ଆଜିକାଲି ପିଲାମାନଙ୍କୁ ସନ୍ଧ୍ୟା ସମୟରେ ଜଙ୍କଫୁଡରୁ ଦୂରେଇ ରଖିବା କଷ୍ଟକର କଥା ।ଘର ଖାଦ୍ୟକୁ ଆପଣାଇବାକୁ ଚଟାପଟ୍ ବନାନ୍ତୁ ଏହି ସ୍ବାଦିଷ୍ଚ ଅଣ୍ଡା ଟମାଟୋ ସୁପ୍ ।
ଆବଶ୍ୟକୀୟ ସାମଗ୍ରୀ:
4ଟି ବଡ଼ ଟମାଟୋ
2 ଚାମଚ ତେଲ
5 କୋଲା କଟା ରସୁଣ
ଅଳ୍ପ କଟା ପିଆଜ ସଣ୍ଡା(ପତ୍ର)
3 ଟି ଅଣ୍ଡା
2 ବଡ଼ ଚାମଚ କର୍ଣ୍ଣଫ୍ଲୋର
2 ଚାମଚ ସୋୟା ସସ୍
ଅଧ ଚାମଚ ଗୋଲମରିଚ ଗୁଣ୍ଡ
2 ଟି ପତଳା କଟା ହୋଇଥିବା ପିଆଜ
2ଟି କଞ୍ଚା ଲଙ୍କା
ସ୍ବାଦ ଅନୁସାରେ ଲୁଣ
ପ୍ରସ୍ତୁତି ପ୍ରଣାଳୀ:
ପ୍ରଥମେ ଟମାଟୋକୁ ଛୋଟ ଛୋଟ କାଟି ସେଥିରେ ଅଳ୍ପ ଲୁଣ ମିଶାଇ କିଛି ସମୟ ଅଲଗା ରଖନ୍ତୁ। ଏବେ ଏକ କଡ଼େଇ ଗରମ କରି ସେଥିରେ ତେଲ ପକାନ୍ତୁ। ତେଲ ଗରମ ହୋଇ ଆସିଲେ ସେଥିରେ ଟମାଟୋ ଓ ପିଆଜ ପତ୍ରକୁ ଛୋଟ ଛୋଟ ଖଣ୍ଡରେ କାଟି ଭାଜନ୍ତୁ। ଏହା ଟିକେ ଭାଜି ହୋଇଥିଲେ ସେଥିରେ କଟା ରସୁଣ ପକାନ୍ତୁ। ଏହା ଭଲ ଭାବେ ଭାଜି ହୋଇଗଲେ ସେଥିରେ 3 କପ୍ ପାଣି ଦେଇ ଫୁଟାନ୍ତୁ। ପାଣି ଫୁଟିଆସିଲେ ସେଥିରେ ସୋୟା ସସ୍ ଓ କର୍ଣ୍ଣଫ୍ଲୋରରେ ପାଣି ଗୋଳାଇ ମିଶାନ୍ତୁ। ଟିକେ ଫୁଟି ଆସିଲେ ସେଥିରେ ଅଣ୍ଡାକୁ ଗୋଳାଇ ପକାନ୍ତୁ। ଏବେ ଏଥିରେ କିଛି କଟା ପିଆଜ ଓ କଞ୍ଚା ଲଙ୍କା ମିଶାଇ ଭଲ ଭାବେ ଫୁଟାନ୍ତୁ । ସ୍ବାଦ ଅନୁସାରେ ଲୁଣ ପକାନ୍ତୁ। ଅଣ୍ଡା ସିଝିଯିବା ପରେ ଗୋଲମରିଚ ଓ ଧନିଆ ପତ୍ର ପକାଇ ଗରମ ଗରମ ପରଶନ୍ତୁ ଅଣ୍ଡା ଟମାଟୋ ସୁପ୍।
