[ad_1]
ଭୁବନେଶ୍ବର: ଏଆଇସିସି ଅଧ୍ୟକ୍ଷ ମଲ୍ଲିକାର୍ଜୁନ ଖଡ଼୍ଗେ, ସାଂସଦ ରାହୁଲ ଗାନ୍ଧୀଙ୍କ ପରେ ଏବେ ଓଡ଼ିଶା ଆସିବେ କଂଗ୍ରେସ ନେତ୍ରୀ ପ୍ରିୟଙ୍କା ଗାନ୍ଧୀ। ଏହାସହ ସଚିନ ପାଇଲଟ୍ ମଧ୍ୟ ଓଡ଼ିଶା ଗସ୍ତରେ ଆସିବେ। ଏହି କାର୍ଯ୍ୟକ୍ରମ ପାଇଁ ବିଧିବଦ୍ଧ କାର୍ଯ୍ୟସୂଚୀ ଧାର୍ଯ୍ୟ ହୋଇନାହିଁ। ସାଧାରଣ ନିର୍ବାଚନ ପାଖେଇ ଆସୁଥିବା ବେଳେ କଂଗ୍ରେସର ଜାତୀୟ ସ୍ତରର ନେତା ଓଡ଼ିଶାରେ ନିର୍ବାଚନ ପ୍ରଚାର କରିବେ। ଏପରିକି ରାହୁଲ ଗାନ୍ଧୀ ମଧ୍ୟ ଏକାଧିର ବାର ଓଡ଼ିଶାକୁ ପ୍ରଚାର ପାଇଁ ଆସିବାର କାର୍ଯ୍ୟକ୍ରମ ରହିଥିବା କଂଗ୍ରେସ ପକ୍ଷରୁ ସୂଚନା ଦିଆଯାଇଛି।
Sambad is now on WhatsApp
Join and get latest news updates delivered to you via WhatsApp
ଚଳିତବର୍ଷ କଂଗ୍ରେସ ଆଗୁଆ ଟିକେଟ୍ ବାଣ୍ଟିବା ଲାଗି ଯୋଜନା କରିଛି କଂଗ୍ରେସ। ବିଧାନସଭା ପାଇଁ ପ୍ରାୟ ୩ହଜାର ଓ ସଂସଦୀୟ କ୍ଷେତ୍ର ପାଇଁ ୭ଶହରୁ ଅଧିକ ଆଶୟୀ ପ୍ରୋଜେକ୍ଟ ‘ପ୍ରଗମନ’ ଜରିଆରେ ଆବେଦନ କରିଛନ୍ତି। ଏଥିପାଇଁ ଅନ୍ଲାଇନ୍ରେ ଆବେଦନ ହୋଇଥିବା ପ୍ରାର୍ଥୀଙ୍କ ଯାଞ୍ଚ ଜାରି ରହିଛି। ଦିଲ୍ଲୀରୁ ଆସିଥିବା ଟିମ୍ ଦୁଇଦିନ ଧରି ଯାଞ୍ଚ ପରେ ୧୪ ତାରିଖରୁ ଦ୍ବିତୀୟ ପର୍ଯ୍ୟାୟ କାର୍ଯ୍ୟକ୍ରମ ଆରମ୍ଭ ହେବ। ସେହିପରି ଆସନ୍ତା ୧୯ ତାରିଖରେ ରାଜ୍ୟ କଂଗ୍ରେସ ନିର୍ବାଚନ କମିଟି ବୈଠକ ଅନୁଷ୍ଠିତ ହେବ। କମିଟି ଚୟନ କରିଥିବା ନାମକୁ ସ୍କ୍ରିନିଂ କମିଟିକୁ ପଠାଯିବ ବୋଲି ଜଣାପଡ଼ିଛି।
ପିସିସି ସଭାପତି ଶରତ ପଟ୍ଟନାୟକ କହିଛନ୍ତି, ଆଗକୁ କଂଗ୍ରେସର ଅନେକ ବଡ଼ ନେତା ଓଡ଼ିଶା ଆସିବାର କାର୍ଯ୍ୟକ୍ରମ ରହିଛି। ବିଜେଡି-ବିଜେପି ଏକାଠି ରହିଛନ୍ତି। ଦୁଇ ଦଳ ବିରୋଧରେ କେବଳ କଂଗ୍ରେସର ହିଁ ଲଢ଼େଇ କରୁଛି। ଅଳ୍ପଦିନ ଭିତରେ ବହୁ ବଡ଼ ନେତା କଂଗ୍ରେସ ଦଳରେ ଯୋଗଦେବେ। ଓଡ଼ିଶା ରାଜନୀତିରେ ବହୁତ ବଡ଼ ପରିବର୍ତ୍ତନ ହେବାକୁ ଯାଉଛି। ଚଳିତବର୍ଷ ୯ରୁ ୯୦ ମିସନ ନିଶ୍ଚିତଭାବେ ସଫଳ ହେବ।
[ad_2]
