ପେଟ ଭଲ ଭାବରେ ସଫା ନ ହେବା ଦ୍ୱାରା ଶରୀରକୁ ଅନେକ ପ୍ରକାରର ସମସ୍ୟାର ସମ୍ମୁଖୀନ କରିବାକୁ ପଡିଥାଏ। ପେଟ ସମସ୍ୟାରୁ ରକ୍ଷା ପାଇବା ପାଇଁ ଖାଦ୍ୟରେ ଫାଇବରଯୁକ୍ତ ଜିନିଷକୁ ଅନ୍ତର୍ଭୁକ୍ତ କରିବା ଆବଶ୍ୟକ ଅଟେ। ଯଦି ଆପଣ କୋଷ୍ଠକାଠିନ୍ୟ ଭଳି ସମସ୍ୟାରେ ପୀଡିତ ଅଛନ୍ତି , ତେବେ ଆପଣଙ୍କ ଖାଦ୍ୟରେ ଫାଇବରକୁ ଅନ୍ତର୍ଭୁକ୍ତ କରନ୍ତୁ। କେବଳ ଶସ୍ୟ ନୁହେଁ ବରଂ ଫଳରେ ମଧ୍ୟ ଫାଇବର ରହିଥାଏ। ଆଜି ଆମେ ଆପଣଙ୍କୁ ଏଭଳି କିଛି ଫଳ ବିଷୟରେ କହିବାକୁ ଯାଉଛୁ , ଯାହା ଫାଇବର ଦ୍ୱାରା ପରିପୂର୍ଣ୍ଣ ହୋଇଥାଏ। ଫାଇବରଯୁକ୍ତ ଫଳ ଆପଣଙ୍କ ଶରୀର ଭିତରେ ପାଣିକୁ ଅବଶୋଷିତ କରିଥାଏ , ଯାହା ଆପଣଙ୍କ ମଳକୁ କଠିନ ହେବାରୁ ରୋକିଥାଏ। ଏହାଦ୍ବାରା କୋଷ୍ଠକାଠିନ୍ୟ ଭଳି ସମସ୍ୟା ଦୁରେଇ ଯାଇଥାଏ। ଆସନ୍ତୁ ଫାଇବରରେ ପରିପୂର୍ଣ୍ଣ ହୋଇଥିବା ଏଭଳି କିଛି ଫଳ ବିଷୟରେ ଜାଣିବା।
ଅମୃତଭଣ୍ଡା ପେଟକୁ ସଫା ରଖିଥାଏ:-
ଅମୃତଭଣ୍ଡା ପେଟକୁ ସଫା ରଖିବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥାଏ। ଅମୃତଭଣ୍ଡାରେ ପେପିନ ଏନଜାଇମ ରହିଥାଏ , ଯାହା ପ୍ରୋଟିନକୁ ହଜମ କରିବାରେ ଆପଣଙ୍କୁ ସାହାଯ୍ୟ କରିଥାଏ। କୋଷ୍ଠକାଠିନ୍ୟ ଏବଂ ଆଇବିଏସ ଭଳି ସମସ୍ୟାକୁ ଦୂର କରିବାପାଇଁ ଅମୃତଭଣ୍ଡା ଆପଣଙ୍କୁ ସାହାଯ୍ୟ କରିଥାଏ। ଅଧ୍ୟୟନରୁ ଜଣାପଡିଛି ଯେ , ଯଦି ୪୦ ଦିନ ପର୍ଯ୍ୟନ୍ତ ଆପଣ କ୍ରମାଗତ ଭାବରେ ଅମୃତଭଣ୍ଡା ସେବନ କରନ୍ତି , ତେବେ ଏହା କୋଷ୍ଠକାଠିନ୍ୟ ଭଳି ସମସ୍ୟାକୁ ଦୂର କରିବାରେ ଆପଣଙ୍କୁ ସାହାଯ୍ୟ କରିଥାଏ।
କମଳା ଦ୍ୱାରା ପେଟ ରହିବ ସୁସ୍ଥ:-
ବଦହଜମୀ ଏବଂ କୋଷ୍ଠକାଠିନ୍ୟ ଭଳି ସମସ୍ୟାକୁ ଦୂର କରିବାପାଇଁ ଆପଣ କମଳା ସେବନ କରିପାରିବେ। କମଳାରେ ଫାଇବର ଭରପୁର ପରିମାଣରେ ରହିଥାଏ। ପେଟକୁ ସଫା କରିବାପାଇଁ ପ୍ରତିଦିନ ଗୋଟିଏ ବଡ଼ କମଳା ସେବନ କରନ୍ତୁ। କମଳା କେବଳ ଫାଇବରରେ ପରିପୂର୍ଣ୍ଣ ହୋଇନଥାଏ , ଏଥିରେ କ୍ୟାଲୋରୀ ମଧ୍ୟ ବହୁତ କମ ପରିମାଣରେ ରହିଥାଏ। ଏହାସହ କମଳାରେ ଫ୍ଲେବୋନେଲ ରହିଥାଏ , ଯାହାକୁ ନାରିଙ୍ଗେନିନ ମଧ୍ୟ କୁହାଯାଏ।
ସେଓ ଦ୍ୱାରା ପେଟ ହେବ ସଫା:-
ପ୍ରତିଦିନ ଗୋଟିଏ ସେଓ ଆପଣଙ୍କ ଶରୀରକୁ ସୁସ୍ଥ ରଖିଥାଏ। ସେଓ ଖାଇବା ଦ୍ୱାରା ପେଟ ସହ ଜଡିତ ଅନେକ ସମସ୍ୟା ଦୂର ହୋଇଥାଏ। କେବଳ ଏତିକି ନୁହେଁ , ପ୍ରତିଦିନ ସେଓ ଖାଇବା ଦ୍ୱାରା ଆପଣଙ୍କ ଶରୀରରୁ କ୍ଷତିକାରକ ତତ୍ୱ ବାହାରି ଯାଇଥାଏ ଏବଂ ଆପଣଙ୍କ ଶରୀରର କ୍ଷୁଦାନ୍ତ୍ର କ୍ରିୟା ଭଲ ଭାବରେ ହୋଇଥାଏ। ନିୟମିତ ଭାବରେ ସକାଳେ ଉଠି ଗୋଟିଏ ଫଳ ନିଶ୍ଚିତ ଭାବରେ ସେବନ କରନ୍ତୁ। ଯଦି ଆପଣ ସେଓ ଖାଇବାକୁ ଚାହାଁନ୍ତି ନାହିଁ , ତେବେ ସେଓ ରୁ ପ୍ରସ୍ତୁତ ଜୁସକୁ ସେବନ କରନ୍ତୁ। ଏଥିରେ ପୋଷକ ତତ୍ତ୍ୱ ରହିଥାଏ , ଯାହା ଆପଣଙ୍କୁ ସୁସ୍ଥ ରଖିଥାଏ।
ନାସପାତି ଦ୍ୱାରା ପେଟ ହେବ ରୋଗମୁକ୍ତ:-
କୋଷ୍ଠକାଠିନ୍ୟ ଭଳି ସମସ୍ୟାକୁ ଠିକ କରିବାପାଇଁ ନାସପାତି ଆପଣଙ୍କୁ ସାହାଯ୍ୟ କରିଥାଏ। ଏଥିରେ ଅନେକ ଯୌଗିକ ଗୁଣ ରହିଥାଏ , ଯାହା ପାଚନ ପ୍ରକ୍ରିୟାକୁ ଠିକ କରିବାରେ ଆପଣଙ୍କର ସାହାଯ୍ୟ କରିଥାଏ। ଏଥିରେ ଫ୍ରୁକଟୋଜ , ଫାଇବର ଏବଂ ସର୍ବିଟୋଲ ରହିଥାଏ। ଯାହା ଆପଣଙ୍କ ଶରୀରରେ ପାଣିର ସଠିକ ମାତ୍ରା ବଜାୟ ରଖିବାରେ ଆପଣଙ୍କର ସାହାଯ୍ୟ କରିଥାଏ। ଆପଣ ଯେକୌଣସି ରୂପରେ ନାସପାତି ସେବନ କରିପାରିବେ। ଅଧିକାଂଶ ଲୋକ ନାସପାତିକୁ କଞ୍ଚା ଖାଇବାରେ ପସନ୍ଦ କରିଥାନ୍ତି।
ପିଜୁଳି ଦ୍ୱାରା ପେଟ ହେବ ସଫା:-
