ନୂଆଦିଲ୍ଲୀ ୨୦।୦୯: ଗୁରୁବାର ଉତ୍ତର କୋରିଆରେ ଭୂମିକମ୍ପ ଝଟକା। ଏନେଇ କୋରିଆ ପାଣିପାଗ ବିଭାଗ (କେଏମଏ) ଅନୁଯାୟୀ, ରିଚ୍ଟର ସ୍କେଲରେ ଭୂକମ୍ପର ତୀବ୍ରତା ୩.୯ ଥିଲା। ଦକ୍ଷିଣ କୋରିଆର ପାଣିପାଗ ଏଜେନ୍ସି ଗୁରୁବାର ଏକ ବିବୃତ୍ତିରେ କହିଛି ଯେ ଚୀନ୍ ସୀମାବର୍ତ୍ତୀ ଉତ୍ତର କୋରିଆର ଜଗଙ୍ଗ ପ୍ରଦେଶରେ ୩.୯ ମ୍ୟାଗ୍ନିଚ୍ୟୁଡର ଏକ ଭୂକମ୍ପ ଅନୁଭୂତ ହୋଇଛି।
ଗୁରୁବାର ସ୍ଥାନୀୟ ସମୟ ସନ୍ଧ୍ୟା ୭.୪୧ ରେ ଏହି ଭୂକମ୍ପ ଘଟିଛି। କୋରିଆ ପାଣିପାଗ ବିଭାଗ (କେଏମଏ) କହିଛି ଯେ ଭୂକମ୍ପର କେନ୍ଦ୍ର ଉତ୍ତର ୪୦.୫୪ ଡିଗ୍ରୀ ଏବଂ ପୂର୍ବ ଦ୍ରାଘିମାରେ ୧୨୬.୭୪ ଡିଗ୍ରୀ ରହିଛି। ରିପୋର୍ଟ କରିଛି ଯେ ଭୂକମ୍ପ ଯୋଗୁଁ ଜୀବନ କିମ୍ବା ସମ୍ପତ୍ତି ନଷ୍ଟ ହେବାର କୌଣସି ଖବର ନାହିଁ। କହିବାକୁ ଗଲେ ଜାନୁଆରୀ ୧୭, ୨୦୨୪ରେ ଉତ୍ତର କୋରିଆର ଆଣବିକ ପରୀକ୍ଷଣ ସ୍ଥାନ ନିକଟରେ ୨.୪ ମ୍ୟାଗ୍ନିଚ୍ୟୁଡର ଏକ ଭୂକମ୍ପ ଘଟିଥିଲା। ତେବେ ଏହି ଅବଧି ମଧ୍ୟରେ କୌଣସି କ୍ଷୟକ୍ଷତିର ଖବର ମିଳିନାହିଁ।
କିଲଜୁ ଠାରୁ ପ୍ରାୟ ୪୧ କିଲୋମିଟର (୨୫ ମାଇଲ) ଉତ୍ତର-ପଶ୍ଚିମ ଦିଗରେ ଏହି ଭୂକମ୍ପ ଅନୁଭୂତ ହୋଇଥିଲା। ଏହି କ୍ଷେତ୍ର ଉତ୍ତର କୋରିଆର ଆଣବିକ ପରୀକ୍ଷଣ ସ୍ଥାନ ନିକଟରେ ଥିଲା। ସୂଚନାଯୋଗ୍ୟ ଯେ ଉତ୍ତର କୋରିଆ ୨୦୦୬ ରୁ ୨୦୧୭ ମଧ୍ୟରେ ୬ ଟି ଆଣବିକ ପରୀକ୍ଷଣ କରିଛି। ୨୦୧୭ ପରମାଣୁ ପରୀକ୍ଷଣରେ ୬.୩ ମ୍ୟାଗ୍ନିଚ୍ୟୁଡର ଏକ ବଡ଼ ଭୂକମ୍ପ ଘଟିଥିଲା, ଯାହାର କମ୍ପନ ଚୀନ୍ ସୀମା ପର୍ଯ୍ୟନ୍ତ ଅନୁଭୂତ ହୋଇଥିଲା।
