[ad_1]
ନୂଆଦିଲ୍ଲୀ: ମହିଳା ପ୍ରିମିୟର ଲିଗ୍ (ଡବ୍ଲୁପିଏଲ୍)ର ଦ୍ବିତୀୟ ସଂସ୍କରଣ ଶୁକ୍ରବାରଠୁ ଆରମ୍ଭ ହେବ। ବେଙ୍ଗାଲୁରୁର ଏମ୍ ଚିନ୍ନାସ୍ବାମୀ ଷ୍ଟାଡିୟମ୍ରେ ଆୟୋଜିତ ହେବାକୁ ଥିବା ଉଦ୍ଘାଟନୀ ମୁକାବିଲାରେ ମୁମ୍ବାଇ ଇଣ୍ଡିଆନ୍ସ ଓ ଦିଲ୍ଲୀ କ୍ୟାପିଟାଲ୍ସ ମୁହାଁମୁହିଁ ହେବେ। ବିଜେତା ମୁମ୍ବାଇ ହର୍ମନପ୍ରୀତ କୌରଙ୍କ ନେତୃତ୍ବରେ ବିଜୟ ଅଭିଯାନ ଲକ୍ଷ୍ୟ ରଖିଛି। ଦଳରେ ଅନେକ ଅଲ୍ରାଉଣ୍ଡର ହାଲି ମାଥ୍ୟୁସ, ନାଟ ସ୍କିଭର-ବ୍ରଣ୍ଟ, ଆମେଲିଆ କେର୍ଙ୍କ ସହ ଅଧିନାୟକ କୌର ଥିବାରୁ ଉଭୟ ବ୍ୟାଟିଂ ଓ ବୋଲିଂରେ ଅଡ଼ୁଆରେ ପଡ଼ିବନି। ସାଇକା ଈସାକ୍, ଇସି ୱଙ୍ଗ, ଫତିମା ଜାଫର ଓ ଏସ୍ କୀର୍ଥାନ୍ନା ବୋଲିଂ ବାହିନୀର ଦାୟିତ୍ବ ନେବେ। ଅନ୍ୟପକ୍ଷରେ ଦିଲ୍ଲୀ ଦଳ ମେଗ୍ ଲାନିଂ ନେତୃତ୍ବରେ ଖେଳିବ।
Sambad is now on WhatsApp
Join and get latest news updates delivered to you via WhatsApp
ଗତ ସଂସ୍କରଣରେ ଖେଳିଥିବା ଦଳ ପ୍ରାୟତଃ ଅପରିବର୍ତ୍ତିତ ରହିଥିଲା ବେଳେ ଅଲ୍ରାଉଣ୍ଡର ଆନ୍ନାବେଲ ସଦରଲାଣ୍ଡ ଯୋଡ଼ି ହୋଇଛନ୍ତି। ଅପର୍ଣ୍ଣା ମଣ୍ଡଳ, ଅଶ୍ବିନୀ କୁମାରୀ, ଜେମିମା ରଡ୍ରିଗୁଏଜ, ଲୌରା ହାରିସ, ତାନିୟା ଭାଟିଆ, ଆଲିସ୍ କାପସି, ମାରିଜାନ କାପ, ଶିଖା ପାଣ୍ଡେ ରହିଛନ୍ତି। ମ୍ୟାଚ୍ ଆରମ୍ଭରୁ ରଙ୍ଗାରଙ୍ଗ ଉଦ୍ଘାଟନୀ ଉତ୍ସବ ଆୟୋଜିତ ହେବ। ବଲିଉଡ୍ ତାରକା ଶାହରୁଖ ଖାନଙ୍କ ସହ ବରୁଣ ଧାୱନ, ସିଦ୍ଧାର୍ଥ ମାଲହୋତ୍ରା, କାର୍ତ୍ତିକ ଆର୍ଯ୍ୟନ, ସାହିଦ କାପୁର ଓ ଟାଇଗର ଶ୍ରଫ ନିଜ ନିଜର ଜଲୱା ଦେଖାଇବେ।
[ad_2]
