି ଓ ରାୟବରେଲି ପାଇଁ ପ୍ରାର୍ଥୀ ଘୋଷଣା କରିନାହିଁ । ଏହି ଦୁଇ ଆସନରୁ ରାହୁଲ ଗାନ୍ଧି ଓ ପ୍ରିୟଙ୍କା ଗାନ୍ଧି ଲଢିବା ନେଇ ଚର୍ଚ୍ଚା ହେଉଛି ।
୧୮ତମ ଲୋକସଭା ପାଇଁ ସାଧାରଣ ନିର୍ବାଚନ ଏପ୍ରିଲ ୧୯ରୁ ଆରମ୍ଭ ହେବ। ଏପ୍ରିଲ ୨୬, ମେ ୭, ମେ ୧୩, ମେ ୨୦, ମେ ୨୫ ଓ ଜୁନ୍ ୧ରେ ଆଉ ୬ଟି ପର୍ଯ୍ୟାୟରେ ମତଦାନ ହେବ ଏବଂ ଜୁନ୍ ୪, ୨୦୨୪ରେ ଭୋଟ୍ ଗଣତି ହେବ।
[ad_2]
