[ad_1]
ନୂଆଦିଲ୍ଲୀ: ମଧ୍ୟପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ତଥା କଂଗ୍ରେସ ସାଂସଦ ଦିଗବିଜୟ ସିଂହ ନିକଟରେ ତାଙ୍କର ଜଣେ ମହିଳା ନେତାଙ୍କୁ ସାମ୍ନାରେ ଦେଖିବା ପରେ ରାଗି ଯାଇଥିଲେ।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ, ବୁଧବାର ଦିନ ଦିଗବିଜୟ ସିଂହ ଗ୍ବାଲିୟର ସିଟି ସେଣ୍ଟରସ୍ଥିତ ଏକ ଘରୋଇ ହୋଟେଲରେ ତାଙ୍କର କର୍ମକର୍ତ୍ତାଙ୍କୁ ଭେଟିଥିଲେ। ଦିଗବିଜୟଙ୍କୁ ଭେଟିବା ପାଇଁ ହୋଟେଲରେ କର୍ମକର୍ତ୍ତାଙ୍କ ପ୍ରବଳ ଭିଡ଼ ଲାଗି ରହିଥିଲା।
ଏହି ସମୟରେ ଦିଗବିଜୟ ସିଂହ ଛିଡ଼ା ହୋଇ କଂଗ୍ରେସର ଭିଣ୍ଡ ଜିଲ୍ଲା ଅଧ୍ୟକ୍ଷ ମାନସିଂହ କୁଶବାହାଙ୍କ ସହିତ କଥା ହେଉଥିଲେ। ଏତିକି ବେଳେ ଗୁନାରେ ରହୁଥିବା ଡାକ୍ତର ଲିନା ଶର୍ମା ନିଜର ନେତା ଦିଗବିଜୟ ସିଂହଙ୍କୁ ଭେଟିବାକୁ ଖୁସିରେ ଧାଇଁ ଆସିଥିଲେ।
ଲିନା ଶର୍ମାଙ୍କୁ ପାଖକୁ ଆସୁଥିବା ଦେଖି ଦିଗବିଜୟ ସିଂହ ରାଗି ଯାଇ କହିଥିଲେ, ‘ଏହି ମହିଳା ପାଗଳ ହୋଇଯାଇଛନ୍ତି। ତାଙ୍କୁ ଶୀଘ୍ର ଏଠାରୁ ବାହାର କରି ଦିଅନ୍ତୁ।’
ସିଂହଙ୍କ ଠାରୁ ଏଭଳି କଥା ଶୁଣି ଦିଗବିଜୟ ସିଂହଙ୍କ ସୁରକ୍ଷାକର୍ମୀ ଲିନାଙ୍କୁ ଅଟକାଇ ସେଠାରୁ ଯିବାକୁ କହିଥିଲେ। ତେବେ ଏହି ଘଟଣାକୁ ନେଇ ଲିନା ସିଂହ କହିଛନ୍ତି, ‘ମୁଁ ଉତ୍ତରପ୍ରଦେଶର ବନାରସ ଲୋକସଭାରୁ ଟିକେଟ ନେଇ ପ୍ରଧାନମନ୍ତ୍ରୀଙ୍କ ବିରୋଧରେ ନିର୍ବାଚନ ଲଢ଼ିବାକୁ ଚାହୁଁଛି। ମୁଁ ଦିଗବିଜୟ ସିଂହଙ୍କ ଝିଅ ଭଳି। ସୁରକ୍ଷାକର୍ମୀଙ୍କ ପାଇଁ ସେ ସବୁବେଳେ ବିରକ୍ତ ହୁଅନ୍ତୁ। ତେଣୁ ମଝିରେ ମଝିରେ ସେ ରାଗି ଯାଇଥାଆନ୍ତି।’
[ad_2]
