[ad_1]
ମୁମ୍ବାଇ: ସାଉଥ ସିନେମାର ସୁପରଷ୍ଟାର ମହେଶ ବାବୁଙ୍କ ଆକ୍ସନ୍ ଥ୍ରୀଲର ଫିଲ୍ମ ‘ଗୁଣ୍ଟୁର କାରମ’ ୨୦୨୪ ବର୍ଷ ଆରମ୍ଭରୁ ରିଲିଜ ହୋଇଥିବାବେଳେ ଏହା ଦର୍ଶକଙ୍କୁ ବେଶ ପସନ୍ଦ ଆସିଛି | ସିନେମାଟି ବିପୁଳ ରୋଜଗାର କରିଥିବାବେଳେ ଖୁବ ଶୀଘ୍ର ଏହି ଚଳଚ୍ଚିତ୍ରଟି ଓଟିଟିରେ ଲଞ୍ଚ ହେବାକୁ ଯାଉଛି। ତ୍ରିଭିକ୍ରମ ଶ୍ରୀନିବାସଙ୍କ ନିର୍ଦ୍ଦେଶିତ ‘ଗୁଣ୍ଟୁର କାରମ’ ଜାନୁଆରୀ ୧୨, ୨୦୨୪ରେ ପ୍ରେକ୍ଷାଳୟରେ ମୁକ୍ତିଲାଭ କରିଥିଲା। । ମହେଶ ବାବୁଙ୍କ ଏହି ଫିଲ୍ମ ବକ୍ସ ଅଫିସରେ ଭଲ ବ୍ୟବସାୟ କରିଥିଲା। ୨୪ ଦିନ ପରେ ମଧ୍ୟ ଫିଲ୍ମ ପ୍ରେକ୍ଷାଳୟରେ ଧମାଲ କରୁଛି | ତେବେ ଯଦି ଆପଣ ଏହାକୁ ବଡ ପରଦାରେ ଦେଖିପାରିନାହାନ୍ତି, ତେବେ ଚିନ୍ତା କରିବାର କୌଣସି କାରଣ ନାହିଁ | କାରଣ ଭାଲେଣ୍ଟାଇନ୍ ସପ୍ତାହରେ ଫିଲ୍ମଟି ଓଟିଟିରେ ରିଲିଜ୍ ହେବାକୁ ଯାଉଛି |
Sambad is now on WhatsApp
Join and get latest news updates delivered to you via WhatsApp
୯ ଫେବୃଆରୀ ୨୦୨୪ରେ ଫିଲ୍ମର ଓଟିଟି ରିଲିଜ୍ ତାରିଖ ଘୋଷଣା କରାଯାଇଛି | ‘ଗୁଣ୍ଟୁର କାରମ’ ଓଟିଟି ପ୍ଲାଟଫର୍ମ ନେଟଫ୍ଲିକ୍ସରେ ମୁକ୍ତିଲାଭ କରିବାକୁ ଯାଉଛି। ମହେଶ ବାବୁଙ୍କ ଫିଲ୍ମ ନେଟଫ୍ଲିକ୍ସରେ ତେଲୁଗୁ, ତାମିଲ, ମାଲାୟାଲମ୍, କନ୍ନଡ ଏବଂ ହିନ୍ଦୀରେ ପ୍ରସାରିତ ହେବ। ଆପଣ ଏହାକୁ ନେଟଫ୍ଲିକ୍ସ ପ୍ଲାଟଫର୍ମରେ ୯ ଫେବୃଆରୀ ୨୦୨୪ରୁ ଦେଖିପାରିବେ | ଉଲ୍ଲେଖ ଥାଉ କି ତେଲୁଗୁ ଆକ୍ସନ୍ ଥ୍ରୀଲର ‘ଗୁଣ୍ଟୁର କାରମ’ ଗୁଣ୍ଟୁର ସହରର ଜଣେ ବ୍ୟକ୍ତିଙ୍କ କାହାଣୀ ଯିଏ କି ଅଣ୍ଡରୱାର୍ଲ୍ଡ ସହ ଜଡିତ । ସେ ଜଣେ ଯୁବତୀଙ୍କୁ ପ୍ରେମ କରନ୍ତି ଯିଏ ସାମ୍ବାଦିକ ଏବଂ ବେଆଇନ ପ୍ରସଙ୍ଗକୁ ଲୋକଲୋଚନକୁ ଆଣନ୍ତି | ଏଯାଏଁ ଚଳଚ୍ଚିତ୍ରଟି ୧୨୪ କୋଟି ଟଙ୍କା ବ୍ୟବସାୟ କରିସାରିଲାଣି |
[ad_2]
