ନୂଆଦିଲ୍ଲୀ: ଆପଣ ସର୍ଟ୍ସ କରୁଛନ୍ତି କି? ଆସିଗଲା ଏକ ବଡ ଖବର । ୟୁଟ୍ୟୁବ୍ ସର୍ଟ୍ସରେ ବର୍ତ୍ତମାନ ୩ ମିନିଟ୍ ପର୍ଯ୍ୟନ୍ତ ଭିଡିଓ ଅପଲୋଡ୍ କରି ପାରିବେ । ପ୍ରଥମେ କେବଳ ୧ ମିନିଟ୍ ପର୍ଯ୍ୟନ୍ତ ଭିଡିଓ ଅପଲୋଡ୍ କରିପାରୁଥିବା ବେଳେ ଏବେ ସମୟ ସୀମା ବୃଦ୍ଧି କରାଯାଇଛି । ଏହି ପରିବର୍ତ୍ତନ ଅକ୍ଟୋବର ୧୫ରୁ ଲାଗୁ ହେବ । ୟୁଟ୍ୟୁବ୍ କହିଛି, ଲୋକଙ୍କ ଚାହିଦା ଅନୁଯାୟୀ ଏପରି ନିଷ୍ପତ୍ତି ଗ୍ରହଣ କରାଯାଇଛି ।
ଫଳରେ ଭିଡିଓ କରୁଥିବା ବ୍ୟକ୍ତି ବିଶେଷ (କ୍ରିଏଟର) ସେମାନଙ୍କ କାହାଣୀକୁ ଭଲ ଭାବେ ଉପସ୍ଥାପନ କରି ପାରିବେ।
କ୍ରିଏଟରଙ୍କ ଭିଡିଓ ଭଲ ଭାବେ ଦେଖାଯିବା ସହ ଦର୍ଶକଙ୍କ ପାଇଁ ଭିଡିଓ ପ୍ରତି ଧ୍ୟାନ ଦେବା ସହଜ ହେବ। ୟୁଟ୍ୟୁବ୍ ବ୍ୟବହାରକାରୀମାନେ ବର୍ତ୍ତମାନ ଯେକୌଣସି କ୍ଷୁଦ୍ର ଭିଡିଓକୁ ରିମିକ୍ସ କରିପାରିବେ। ଏଥିପାଇଁ ଆପଣଙ୍କୁ ସେହି ଭିଡିଓରେ ରିମିକ୍ସ ଉପରେ କ୍ଲିକ୍ କରିବାକୁ ପଡିବ । ଆପଣ ସେହି ଭିଡିଓ ବ୍ୟବହାର କରି ଏକ ନୂତନ ଭିଡିଓ ସୃଷ୍ଟି କରିପାରିବେ ଏବଂ ଏଥିରେ ଆପଣଙ୍କର ସଙ୍ଗୀତ କିମ୍ବା ଆପଣଙ୍କ ସ୍ୱର ଯୋଡିପାରିବେ।
ୟୁଟ୍ୟୁବ୍ କହିଛି ,ଶୀଘ୍ର ସର୍ଟସ୍ କ୍ୟାମେରା ସହିତ ୟୁଟ୍ୟୁବରେ ଭିଡିଓର ଛୋଟ ଅଂଶଗୁଡିକୁ ନେଇପାରିବେ। ଏହା ସହିତ ନିଜର ପ୍ରିୟ ଭିଡିଓ କିମ୍ବା ମ୍ୟୁଜିକ୍ ଭିଡିଓରୁ କିଛି ଅଂଶ ନେଇ ନିଜର ନୂତନ ଭିଡିଓ କରିପାରିବ। ୟୁଟ୍ୟୁବରେ ଉପଲବ୍ଧ ଥିବା ଅନେକ ଭିଡିଓ ସହ ମଧ୍ୟ ଏହା କରିପାରିବେ।
ୟୁଟ୍ୟୁବ୍ କହିଛି ବର୍ତ୍ତମାନ ଭିଡିଓରେ ଭିନ୍ନ ଭିନ୍ନ ଭିଡିଓ କ୍ଲିପ୍ ଯୋଡି ପାରିବେ। ଏଥିପାଇଁ Google DeepMindର ଏକ ନୂତନ ମଡେଲ୍ Veo ବ୍ୟବହାର କରାଯିବ। ଏହି ମଡେଲର ସାହାଯ୍ୟରେ ନିଜର କଳ୍ପନାକୁ ଭିଡିଓ କରି ପାରିବେ।
