କ୍ରିକେଟ ଦୁନିଆର ଅନ୍ୟତମ ଷ୍ଟାର ସ୍ପିନର ରାଶିଦ ଖାନ ବିବାହ ବନ୍ଧନରେ ବାନ୍ଧି ହୋଇଛନ୍ତି। ଆଫଗାନିସ୍ତାନର ଏହି କ୍ରିକେଟର ଜଣଙ୍କ ଅକ୍ଟୋବର ୩ ତାରିଖରେ ବିବାହ କରିଛନ୍ତି। ଆଫଗାନିସ୍ତାନର କାବୁଲ ଠାରେ ଥିବା ଗୋଟିଏ ହୋଟେଲରେ ତାଙ୍କ ବିବାହ କାର୍ଯ୍ୟକ୍ରମ ଆୟୋଜନ ହୋଇଥିଲା। ବାହାଘର ଭେନ୍ୟୁର ଭିଡିଓ ସୋଶାଲ ମିଡିଆରେ ଭାଇରାଲ ହେବାରେ ଲାଗିଛି।
ନିଜ ସ୍ପିନ ଯାଦୁ ବଳରେ ସମସ୍ତଙ୍କୁ ଜଳକା କରୁଥିବା ରାଶିଦ ପଶତୁନ ପରମ୍ପରା ଅନୁସାରେ ବିବାହ କରିଛନ୍ତି। ତାଙ୍କ ବାହାଘରରେ ଆଫଗାନ କ୍ରିକେଟ ସହ ଜଡ଼ିତ ଅନେକ ଖେଳାଳି ଉପସ୍ଥିତ ରହିଥିଲେ। ସେମାନେ ରାଶିଦ ଖାନଙ୍କ ସହ ବିବାହ ମଣ୍ଡପରେ ଉଠାଇଥିବା ଫଟୋ ସାମ୍ନାକୁ ଆସିଛି।
