[ad_1]
ଭୁବନେଶ୍ବର: ଗତ କାଲି ଟିକେଟ୍ ଘୋଷଣା ହେବା ପରେ ଭୁବନେଶ୍ବର ଏକାମ୍ର ନିର୍ବାଚନ ମଣ୍ଡଳୀରେ ବିଜେପି ପ୍ରାର୍ଥୀ ବାବୁ ସିଂ ଆଜି ପ୍ରଚାର ଆରମ୍ଭ କରିଛନ୍ତି। ଏକ ବିଶାଳ ପଦଯାତ୍ରାରେ ସୁନ୍ଦରପଦା ଏକାମ୍ର ବିଜେପି କାର୍ଯ୍ୟାଳୟରୁ ବାହାରି ପୁରୁଣା ଭୁବନେଶ୍ବର ଅଞ୍ଚଳର ୬୭, ୫୯, ୬୦, ୬୧ ଓ ୫୪ ନମ୍ବର ୱାର୍ଡରେ ପ୍ରଚାର କରିଥିଲେ ଶ୍ରୀ ସିଂ। ପଦଯାତ୍ରାରେ ଶ୍ରୀ ସିଂଙ୍କ ସମେତ ଭୁବନେଶ୍ବର ବିଜେପି ସାଂସଦ ପ୍ରାର୍ଥୀ ଅପରାଜିତା ଷଡ଼ଙ୍ଗୀ, ପୂର୍ବତନ ରାଜ୍ୟ ବିଜେପି ସଭାପତି ସମୀର ମହାନ୍ତି ସାମିଲ ହୋଇଥିଲେ। ପଦଯାତ୍ରାରେ ଶ୍ରୀ ସିଂଙ୍କୁ ବିଭିନ୍ନ ସ୍ଥାନରେ ସମ୍ବର୍ଦ୍ଧନା ଦେଇଥିଲେ ସମର୍ଥକ। ଶେଷରେ ସେ ଶ୍ରୀ ଲିଙ୍ଗରାଜଙ୍କ ଦର୍ଶନ କରିଥିଲେ।
Sambad is now on WhatsApp
Join and get latest news updates delivered to you via WhatsApp
ଗଣମାଧ୍ୟମକୁ ପ୍ରତିକ୍ରିୟାରେ ଦେଇ ଶ୍ରୀ ସିଂ କହିଛନ୍ତି, ‘‘ନିର୍ବାଚନମଣ୍ଡଳୀର ସମସ୍ତ ନେତୃତ୍ବ ଓ କାର୍ଯ୍ୟକର୍ତ୍ତାଙ୍କ ଅକ୍ଳାନ୍ତ ପରିଶ୍ରମ ପାଇଁ ଦଳ ମୋ ଉପରେ ପୁଣି ଥରେ ଭରସା କରିଛି। ଏ ଟିକେଟ ମୋ ଦଳର ସବୁ କାର୍ଯ୍ୟକର୍ତ୍ତାଙ୍କର। ଏକାମ୍ର ନିର୍ବାଚନ ମଣ୍ଡଳୀର ଅସ୍ମିତା ଓ ସ୍ୱାଭିମାନ ପାଇଁ ଲଢ଼େଇ ହେବ ଏଥର। ବିଶ୍ୱାସ ଅଛି ଏଥର ଏକାମ୍ରରେ ବିଜେପି ବିପୁଳ ଭୋଟରେ ବିଜୟ ଲାଭ କରିବ।’’ ପଦଯାତ୍ରାରେ ରାମଚନ୍ଦ୍ର ରଣସିଂହ, ସୁରେନ୍ଦ୍ର ପ୍ରଧାନ, ଅରୁଣ ପୁରୋହିତ, ଅମରଜ୍ୟୋତି ଜଗଦ୍ଦେବ, ସୁଭାଷିନୀ ପୃଷ୍ଟି, ସ୍ବାଗତ ମହାପାତ୍ର, ତୃପ୍ତିମୟୀ ମକଦ୍ଦମ, କୃଷ୍ଣଚନ୍ଦ୍ର ବଟୁ, ବିଶ୍ୱନାଥ ସେଠୀ, ତାପସ ଦଳାଇ, ମନୋଜ ପାତ୍ର ଓ ଧୀରେନ ପାତ୍ର ପ୍ରମୁଖ ଉପସ୍ଥିତ ଥିଲେ।
[ad_2]
