ଆଜି ଭାରତ- ଦକ୍ଷିଣ ଆଫ୍ରିକା ତୃତୀୟ ଟି ଟ୍ୱେଣ୍ଟି : ଜିତିବା ଲକ୍ଷ୍ୟରେ ସୂର୍ଯ୍ୟ ବାହିନୀ, ବଦଳିପାରେ ଚୂଡାନ୍ତ ଏକାଦଶ
ସେଞ୍ଚୁରିଆନ:ଆଜି ଭାରତ-ଦକ୍ଷିଣ ଆଫ୍ରିକା ମଧ୍ୟରେ ଖେଳାଯିବ ତୃତୀୟ ଟି ଟ୍ୱେଣ୍ଟି ମ୍ୟାଚ। ଜିତିବା ଲକ୍ଷ୍ୟରେ ପଡିଆକୁ ଓଲ୍ହାଇବ ସୂର୍ଯ୍ୟ ବାହିନୀ। ଆଜି ଚୂଡାନ୍ତ ଏକାଦଶରେ ପରିବର୍ତ୍ତନ ହେବାର ସମ୍ଭାବନା ରହୁଛି। ସେଞ୍ଚୁରିଆନରେ ଆଜିର ମ୍ୟାଚ ଖେଳା ହେବ।ତେଣୁ ସେ ଦୃଷ୍ଟିରୁ ଲମ୍ବା ବ୍ୟାଟିଂ ଲାଇନ ଅପ ରଖିବାକୁ ଚାହିଁବ ଭାରତ।
ଦ୍ୱିତୀୟ ମ୍ୟାଚରେ କରିଥିବା ଭୁଲକୁ ସୁଧାରି ଆଜି ଟିମ ଇଣ୍ଡିଆ ମଇଦାନକୁ ଓଲ୍ହାଇବ।ଆଜି ମ୍ୟାଚରେ ସଞ୍ଜୁ ସାମସନଙ୍କ ଉପରେ ନଜର ରହିବ। ପ୍ରଥମ ମ୍ୟାଚରେ ଶତକୀୟ ପାଳି ଖେଳିଥିଲେ କିନ୍ତୁ ଦ୍ୱିତୀୟ ମ୍ୟାଚରେ ବିଫଳ ହେଲେ। ଆଜି ତାଙ୍କ ଠାରୁ ବଡ ପାଳି ଆଶା ରହିବ। ଅନ୍ୟପଟେ ଟପ ଅର୍ଡର ବ୍ୟାଟରଙ୍କ ପ୍ରଦର୍ଶନ ଉପରେ ନଜର ରହିବ।
୪ ମ୍ୟାଚ ବିଶିଷ୍ଟ ସିରିଜ ଏବେ ୧-୧ ରେ ସ୍ଥିତି ବରାବର ରହିଛି।ଭାରତ ପ୍ରଥମ ମ୍ୟାଚ ଜିତିଥିବା ବେଳେ ଦକ୍ଷିଣ ଆଫ୍ରିକା ଦ୍ୱିତୀୟ ମ୍ୟାଚ ଜିତିଛି। ଏବେ ତୃତୀୟ ମ୍ୟାଚ ନିର୍ଣ୍ଣାୟକ ହେବାକୁ ଯାଉଛି। ଆଜିର ମ୍ୟାଚରେ ଯେଉଁ ଦଳ ଜିତିବ, ସେହି ଦଳ ସିରିଜ ହାତେଇବାର ସୁଯୋଗ ରହିଛି।
