ମଣିଷ ଜୀବନରେ ଏମିତି କିଛି ଛୋଟ ଛୋଟ ଜିନିଷ ବ୍ୟବହାର କାମରେ ଲାଗିଥାଏ, ଯାହାର ଫାଇଦା ଦ୍ଵାରା ଆମର କାମ ସହଜରେ ହୋଇ ଯାଇଥାଏ । ବହୁତ କିଛି ଜିନିଷ ଅଛି ଯାହାର ବ୍ୟବହାର ଅଲଗା ଅଲଗା କାମ ପାଇଁ କରାଯାଇ ପାରିବ କିନ୍ତୁ ଆମେ ଏହି କଥା ନଜାଣି ସେହି ଜିନିଷକୁ ଅଣଦେଖା କରିଥାଉ କିମ୍ବା ଫୋପାଡି ମଧ୍ୟ ଦେଇଥାଉ । ଦୁନିଆରେ ଏମିତି ବି କିଛି ଜିନିଷ ଅଛି ଯାହା ଆମ ପାକରେ ଥାଇ ମଧ୍ୟ ଆମେ ତାକୁ କେମିତି ବ୍ୟବହାର କରିବୁ ତାହା ଜାଣିନଥାଉ । ସେହି ଜିନିଷ ଭିତରୁ ଯଦି ଆମେ କଥା ହେବା ଷ୍ଟାପଲର ବିଷୟରେ ତାହେଲେ ସମସ୍ତେ ଜାଣିଛନ୍ତି କି ଅଧିକ କାଗଜକୁ ଏକାଠି କରିବା ପାଇଁ ଷ୍ଟାପଲର ବ୍ୟବହାର କରାଯାଇ ଥାଏ । କଣ ଆପଣ ଜାଣିଛନ୍ତି କି ଷ୍ଟାପଲର ଏହାଛଡା ଆମର ଅନ୍ୟ କାମରେ ମଧ୍ୟ ଲାଗିଥାଏ । ଆଜି ଆମେ ଆପଣଙ୍କୁ ଷ୍ଟାପଲର ବିଷୟରେ କିଛି ଏମିତି ଉପଯୋଗ ବିଷୟରେ କହିବୁ ଯାହାକୁ ଜାଣିବା ପରେ ଆପଣଙ୍କର ହୋଶ ଉଡିଯିବ ।
ଆମେ ସବୁବେଳେ ଷ୍ଟାପଲରକୁ ଡକୁମେଣ୍ଟସକୁ ଏକାଠି କରିବା ପାଇଁ ବ୍ୟବହାର କରିଥାଉ । ଏଥିପାଇଁ ଆମେ ଷ୍ଟାପଲରରେ ପିନ ପୁରାଇ ଥାଉ ଏବଂ କାଗଜକୁ ଏହା ଭିତରେ ରଖି ଦାବି ଦେଇଥାଉ । ଯେମିତି କି ସେ ପିନ କାଗଜ ଭିତରକୁ ଯିବ ଏବଂ ତାକୁ ଏକାଠି ବାନ୍ଧି ରଖିବ । କିନ୍ତୁ କଣ ଆପଣ ଜାଣିଛନ୍ତି କି ଷ୍ଟାପଲର ପିନର ମୁହଁ ଭିତରକୁ ଯିବା ବଦଳରେ ବାହାର ଆଡକୁ ମୋଡି ହୋଇ ପାରେ ।
ସବୁ ଷ୍ଟାପଲର ଭିତରେ ଧାତୁରେ ତିଆରି ଏକ ପ୍ଳେଟ ଥାଏ ଯାହାର ସାହାଯ୍ୟରେ ଆମେ କାଗଜକୁ ପିନ ସହିତ ଆଟାଚ କରିଥାଉ । ଏହି ପ୍ଳେଟରେ ଏକ ଅନ୍ୟ ଗୁଣ ମଧ୍ୟ ଥାଏ କି ଆମେ ଏହାକୁ ସହଜରେ ୧୮୦ଡିଗ୍ରୀ ପର୍ଯ୍ୟନ୍ତ ବୁଲାଇ ପାରିବା । ଏହାକୁ ବୁଲାଇବା ଦ୍ଵାରା ପିନ ଭିତରକୁ ଯିବା ବଦଳରେ ବାହାର ଆଡକୁ ଆସିବା ପାଇଁ ଆରମ୍ଭ ହୋଇଯିବ । ଯଦି ବିଶ୍ଵାସ ହେଉ ନାହିଁ ତାହେଲେ ଗୋଟିଏ ଥର ଏହି ପରୀକ୍ଷା କରି ନିହାତି ଦେଖନ୍ତୁ ।
ପିନ ବାହାରେ ରଖିବାର ବହୁତ ଫାଇଦା ଅଛି । ଯେଉଁଥିରୁ ସବୁଠାରୁ ପ୍ରଥମ ଏବଂ ଗୁରୁତ୍ଵପୂର୍ଣ ଫାଇଦା ହେଉଛି କି ପିନର ମୁହଁ ବାହାର ଆଡକୁ ରହିବା ଦ୍ଵାରା କାଗଜ ଫାଟିବାର ଭୟ କମ ରହିଥାଏ ଏବଂ ସହଜରେ ଆମେ ଏହାକୁ କେବେ ବି ବାହାର କରି ପାରିବା । ଆମେ ବ୍ୟବହାର କରୁଥିବା କାଗଜ ଏତେ ପତଳା ହୋଇଥାଏ କି ତା ଭିତରକୁ ଯାଉଥିବା ପିନକୁ ସହି ପାରି ନଥାଏ । ସେହି ସମୟରେ ଯଦି ଆପଣ ସେହି କାଗଜରୁ ପିନ ବାହାର କରିବେ ତାହେଲେ କାଗଜ ଫାଟିଯାଇ ଥାଏ । ଏଥିପାଇଁ ଯଦି ଏହି ପିନ ବାହାର ପଟକୁ ରହିବ ତାହେଲେ ପତଳା କାଗଜ ମଧ୍ୟ ଫାଟିବ ନାହିଁ ।
