‘ସୁରକ୍ଷା ବିପଦ’ ଦର୍ଶାଇ କୋଏମ୍ବାଟୁରରେ ପ୍ରଧାନମନ୍ତ୍ରୀଙ୍କ ରୋଡ୍ ସୋ’ ପାଇଁ ମିଳିଲାନି ଅନୁମତି – Kalinga News
[ad_1]
ଚେନ୍ନାଇ: ଆସନ୍ତା ୧୮ ତାରିଖରେ ତାମିଲନାଡୁର କୋଏମ୍ବାଟୁରରେ ହେବାକୁ ଥିବା ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ପ୍ରସ୍ତାବିତ ରୋଡ୍ ସୋ’କୁ ଅନୁମତି ମିଳିନାହିଁ। ‘ସୁରକ୍ଷା ବିପଦ’ ସମେତ ବିଭିନ୍ନ କାରଣ ଦର୍ଶାଇ ଜିଲ୍ଲା ପୁଲିସ କର୍ତ୍ତୃପକ୍ଷ ରୋଡ୍ ସୋ’ ପାଇଁ ଅନୁମତି ଦେବାକୁ ମନା କରି ଦେଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ଲୋକସଭା ନିର୍ବାଚନ ପୂର୍ବରୁ ପ୍ରଧାନମନ୍ତ୍ରୀ ମୋଦୀଙ୍କ ଦକ୍ଷିଣ ଭାରତ ଗସ୍ତରେ ଏହି ରୋଡ୍ ସୋ’ର ଆୟୋଜନ କରା ଯାଉଥିଲା। ଶିଳ୍ପ-ବୟନଶିଳ୍ପ ସହର କୋଏମ୍ବାଟୁରରେ ୩.୬ କିଲୋମିଟର ରୋଡ୍ ସୋ’ ପାଇଁ ବିଜେପି ଅନୁମତି ମାଗିଥିଲା।
ତେବେ, ପ୍ରଧାନମନ୍ତ୍ରୀ ମୋଦୀଙ୍କ ସୁରକ୍ଷା ପ୍ରତି ବିପଦ, କୋଏମ୍ବାଟୁରର ସାମ୍ପ୍ରଦାୟିକ ଇତିହାସ ଏବଂ ସାଧାରଣ ଜନତା, ବିଶେଷକରି ଛାତ୍ରଛାତ୍ରୀଙ୍କ ଅସୁବିଧାକୁ ଦୃଷ୍ଟିରେ ରଖି ଏହି ଅନୁମତିକୁ ମନା କରିବାର କିଛି କାରଣ ଦର୍ଶାଯାଇଛି। ଅନ୍ୟପକ୍ଷରେ, ପ୍ରଧାନମନ୍ତ୍ରୀଙ୍କ ରୋଡ୍ ସୋ’ର ଶେଷ ବିନ୍ଦୁ ଥିଲା ଆରଏସ୍ ପୁରମ୍, ଯାହା ୧୯୯୮ ସିରିଏଲ୍ ବିସ୍ଫୋରଣ ହୋଇଥିବା ସ୍ଥାନ ମଧ୍ୟରୁ ଅନ୍ୟତମ ଥିଲା।
କେବଳ ସେତିକି ନୁହେଁ କୋଏମ୍ବାଟୁରର ସାମ୍ପ୍ରଦାୟିକ ସମ୍ବେଦନଶୀଳ ପ୍ରକୃତିକୁ ଦୃଷ୍ଟିରେ ରଖି କୌଣସି ରାଜନୈତିକ ଦଳ କିମ୍ବା ଗୋଷ୍ଠୀକୁ ରୋଡ୍ ସୋ’ ପାଇଁ ଅନୁମତି ଦିଆଯାଉନାହିଁ। ଏହାବାଦ୍ ମାର୍ଚ୍ଚ ୧୮ ଓ ୧୯ ତାରିଖରେ ସାର୍ବଜନୀନ ପରୀକ୍ଷା ହେବାକୁ ଥିବା ବେଳେ ରୋଡ୍ ସୋ’ ପାଇଁ ପ୍ରସ୍ତାବିତ ମାର୍ଗରେ ଏକାଧିକ ବିଦ୍ୟାଳୟ ରହିଛି।
[ad_2]
