ଚାଣକ୍ୟଙ୍କ ଅନୁଯାୟୀ ଏହି ଦୁଇଟି ଅଭ୍ୟାସ ସଫଳତାର ସବୁଠାରୁ ବଡ଼ ଶତ୍ରୁ ହୋଇଥାଏ , ଏହାକୁ ଅତିଶୀଘ୍ର ଛାଡ଼ନ୍ତୁ
ଚାଣକ୍ୟଙ୍କର ଗଣତି ଜଣେ ମହାନ ବିଦ୍ୱାନ ଭାବରେ କରାଯାଏ। ସେ ବିଭିନ୍ନ ବିଷୟର ଗୁରୁ ଥିଲେ। ସେ ଜଣେ ଭଲ ଶିକ୍ଷକ ହେବା ସହିତ ଜଣେ ଭଲ ଅର୍ଥଶାସ୍ତ୍ରୀ ମଧ୍ୟ ଥିଲେ। କେବଳ ଏତିକି ନୁହେଁ , ତାଙ୍କୁ ଜଣେ ଭଲ ରଣନୀତିକ ଭାବରେ ମଧ୍ୟ ଜଣାଯାଏ। ସେ ଅନେକ ବିଷୟ ଅଧ୍ୟୟନ କରିଛନ୍ତି। ଏହା ମଧ୍ୟରେ ସମାଜ ଏବଂ ମନୁଷ୍ୟକୁ ପ୍ରଭାବିତ କରୁଥିବା ଅନେକ ଜିନିଷ ଅନ୍ତର୍ଭୁକ୍ତ ରହିଛି। ଏହି ସମୟ ମଧ୍ୟରେ ସେ ନିଜର ଜ୍ଞାନର ସମୁଦ୍ରରେ ଯାହା ରଖିଥିଲେ ତାହାକୁ ଚାଣକ୍ୟ ନୀତିରେ ଲେଖି ଦେଇଥିଲେ। ଚାଣକ୍ୟଙ୍କ ଅନୁଯାୟୀ ମଣିଷକୁ ସର୍ବଦା ଭଲ ଅଭ୍ୟାସକୁ ଗ୍ରହଣ କରିବା ଉଚିତ ଓ ଖରାପ ଅଭ୍ୟାସ ଠାରୁ ଦୂରେଇ ରହିବା ଉଚିତ। ତାଙ୍କ କହିବାନୁସାରେ , ଏହି ଭଲ ଅଭ୍ୟାସ ହିଁ ବ୍ୟକ୍ତିଙ୍କୁ ମହାନ ଏବଂ ସଫଳ କରିଥାଏ। ଏହି ଭଲ ଅଭ୍ୟାସ ମଣିଷ ଭିତରେ ଯେତେବେଳେ ଆସିବ , ଯେତେବେଳେ ତାଙ୍କର ଶିକ୍ଷା ଏବଂ ସଂସ୍କାର ଭଲ ହେବ। ଯେଉଁ ଲୋକ ମାନଙ୍କର ଖରାପ ଅଭ୍ୟାସ ରହିଥାଏ , ସେମାନଙ୍କର ଉନ୍ନତିରେ ଅନେକ ବାଧା ଆସିଥାଏ। ଏହି ଲୋକମାନଙ୍କୁ ସମାଜ ଏବଂ କର୍ମକ୍ଷେତ୍ରରେ ସମ୍ମାନ ମିଳେନାହିଁ। ସେଥିପାଇଁ ଆମକୁ ଏହି ଖରାପ ଅଭ୍ୟାସଠାରୁ ଦୂରେଇ ରହିବା ଉଚିତ। ଆଜି ଆମେ ଆପଣଙ୍କୁ ଏହା ମଧ୍ୟରୁ ଦୁଇଟି ଖରାପ ଅଭ୍ୟାସ ବିଷୟରେ କହିବାକୁ ଯାଉଛୁ।
ମିଛ କହିବା:-
ଚାଣକ୍ୟଙ୍କ ଅନୁଯାୟୀ , ମିଛ କହିବା ମଣିଷର ସବୁଠାରୁ ଖରାପ ଅଭ୍ୟାସ ଅଟେ। ବ୍ୟକ୍ତିଙ୍କୁ ସର୍ବଦା ମିଛ କହିବା ଠାରୁ ଦୂରେଇ ରହିବା ଉଚିତ। ଏହି ଅଭ୍ୟାସ ଆପଣଙ୍କ ପାଇଁ ବିପଦଜ୍ଜନକ ବୋଲି ମଧ୍ୟ ପ୍ରମାଣିତ ହୋଇପାରେ। ଥରେ ମିଛ କହିବାରେ ଅଭ୍ୟସ୍ତ ହୋଇଗଲେ , ଏହା ଏତେ ସହଜରେ ଛାଡି ଚାଲିଯାଏ ନାହିଁ। ଏହାଦ୍ୱାରା ଆପଣ କେବଳ ନିଜର କ୍ଷତି କରନ୍ତି ନାହିଁ ବରଂ ଅନ୍ୟ ଲୋକଙ୍କର ମଧ୍ୟ କ୍ଷତି ହୋଇଥାଏ। ପ୍ରତ୍ୟେକ ମିଛ ଦିନେ ନା ଦିନେ ଧରା ପଡ଼ିଥାଏ। ଯେତେବେଳେ ଲୋକମାନଙ୍କୁ ଆପଣଙ୍କର ମିଛ ବିଷୟରେ ଜାଣିବାକୁ ମିଳିଥାଏ , ସେମାନେ ସେତେବେଳେ ଆପଣଙ୍କ ଠାରୁ ଦୂରେଇଯିବା ଆରମ୍ଭ କରନ୍ତି।
ଅଳସୁଆ ହେବା:-
ଚାଣକ୍ୟଙ୍କ ଅନୁଯାୟୀ , ଅଳସୁଆପଣ ଆପଣଙ୍କ ସଫଳତାର ସବୁଠାରୁ ବଡ ଶତ୍ରୁ ହୋଇଥାଏ। ଯେଉଁ ବ୍ୟକ୍ତି ଏହି ଅଳସୁଆ ଅଭ୍ୟାସକୁ ଅନୁସରଣ କରନ୍ତି , ତାଙ୍କୁ ଏତେ ସହଜରେ ସଫଳତା ମିଳେ ନାହିଁ। ଏହି ଅଳସୁଆପଣ ହେତୁ ସେ ଅନେକ ଶୁଭ ଅବସରକୁ ହରାଇ ଦିଅନ୍ତି। ଜୀବନରେ ଏହି ପ୍ରକାରର ସୁଯୋଗ ବାରମ୍ବାର ମିଳେ ନାହିଁ। ଏପରି ପରିସ୍ଥିତିରେ ଆପଣ ଏହି ଅଳସୁଆପଣରେ ସଫଳତାକୁ ନିଜଠାରୁ ଦୂରେଇ ଦିଅନ୍ତି। ଅଳସୁଆ ବ୍ୟକ୍ତି ସର୍ବଦା ଶେଷରେ ଅନୁତାପ କରିଥାଏ। ଅପରପକ୍ଷେ ଅଳସୁଆ ନ ଥିବା ଏବଂ ପରିଶ୍ରମ କରୁଥିବା ବ୍ୟକ୍ତି ଶୀଘ୍ର ସଫଳତା ପାଇଥାନ୍ତି। ସେମାନେ ଜୀବନରେ ସୁଯୋଗକୁ ସଠିକ୍ ଭାବରେ ବ୍ୟବହାର କରି ସଫଳତା ହାସଲ କରିଥାନ୍ତି। ତେଣୁ ଯଦି ଆପଣଙ୍କ ମଧ୍ୟ ଏହି ଦୁଇଟି ଖରାପ ଅଭ୍ୟାସ ଅଛି , ତେବେ ଏହାକୁ ତୁରନ୍ତ ଛାଡି ଦିଅନ୍ତୁ। ବନ୍ଧୁଗଣ ଏହି ଆର୍ଟିକିଲଟି ଯଦି ଭଲ ଲାଗିଲା ତେବେ ଗୋଟିଏ ଲାଇକ କରିବା ସହିତ ଏହାକୁ ସେଆର କରି ଦିଅନ୍ତୁ ।
