ଗାଁରେ ବୁଲୁଛି ବିଲୁଆ। ଯିଏ ହାବୁଡରେ ପଡ଼ୁଛି ତାକୁ ଗୋଡ଼ାଇ ଗୋଡ଼ାଇ କାମୁଡ଼ୁଛି। ବିଲୁଆ ଭୟରେ ଘରୁ ବାହାରକୁ ବାହାରୁ ନାହାନ୍ତି ଗ୍ରାମବାସୀ। ଗଞ୍ଜାମ ଜିଲ୍ଲାରେ ଏପରି ଘଟଣା ଘଟିଛି।
ବିଲୁଆ କାମୁଡାରେ ୧୫ ଜଣ ଆହତ ହୋଇଛନ୍ତି। ଆହତଙ୍କ ମଧ୍ୟରେ ୭ ଜଣ ମହିଳା ଥିବା ଜଣାଯାଇଛି। ଆହମାନଙ୍କୁ ପୋଲସରା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଛି।
ପୋଲସରା ରେଞ୍ଜ ଅଧୀନରେ ଥିବା ହାତୀଓଟ, ଯେମାଦେଇପୁର ଓ ପ୍ରାଣପୁରଦେଇପୁର ଗାଁରେ ଆଜି ସକାଳେ ବିଲୁଆଟି ୧୫ ଜଣଙ୍କୁ କାମୁଡ଼ି ଦେଇଥିବା ଅଭିଯୋଗ ହୋଇଛି। ପୋଖରୀ ଓ ଚାଷ ଜମିକୁ ଯିବା ବେଳେ ବିଲୁଆଟି ଗ୍ରାମବାସୀଙ୍କୁ ଗୋଡ଼ାଇ ଗୋଡ଼ାଇ କାମୁଡ଼ିଛି। ବିଲୁଆ ଭୟରେ ଲୋକେ ଘରକୁ ବାହାରକୁ ବାହାରୁ ନାହାନ୍ତି। ବନ ବିଭାଗ ଟିମ୍ ଗାଁରେ ପହଞ୍ଚି ବିଲୁଆକୁ ଧରିଆ ଚେଷ୍ଟା ଚଳାଇଛି।
