ଢାକା : ଗତ ବର୍ଷ ବାଂଲାଦେଶରେ ଶେଖ ହସିନାଙ୍କ ସରକାରର ପତନ ପରେ ମହମ୍ମଦ ୟୁନୁସ୍ ମଧ୍ୟବର୍ତ୍ତୀକାଳୀନ ସରକାର ଦାୟିତ୍ବରେ ଅଛନ୍ତି। ଶେଖ ହସିନା ମଧ୍ୟମବାଦୀ କୋହଳ ଚିନ୍ତାଧାରାର ଥିଲେ। ବର୍ତ୍ତମାନର ସରକାର ଦକ୍ଷିଣପନ୍ଥୀଙ୍କ ଦ୍ୱାରା ପରିଚାଳିତ । ଏହା ସରକାରଙ୍କ କାର୍ଯ୍ୟକାରିତାକୁ ପ୍ରଭାବିତ କରୁଛି, ଯେଉଁଥିପାଇଁ ଅନେକ ବିବାଦ ମଧ୍ୟ ସୃଷ୍ଟି ହେଉଛି।
ଏହି ଦିଗରେ, ବର୍ତ୍ତମାନ ଲିଙ୍ଗଗତ ସମାନତା ନେଇ ଏକ ନୂଆ ବିବାଦ ଦେଖାଦେଇଛି। ଦ୍ୱିତୀୟ ଶ୍ରେଣୀ ବଙ୍ଗାଳୀ ପାଠ୍ୟପୁସ୍ତକଗୁଡ଼ିକର ପରିବର୍ତ୍ତନରେ, ମହିଳାମାନଙ୍କୁ ଘରୋଇ କାମ କରୁଥିବା ଜଣେ ବ୍ୟକ୍ତି ଭାବେ କୁହାଯାଇଛି। ଏହା ମହିଳା ଅଧିକାର ସହ ଜଡିତ ସଂଗଠନ ମଧ୍ୟରେ ଚିନ୍ତାର କାରଣ ହୋଇଛି।
ଲେଖିକା ତସଲିମା ନସରିନ୍ ଗତ ବର୍ଷ ସେପ୍ଟେମ୍ବରରେ କହିଥିଲେ ଯେ, ତାଲିବାନ ଭଳି ବାଂଲାଦେଶର ନେତୃତ୍ୱ ଆଫଗାନିସ୍ତାନ ରାସ୍ତାରେ ଯାଉଛନ୍ତି। ସେତେବେଳେ ମଧ୍ୟବର୍ତ୍ତୀକାଳୀନ ସରକାରର ମୁଖ୍ୟ ମହମ୍ମଦ ୟୁନୁସ୍ ତସଲିମା ନସରିନଙ୍କ ଏହି ମନ୍ତବ୍ୟକୁ ଖଣ୍ଡନ କରିଥିଲେ। ବର୍ତ୍ତମାନ ପାଠ୍ୟକ୍ରମରେ ପରିବର୍ତ୍ତନ ପୁଣି ଥରେ ସମାନ ଚିନ୍ତା ବଢ଼ାଇଛି। ଉଦାରବାଦୀ ଚିନ୍ତାଧାରା ଥିବା ବାଂଲାଦେଶୀମାନେ ଅନୁଭବ କରୁଛନ୍ତି ଯେ, ଏହି ପରିବର୍ତ୍ତନ ତାଲିବାନର ଧାରଣା ସହିତ ସମାନ। ଏଭଳି ପରିସ୍ଥିତିରେ ବାଂଲାଦେଶ ତାଲିବାନର ପଥ ଅନୁସରଣ କରିପାରେ ବୋଲି ଆଶଙ୍କା ବଢ଼ିବାରେ ଲାଗିଛି।
ବାଂଲାଦେଶର ଅଗ୍ରଣୀ ଖବରକାଗଜ ଢାକା ଟ୍ରିବ୍ୟୁନ୍ ମଙ୍ଗଳବାର ରିପୋର୍ଟ କରିଛି ଯେ, ଆମାର ବଙ୍ଗଳା ବୋଇ’ର ୨୦୨୪ ସଂସ୍କରଣରେ’ ଆମାର ବରିର କାଜ ‘(ଆମ ଘର କାମ) ନାମକ ଏକ କାହାଣୀ ରହିଛି। ଏହି କାହାଣୀରେ ଉଭୟ ପୁଅ ଏବଂ ଝିଅଙ୍କୁ ଘର କାମ କରୁଥିବାର ଦର୍ଶାଯାଇଥିଲା। ଏହା ଏକ ଆଧୁନିକ ପନ୍ଥା ଯାହା ପାରମ୍ପାରିକ ଲିଙ୍ଗ ଭୂମିକାକୁ ଚ୍ୟାଲେଞ୍ଜ କରିଥିଲା । ଏହାର ସାମ୍ପ୍ରତିକ ସଂସ୍କରଣରେ, ଘର କାମ ପ୍ରାୟତଃ ମହିଳା ଚରିତ୍ରମାନଙ୍କୁ ଦିଆଯାଇଛି। ଏହା ପୁରାତନ କାଳର ଷ୍ଟେରିଓଟାଇପ୍ କୁ ଦଶ
ଦର୍ଶାଉଛି।
ସମାଲୋଚକମାନେ ଭୟ କରୁଛନ୍ତି ଯେ, ଏଭଳି ସାମାଜିକ ପଛୁଆ ବାର୍ତ୍ତା ତାଲିବାନର ଚିନ୍ତାଧାରା ସହିତ ସମାନ। ଏହା ପିଲାମାନଙ୍କୁ ଲିଙ୍ଗଗତ ସମାନତା ଶିଖାଇବା ପ୍ରୟାସକୁ କ୍ଷତି ପହଞ୍ଚାଇପାରେ। ଶିକ୍ଷା ବିଶେଷଜ୍ଞମାନେ କହିଛନ୍ତି ଯେ, ଅଂଶୀଦାର ଦାୟିତ୍ୱ ପାଠ୍ୟପୁସ୍ତକରେ ପ୍ରତିଫଳିତ ହେବା ଉଚିତ୍। ସମାଜରେ ମହିଳାଙ୍କ ଭୂମିକାକୁ ସମ୍ମାନ ଦେବା ଉଚିତ୍।
ଅଧିକ ପଢ଼ନ୍ତୁ: ପାକିସ୍ତାନୀ ସେନା-କୃଷକ ମୁହାଁମୁହିଁ: ନଦୀବନ୍ଧ ପ୍ରକଳ୍ପକୁ ବିରୋଧ
ଲିଙ୍ଗଗତ ସମାନତା ନେଇ ବାଂଲାଦେଶ ଏକ ମୋଡ଼ରେ ଛିଡା ହୋଇଛି। ଗତ ବର୍ଷ ଶେଖ ହସିନାଙ୍କୁ ବହିଷ୍କାର କରିବା ପରେ ଜମାତ-ଇ-ଇସଲାମି ସମେତ କଠୋରପନ୍ଥୀଙ୍କର ଆବିର୍ଭାବ ସହିତ ବାଂଲାଦେଶ ମହମ୍ମଦ ୟୁନୁସ୍ ସରକାରଙ୍କ ଅଧୀନରେ ତାଲିବାନ ନୀତିର ସମ୍ମୁଖୀନ ହୋଇଛି। ବିଶେଷଜ୍ଞମାନେ କହିଛନ୍ତି ଯେ, ତାଲିବାନ ମଧ୍ୟ ସମାନ ଢଙ୍ଗରେ ମହିଳାଙ୍କ ଅଧିକାର ଛଡ଼ାଇବା ଆରମ୍ଭ କରିଥିଲା, ଯାହା ପରେ ଦ୍ରୁତ ଗତିରେ ବୃଦ୍ଧି ପାଇଥିଲା। ଥରେ ଦେଶ ଏହି ଦିଗକୁ ଗଲେ, ଫେରିବା ସହଜ ହେବ ନାହିଁ, ଏଭଳି ପରିସ୍ଥିତିରେ ପ୍ରଗତିଶୀଳ ଲୋକମାନେ ସ୍ୱର ଉତ୍ତୋଳନ କରିବାର ଆବଶ୍ୟକତା ରହିଛି ବୋଲି ବିଶେଷଜ୍ଞ ମତପୋଷଣ କରିଛନ୍ତି।
