[ad_1]
ଜାମନଗର: ଗୁଜୁରାଟର ଜାମନଗରରେ ଶିଳ୍ପପତି ମୁକେଶ ଅମ୍ବାନୀ-ନୀତା ଅମ୍ବାନୀଙ୍କ ସାନପୁଅ ଅନନ୍ତ ଅମ୍ବାନୀ ଏବଂ ରାଧିକା ମର୍ଚାଣ୍ଟଙ୍କ ପ୍ରି-ୱେଡିଂ ଉତ୍ସବ ତିନି ଦିନ ଧରି ଚାଲିଥିଲା। ଏହି କାର୍ଯ୍ୟକ୍ରମରେ ଦେଶ ଓ ଦେଶ ବାହାରର ଅନେକ ଚିହ୍ନା ମୁହଁଙ୍କୁ ଦେଖିବାକୁ ମିଳିଥିଲା।
Sambad is now on WhatsApp
Join and get latest news updates delivered to you via WhatsApp
ଏହି ପରିପ୍ରେକ୍ଷୀରେ ପୂରା ବଚ୍ଚନ ପରିବାରକୁ ମଧ୍ୟ କାର୍ଯ୍ୟକ୍ରମରେ ପହଞ୍ଚିଥିବାର ଦେଖିବାକୁ ମିଳିଥିଲା। ଅମିତାଭ ବଚ୍ଚନ ଓ ତାଙ୍କ ପତ୍ନୀ ଜୟା ବଚ୍ଚନ ଫଟୋଗ୍ରାଫରଙ୍କ କ୍ୟାମେରାରେ କଏଦ ହୋଇଥିଲେ। ଆପଣ ଜାଣନ୍ତି ଯେ ଜୟା ସର୍ବଦା ଫଟୋଗ୍ରାଫରଙ୍କୁ ଦେଖି ନିଜର କ୍ରୋଧ ପ୍ରକାଶ କରିଥାନ୍ତି। ହେଲେ ଏଥର ସେ ପାପାରାଜିଙ୍କୁ ଦେଖି ହସୁଥିବାରୁ ଚର୍ଚ୍ଚାରେ ରହିଛନ୍ତି। ଏପରି ପରିବର୍ତ୍ତନ କିଭଳି ହେଲା ବୋଲି ସୋସିଆଲ୍ ମିଡିଆ ବ୍ୟବହାରକାରୀ ଚକିତ ହୋଇଛନ୍ତି। ସେ ସମୟର ଏକ ଭିଡିଓ ଏବେ ସୋସିଆଲ୍ ମିଡିଆରେ ଖୁବ୍ ଜୋର୍ରେ ଭାଇରାଲ୍ ହେଉଛି।
ଏହି ଭିଡିଓରେ ଜୟା ବଚ୍ଚନ ସମଗ୍ର ପରିବାର ସହିତ କାରରୁ ଓହ୍ଲାଉଥିବାର ପ୍ରଥମେ ନଜର ଆସିଛନ୍ତି। ସେ ଆଗକୁ ବଢ଼ିବା ସମୟରେ ପାପାରାଜିମାନେ ତାଙ୍କୁ ଅଟକାଉଛନ୍ତି। ଜୟା ସମସ୍ତଙ୍କୁ ଦେଖି ହସି ହସି ବିଦାୟ ନେଉଥିବାର ଦେଖିବାକୁ ମିଳିଛି। ଯାହାକି ସମସ୍ତଙ୍କୁ ଚକିତ କରିଛି।
ଜଣେ ବ୍ୟବହାରକାରୀ ପଚାରିଛନ୍ତି, ‘‘କ’ଣ ହୋଇଛି ତାଙ୍କର?’’ ଅନ୍ୟ ଜଣେ ଲେଖିଛନ୍ତି, ‘‘ମୁଁ ପ୍ରଥମ ଥର ତାଙ୍କୁ ହସୁଥିବା ଦେଖିଲି, ଅଜବ ନୁହେଁ କି?’’ ତୃତୀୟ ବ୍ୟକ୍ତି ମନ୍ତବ୍ୟ ଦେଇଛନ୍ତି, ‘‘ଜୟା ଜୀ ଆଜି ଗାଳି ଦେଇନାହାଁନ୍ତି।’’
[ad_2]
