[ad_1]
ମୁମ୍ବାଇ : କେନ୍ଦ୍ର ଗୃହ ମନ୍ତ୍ରୀ ଅମିତ ଶାହ ଆଜିଠାରୁ ୨ ଦିନିଆ ମହାରାଷ୍ଟ୍ର ଗସ୍ତରେ ଯାଇଛନ୍ତି। ଏହି ଗସ୍ତ ଅବସରରେ ଶାହ ଆସନ ବୁଝାମଣା ନେଇ କଥାବାର୍ତ୍ତା କରିପାରନ୍ତି। ଆଗାମୀ ଲୋକସଭା ନିର୍ବାଚନ ପାଇଁ ଶାହ ପ୍ରାର୍ଥୀ ମଧ୍ୟ ଚୂଡ଼ାନ୍ତ କରିପାରନ୍ତି । ଗସ୍ତର ପ୍ରଥମ ଦିନରେ ଶାହ ମହାରାଷ୍ଟ୍ରର ସମ୍ଭାଜିନଗର ଗସ୍ତ କରିବେ। ଏହା ହେଉଛି ମରାଠା ସଂରକ୍ଷଣ ପ୍ରସଙ୍ଗର କେନ୍ଦ୍ରସ୍ଥଳ। ମଙ୍ଗଳବାର ସନ୍ଧ୍ୟାରେ ଶାହ ସମ୍ଭାଜିଗରରେ ଏକ ରୋଡ୍ସୋ ଏବଂ ସାଧାରଣ ବୈଠକ କରିବେ। ସମ୍ଭାଜୀନଗର ଦୀର୍ଘ ୨୦ ବର୍ଷ ଧରି ଶିବସେନା ଗଡ଼ ହୋଇ ରହିଛି। ତେବେ ଶେଷ ନିର୍ବାଚନରେ ଭୋଟ୍ ବିଭାଜନ ହେତୁ ଏଆଇଏମଆଇଏମ ଦଳର ଅସଉଦ୍ଦିନ ଅୱେସି ଏଠାରେ ଜିତିଥିଲେ। ଚଳିତ ବର୍ଷ ନିର୍ବାଚନରେ ମଧ୍ୟ ଶିବସେନା ପୁଣିଥରେ ଏହି ଆସନ ଉପରେ ନଜର ରଖିଛି। ବିଜେପି ମଧ୍ୟ ଉକ୍ତ ଆସନରେ ପ୍ରାର୍ଥୀ ଦେବାପାଇଁ ସ୍ଥିର କରିଛି। ମରାଠାୱାଡ଼ାରେ ମୋଟ୍ ୮ଟି ଜିଲ୍ଲା ଏବଂ ୮ଟି ଲୋକସଭା ଆସନ ଅଛି। ୪ଟି ଆସନରେ ବିଜେପି, ୩ଟି ଆସନରେ ଶିବସେନା ଏବଂ ଗୋଟିଏ ଆସନରେ ଏଆଇଏମଆଇଏମ୍ ଅଛି। ଅକୋଲାରେ ଅମିତ ଶାହ ସ୍ଥାନୀୟ ନେତାମାନଙ୍କ ସହ ବୈଠକ କରିବେ ଏବଂ ରୋଡ୍ସୋ କରିବେ। ବିଦର୍ଭ ଅଞ୍ଚଳର ଅକୋଲାରେ ୧୧ ଜିଲ୍ଲା ଏବଂ ୧୦ ଲୋକସଭା ଆସନ ଅଛି। ଏଥି ମଧ୍ୟରୁ ୫ଟି ଆସନରେ ବିଜେପି, ୪ଟି ଆସନ ଶିବସେନା ପାଖରେ ଅଛି। ଅନ୍ୟ ଏକ ଆସନରେ ଜଣେ ସ୍ବାଧୀନ ପ୍ରାର୍ଥୀ ଜିତିଥିଲେ। ଜଲଗାଓଁରେ ଶାହ ଯୁବ ସମ୍ମେଳନରେ ଯୋଗ ଦେବେ। ଏଠାରେ ହଜାର ହଜାର ଲୋକ ଏହି କାର୍ଯ୍ୟକ୍ରମରେ ସାମିଲ ହେବେ। ବୁଧବାର ଦିନ ମୁମ୍ବାଇର ଜିଓ ବିଶ୍ବ ସମ୍ମେଳନ କେନ୍ଦ୍ରରେ ଶାହ ଆଇଜିଏଫ (ଇଣ୍ଡିଆନ ଗ୍ଲୋବାଲ ଫୋରମ) ବାର୍ଷିକ ବିନିଯୋଗ ସମ୍ମିଳନୀରେ ଯୋଗ ଦେବେ। ଉଲ୍ଲେଖଯୋଗ୍ୟ ରେ ବିଜେପି ମାର୍ଚ୍ଚ ୨ ତାରିଖରେ ଏହାର ପ୍ରଥମ ପର୍ଯ୍ୟାୟ ତାଲିକା ଘୋଷଣା କରିଛି। କିନ୍ତୁ ମହାରାଷ୍ଟ୍ରରେ ବିଜେପି ପ୍ରାର୍ଥୀ ଘୋଷଣା କରିନାହିଁ। ଇତି ମଧ୍ୟରେ ଶାହଙ୍କ ଗସ୍ତ ଅବସରରେ ମହାରାଷ୍ଟ୍ର ଉପମୁଖ୍ୟମନ୍ତ୍ରୀ ଏବଂ ଏନସିପି ନେତା ଅଜିତ ପାୱାର ୧୬ଟି ଲୋକସଭା ଆସନର ସମୀକ୍ଷା କରିପାରନ୍ତି ।
[ad_2]
