[ad_1]
ନୂଆଦିଲ୍ଲୀ: ବିଗ୍ ବସ୍ ୧୭ରେ ପ୍ରବେଶ ପରେ ଆୟେଶା ଖାନଙ୍କ ଚର୍ଚ୍ଚାର ବିଷୟ ପାଲଟିଛନ୍ତି। ସୋ’ ଛାଡିବା ପରେ ତାଙ୍କୁ ଅନେକ ଇଭେଣ୍ଟରେ ଦେଖିବାକୁ ମିଳିଛି। ନିକଟରେ ଅଭିଷେକ କୁମାରଙ୍କ ପାର୍ଟିରେ ତାଙ୍କୁ ମୁନାୱାର ଫାରୁକିଙ୍କ ସହ ଦେଖିବାକୁ ମିଳିଥିଲା। ଯାହାର ଭିଡିଓ ଏବେ ସୋସିଆଲ୍ ମିଡିଆରେ ଭାଇରାଲ ହେଉଛି।
Sambad is now on WhatsApp
Join and get latest news updates delivered to you via WhatsApp
ଏହି ସମୟରେ ସୋସିଆଲ ମିଡିଆରେ ଏକ ନୂଆ ଭିଡିଓ ସାମ୍ନାକୁ ଆସିଛି, ଯେଉଁଥିରେ ବିଗ ବସ୍ ୧୭ର ବିଜେତା ମୁନାୱାର ଫାରୁକି ପ୍ରବେଶ କରିବା ମାତ୍ରେ ପାପାରାଜି (କ୍ୟାମେରାମ୍ୟାନ୍) ଆୟେଶାଙ୍କୁ ଅଣଦେଖା କରୁଥିବା ଦେଖାଯାଉଛି।
ଟେଲିଚାକରର ଇନଷ୍ଟାଗ୍ରାମ ପୃଷ୍ଠାରେ ସେୟାର ହୋଇଥିବା ଭିଡିଓରେ ପାପାରାଜି ପ୍ରବେଶ କରିବା ମାତ୍ରେ ମୁନାୱାର ଫାରୁକି ଆଡକୁ ଯାଉଥିବାର ନଜର ଆସିଛନ୍ତି। ଆୟେଶା ଖାନ ପଛରେ ଠିଆ ହୋଇଥିବା ନଜର ଆସିଛନ୍ତି। ଏହି ଭିଡିଓ ଉପରେ ଲୋକଙ୍କ ପ୍ରତିକ୍ରିୟା ସାମ୍ନାକୁ ଆସିଛି। ଯେଉଁଠାରେ ଲୋକମାନେ ଏହାକୁ କର୍ମର ଫଳ ବୋଲି କହିଛନ୍ତି।
ଜଣେ ଉପଭୋକ୍ତା ଲେଖିଛନ୍ତି, ‘‘ବହୁତ ଭଲ। ଯିଏ ଯେପରି କରେ ସେ ସେପରି ଫଳ ପାଏ।’’ ଅନ୍ୟ ଜଣେ ଉପଭୋକ୍ତା ଲେଖିଛନ୍ତି, ‘‘ମୁନାଓ୍ୱାର୍ ଏକ ନାମ ନୁହେଁ, ବ୍ରାଣ୍ଡ।’’ ସେହିପରି ତୃତୀୟ ଉପଭୋକ୍ତା ଲେଖିଛନ୍ତି, ମୁନାୱାର ମଧ୍ୟ ଆୟେଶାଙ୍କୁ ଅଣଦେଖା କରିଛନ୍ତି।
ସୂଚନାଯୋଗ୍ୟ, ମୁନାୱାର ଫାରୁକି ଏବଂ ଆୟେଶା ଖାନ ଏକ ଇଭେଣ୍ଟରେ ଅଂଶଗ୍ରହଣ କରୁଥିବା ଦେଖିବାକୁ ମିଳିଥିଲା। ତେବେ ଧଳା ସାର୍ଟ ଏବଂ କଳା ପ୍ୟାଣ୍ଟରେ ଦେଖାଯାଇଥିବା ଆୟେଶା ଖାନଙ୍କ ଲୁକ ଉପରକୁ ପ୍ରଶଂସକଙ୍କ ଆଖି ଯାଇନଥିଲା। ଯେତେବେଳେ ମୁନାୱାର ଫାରୁକିଙ୍କୁ ଧଳା ରଙ୍ଗର ପୋଷାକରେ ଦେଖିବାକୁ ମିଳିଥିଲା, ସେତେବେଳେ ସବୁ କ୍ୟାମେରାମ୍ୟାନ୍ ତାଙ୍କ ପଛରେ ଧାଇଁ ଯାଇଥିଲେ।
[ad_2]
