[ad_1]
ମୁମ୍ବାଇ: ବଲିଉଡ ଅଭିନେତ୍ରୀ ବିଦ୍ୟା ବାଲାନ ନିଜର ନିଆରା ଅଭିନୟ ପାଇଁ ସିନେପ୍ରେମୀଙ୍କ ହୃଦୟରେ ସ୍ୱତନ୍ତ୍ର ସ୍ଥାନ ପାଇଛନ୍ତି | ବିଦ୍ୟାଙ୍କର ଅନେକ ପ୍ରଶଂସକ ଥିବାବେଳେ ସୋସିଆଲ ମିଡିଆରେ ମଧ୍ୟ ଅନେକ ତାଙ୍କୁ ଅନୁସରଣ କରନ୍ତି | ତେବେ ଏବେ ଏମିତି ଏକ ଘଟଣା ଘଟିଛି ଯାହାକୁ ନେଇ ବିଦ୍ୟା ଚିନ୍ତାରେ ପଡିଯାଇଛନ୍ତି | ବାସ୍ତବରେ, ଏବେ ବିଦ୍ୟାଙ୍କ ନାମରେ ଏବେ ଏମିତି ଇନଷ୍ଟାଗ୍ରାମ ଆକାଉଣ୍ଟ ଖୋଲାଯାଇଛି | କେହି ଜଣେ ବିଦ୍ୟାଙ୍କ ନାମରେ ନକଲି ଆକାଉଣ୍ଟ କରିଥିବାବେଳେ ଏହା ଏବେ ବିଦ୍ୟାଙ୍କ ନଜରରେ ପଡିଛି | ଅଭିନେତ୍ରୀ ନିଜର ପ୍ରକୃତ ଇନଷ୍ଟାଗ୍ରାମରେ ଏହି ସୂଚନା ଦେଇଛନ୍ତି। ବିଦ୍ୟା ତାଙ୍କ ପୋଷ୍ଟରେ ଲେଖିଛନ୍ତି- “ସମସ୍ତଙ୍କୁ ନମସ୍କାର … ପ୍ରଥମେ ଫୋନ୍ ନମ୍ବର ଏବଂ ବର୍ତ୍ତମାନ କେହି ଜଣେ ମୋ ନାମରେ ଏକ ଆକାଉଣ୍ଟ୍ ଚଳାଉଛନ୍ତି।
Sambad is now on WhatsApp
Join and get latest news updates delivered to you via WhatsApp
ଏହି ଆକାଉଣ୍ଟରୁ ସେ ମୋ ନାମ ସହିତ ଲୋକଙ୍କ ସହ ଯୋଗାଯୋଗ କରୁଛନ୍ତି। ଆପଣ ମଧ୍ୟ ଏହି ଆକାଉଣ୍ଟକୁ ବ୍ଲକ କରନ୍ତୁ। ଏହା ଆମ ପାଇଁ ବହୁତ ଭଲ ହେବ। ସେ ମୋର ଅନେକ ବନ୍ଧୁ ଏବଂ ମୋର ଲୋକମାନଙ୍କୁ ଛଦ୍ମନାମରେ ଯୋଗାଯୋଗ କରୁଛନ୍ତି। ଦୟାକରି ତାଙ୍କୁ ଏଭଳି କରିବାର ସୁଯୋଗ ଦିଅନ୍ତୁ ନାହିଁ ଏବଂ ତାଙ୍କୁ ବ୍ଲକ କରନ୍ତୁ । ସୂଚନା ଥାଉ କି ଯେ ବିଦ୍ୟା ସୋସିଆଲ ମିଡିଆରେ ବହୁତ ସକ୍ରିୟ ଏବଂ ଅନେକ କମେଡି ରିଲ୍ ମଧ୍ୟ ସେୟାର କରନ୍ତି | ପ୍ରଶଂସକମାନେ ମଧ୍ୟ ତାଙ୍କର ମଜାଳିଆ ରିଲକୁ ବହୁତ ପସନ୍ଦ କରନ୍ତି | ତାଙ୍କର ଆଗାମୀ ଫିଲ୍ମ ବାବଦରେ କହିବାକୁ ଗଲେ ବିଦ୍ୟା ବାଲାନ୍ ଖୁବ୍ ଶୀଘ୍ର ଫିଲ୍ମ ‘ଦୋ ଓର ଦୋ ପ୍ୟାର’ରେ ନଜର ଆସିବେ | ନିକଟରେ ଏହାର ପୋଷ୍ଟର ମଧ୍ୟ ରିଲିଜ୍ ହୋଇଛି। ଏହି ଚଳଚ୍ଚିତ୍ରରେ ତାଙ୍କ ସହ ଇଲିଆନା ଡି’କ୍ରୁଜ୍ ମଧ୍ୟ ନଜର ଆସିବେ। ଫିଲ୍ମର ରିଲିଜ୍ ତାରିଖ ମଧ୍ୟ ଘୋଷଣା କରାଯାଇଛି। ଚଳିତ ବର୍ଷ ମାର୍ଚ୍ଚ ୨୯ରେ ଫିଲ୍ମ ପ୍ରେକ୍ଷାଳୟରେ ମୁକ୍ତିଲାଭ କରୁଛି।
[ad_2]
