[ad_1]
ନୂଆଦିଲ୍ଲୀ: ସରଗୁଜା ଜିଲ୍ଲା ରଘୁନାଥପୁର ସ୍ଥିତ ଭାଜପା ନେତାଙ୍କ ଘରୁ ୧୨୦କିଲୋ ଓଜନର ଛେଳି ଚୋରି ହୋଇଯାଇଛି। ଏନେଇ ବିଜେପି ନେତା ଥାନାରେ ଅଭିଯୋଗ କରିଛନ୍ତି। ଛେଳି ଚୋରି ହେବା ଘଟଣାର ଦୃଶ୍ୟ ସିସିଟିଭିରେ କୈଦ ହୋଇଯାଇଛି।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ, ରଘୁନାଥପୁରସ୍ଥିତ ଭାଜପା ନେତା ସୁରେଶ ଗୁପ୍ତାଙ୍କ ଅତି ପ୍ରିୟର ଛେଳି ସେରୁ ଚୋରି ହୋଇଯାଇଛି। ଚୋର ଏକ ଦାମିକାଗାଡ଼ିରେ ଛେଳି ଚୋରି କରିବାକୁ ଆସିଥିବା ଜଣାପଡ଼ିଛି। ତେବେ ବିଜେପି ନେତାଙ୍କ ଘରୁ ଚୋରି ହୋଇଥିବା ଛେଳି ସାଧାରଣ ଛେଳି ନୁହେଁ। ଏହାର ଓଜନ ପାଖାପାଖି ୧୨୦କିଲୋ ହେବ। ଉକ୍ତ ଛେଳି ବିଜେପି ନେତାଙ୍କ ଘରେ ପରିବାରର ସଦସ୍ୟ ଭାବେ ରହିଥାଏ।
ଏହି ଛେଳି ଚୋରି ହୋଇଯିବା ପରେ ସୁରେଶ ଗୁପ୍ତାଙ୍କ ପରିବାର ସଦସ୍ୟ ଦୁଃଖରେ ଭାଙ୍ଗି ପଡ଼ିଛନ୍ତି। ଯଥାଶୀଘ୍ର ସେରୁକୁ ଖୋଜି ଆଣିବା ପାଇଁ ପୁଲିସ ନିକଟରେ ଗୁହାରି କରିଛନ୍ତି।
ଏହି ଛେଳି ଚୋରି ଘଟଣାକୁ ନେଇ ଏଡିସନାଲ ଏସପି ପୁଲିସ କୁମାର କହିଛନ୍ତି,‘ଛେଳି ଚୋରି କରିଥିବା ଚୋରକୁ ଧରିବା ପାଇଁ ପୁଲିସ ଏକ ସ୍ବତନ୍ତ୍ର ଦଳ ଗଠନ କରିଛି। ଏହି ଟିମ ଚୋର ଅତି ନିକଟରେ ପହଞ୍ଚି ଯାଇଛି। ଖୁବଶୀଘ୍ର ଚୋରକୁ ଧରିବ।
[ad_2]
