ଭୁବନେଶ୍ଵର: ପ୍ରଭୁ ଲିଙ୍ଗରାଜ ମନ୍ଦିର ଭିତର ଫଟୋ ପୁରି ଭାଇରାଲ । ଫଟୋ ସହ ଭିଡିଓ ଭାଇରାଲ ମଧ୍ୟ ଭାଇରାଲ୍ ହୋଇଛି । ଆଉ ଏହି ଫଟୋ ଓ ଭିଡିଓରେ କୌଣସି ୟୁଟ୍ୟୁବର ନୁହେଁ ବରଂ ବଲିଉଡ୍ ଅଭିନେତ୍ରୀ ଶିଳ୍ପା ସେଟ୍ଟୀ ନଜର ଆସିଛନ୍ତି । ଅଭିନେତ୍ରୀଙ୍କର ଫଟୋ ଏବଂ ଭିଠିଓ ଉତ୍ତୋଳନ କରି ସୋସିଆଲ ମିଡିଆରେ ଭାଇରାଲ୍ କରାଯାଇଛି ।
ଏହାକୁ ନେଇ ସାରା ଓଡ଼ିଶାରେ ଉଦବେଗ ପ୍ରକାଶ ପାଇଛି । ବିନା ଅନୁମତିରେ ଲିଙ୍ଗରାଜ ମନ୍ଦିର ଭିତରେ ଫଟୋ ଏବଂ ଭିଡିଓ ଉତ୍ତୋଳନ କେମିତି ହେଲା ଏହାକୁ ସୋସିଆଲ ମିଡିଆରେ କିଭଳି ଭାଇରାଲ୍ କରାଗଲା, ତାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି ।
ଭାଇରାଲ୍ ଭିଡିଓରେ ତାଙ୍କୁ ଜଣେ ବ୍ୟକ୍ତି ମନ୍ଦିର ବିଷୟରେ ବୁଝାଉଥିବା ମଧ୍ୟ ଦେଖିବାକୁ ମିଳିଛି। ଆଉ ଅଭିନେତ୍ରୀଙ୍କ ମନ୍ଦିର ଭିତରର ଫଟୋ ଏବେ ସୋସିଆଲ ମିଡିଆରେ ଭାଇରାଲ୍ ହୋଇଛି। ଏହାକୁ ନେଇ ପ୍ରଶ୍ନ ଉଠିଛି ଯେ କେମିତି ଏବଂ କାହା ଅନୁମତିରେ ମନ୍ଦିର ଭିତରେ ଅଭିନେତ୍ରୀଙ୍କ ଫଟୋ ଉଠାଯିବା ସହ ଭିଡିଓ ସୁଟ୍ କରାଗଲା। ତେବେ ଶିଳ୍ପା ବ୍ରାଣ୍ଡର ପ୍ରମୋସନ ପାଇଁ ଭୁବନେଶ୍ବର ଆସିଥଲେ ।
ସୂଚନାଯୋଗ୍ୟ, ପୂର୍ବରୁ ଅନେକ ଥର ଶ୍ରଦ୍ଧାଳୁମାନେ ନିୟମ ଉଲ୍ଲଂଘନ କରି ମନ୍ଦିର ଭିତରର ଫଟୋ ଉଠାଇ ସୋସିଆଲ ମିଡିଆରେ ପୋଷ୍ଟ କରିଛନ୍ତି। ଏହାକୁ ନେଇ ବିବାଦ ହୋଇଛି । ଶ୍ରଦ୍ଧାଳୁମାନେ ଉଦବେଗ ପ୍ରକାଶ କରିଛନ୍ତି । ଆଉ ଏବେ ବଲିଉଡ୍ ଅଭିନେତ୍ରୀ ଲିଙ୍ଗରାଜ ମନ୍ଦିର ଭିତରେ ଶିଳ୍ପାଙ୍କ ଫଟୋ ଭାଇରାଲ୍ ହେବା ପରେ ଚର୍ଚ୍ଚା ଆରମ୍ଭ ହୋଇଯାଇଛି ।
