ନୂଆଦିଲ୍ଲୀ ୨୨।୧୦: ଦେହରାଡୁନର ନୈନିତାଲରୁ ଏକ ଆଶ୍ଚର୍ଯ୍ୟଜନକ ମାମଲା ସାମ୍ନାକୁ ଆସିଛି। ଏଠାରେ ନୌସେନାର କ୍ୟାପଟେନ ୧୦୦ ଟଙ୍କା ଭଡା ଦେବା ପରେ ଫସି ଯାଇଛନ୍ତି। ବର୍ତ୍ତମାନ ୫୮ ବର୍ଷ ପରେ ସେ ତାଙ୍କ ଘରର ମାଲିକାନା ଅଧିକାର ପାଇଲେ । ଏହି ମାମଲା ୧୯୬୦ ମସିହାରେ ଆରମ୍ଭ ହୋଇଥିଲା । ଯେତେବେଳେ ମୃଦୁଲ ଶାହାଙ୍କୁ ରୋଜ ବ୍ୟାଙ୍କ କଟେଜର ଅଧିକାର ଦିଆଯାଇଥିଲା ।
ଯାହାକି ଅବସରପ୍ରାପ୍ତ ବାୟୁସେନା ଅଧିକାରୀଙ୍କ ପତ୍ନୀ ନୀଲମ ସିଂଙ୍କ ପରିବାରକୁ ମାସକୁ ୧୦୦ ଟଙ୍କା ଭଡାରେ ଦିଆଯାଇଥିଲା। ସେହି କଟେଜ୍କୁ ନୀଲମଙ୍କ ପରିବାର କବଜା କରିଥିଲେ। କୋର୍ଟର ୫୮ ବର୍ଷର ନିଷ୍ପତ୍ତି ପରେ ମୃଦୁଲ ଶାହା ତାଙ୍କ ଘର ମିଳିଥିଲା।
ଖବର ଅନୁଯାୟୀ, ମୃଦୁଲ ଶାହା ଭଡାଟିଆଙ୍କୁ ୨୦୧୬ ମସିହାରେ ଘର ଖାଲି କରିବାକୁ କହିଥିଲେ। ଏହି ସମୟରେ ଶାହା କହିଥିଲେ ଯେ ନୌସେନାରେ ୨୩ ବର୍ଷ ସେବା କରିବା ପରେ ତାଙ୍କୁ ତାଙ୍କ ପରିବାର ପାଇଁ ଏକ ଘର ଦରକାର ଥିଲା। ଏହା ପରେ ମଧ୍ୟ ନୀଲମ ସିଂଙ୍କ ପରିବାର ଘର ଖାଲି କରିନଥିଲେ। ଏହା ପରେ ସେ ସିଭିଲ କୋର୍ଟରେ ପହଞ୍ଚିଥିଲେ। ୨୦୧୭ ରେ ଶାହା ସିଭିଲ ମାମଲାରେ ଜିତିଥିଲେ, କିନ୍ତୁ ସିଂ ନୈନିତାଲ ସେସନ କୋର୍ଟରେ ଏହି ନିଷ୍ପତ୍ତିକୁ ଚ୍ୟାଲେଞ୍ଜ କରିଥିଲେ।
ଏହା ପରେ ନୌସେନା ଅଧିକାରୀଙ୍କ ଓକିଲ ନୀରଜ ଶାହା କହିଛନ୍ତି ଯେ ରୋଜ ବ୍ୟାଙ୍କ କଟେଜକୁ ହରପାଲ ସିଂଙ୍କୁ ୧୯୬୬ ମସିହାରେ ଭଡା ଦିଆଯାଇଥିଲା। ତାଙ୍କ ମୃତ୍ୟୁ ପରେ ତାଙ୍କ ପତ୍ନୀ ଏବଂ ଝିଅ ସେଠାରେ ରହିଲେ। ମା’ଙ୍କ ମୃତ୍ୟୁ ପରେ ଝିଅ ନୀଲମ୍ ଭଡାଟିଆ ହୋଇଥିଲେ। ମୃଦୁଲ କୋର୍ଟଙ୍କୁ କହିଛନ୍ତି ଯେ ଏହି ସମ୍ପତ୍ତି ବ୍ୟତୀତ ତାଙ୍କର ଅନ୍ୟ କୌଣସି ଘର ନାହିଁ। ମୋର ଏହି ଘର ଦରକାର ଯାହା ଦ୍ଵାରା ମୋ ପରିବାର ଗୋଟିଏ ସ୍ଥାନରେ ରହିପାରିବେ ।
