ସୋନାକ୍ଷୀ ସିହ୍ନା ଏବଂ ଜାହିର ଇକବାଲ ଆଜିକାଲି ସେମାନଙ୍କର ହନିମୁନ୍ ପିରିୟଡ୍ ଉପଭୋଗ କରୁଛନ୍ତି । ନିକଟରେ ପୁଣି ଥରେ ଏହି ଦମ୍ପତି ପରସ୍ପର ସହ ରୋମାଣ୍ଟିକ ହେଉଥିବାର ନଜର ଆସିଛନ୍ତି । ଯାହାର ଫଟୋ ସେ ତାଙ୍କ ସୋସିଆଲ ମିଡିଆ ଆକାଉଣ୍ଟରେ ସେୟାର କରିଛନ୍ତି । ଯାହାକି ବର୍ତ୍ତମାନ ଖୁବ ଜୋରସୋରରେ ଭାଇରାଲ ହେବାରେ ଲାଗିଛି ।
ତେବେ ନିକଟରେ ଏହି ଦମ୍ପତି ସେମାନଙ୍କ ପ୍ରଥମ ଗଣେଶ ପୂଜା ବେଶ ଧୂମଧାମରେ ସେଲିବ୍ରେଟ କରିଛନ୍ତି ।
ଏହି ସମୟରେ ଏହି ନୂଆ ଦମ୍ପତି ଖୁବ ଶ୍ରଦ୍ଧାର ସହ ବାପ୍ପାଙ୍କ ଆରତୀ କରୁଥିବାର ମଧ୍ୟ ଦେଖିବାକୁ ମିଳିଥିଲା । ଗଣପତି ପୂଜା ପରେ ସୋନାକ୍ଷୀ ସିହ୍ନା ସ୍ୱାମୀ ଜାହିର ଇକବାଲଙ୍କ ସହ ତାଙ୍କ ଇନଷ୍ଟାଗ୍ରାମ ହ୍ୟାଣ୍ଡେଲରେ କିଛି ରୋମାଣ୍ଟିକ ଫଟୋ ସେୟାର କରିଛନ୍ତି । ଯେଉଁଥିରେ ଉଭୟଙ୍କର ସୁନ୍ଦର କେମେଷ୍ଟ୍ରି ଦେଖିବାକୁ ମିଳିଛି । ଏହି ଫଟୋଗୁଡ଼ିକରେ ଜାହିର ଏବଂ ସୋନାକ୍ଷୀ ଟ୍ୱିନିଂ ଆଉଟଫିଟରେ ନଜର ଆସିଥିଲେ । ଯେଉଁଥିରେ ଉଭୟ ଖୁବ ସୁନ୍ଦର ଦେଖାଯାଉଛନ୍ତି ଏବଂ ଅଭିନେତ୍ରୀ ତାଙ୍କ ସ୍ୱାମୀଙ୍କ ପାଖରେ ରୋମାଣ୍ଟିକ ପୋଜ୍ ଦେଉଛନ୍ତି ।
ତାଙ୍କର ଏହି ସୁନ୍ଦର ଫଟୋ ଗୁଡିକ ସେୟାର କରିବାବେଳେ ସୋନାକ୍ଷୀ କ୍ୟାପସନରେ ବ୍ଲୁ ହାର୍ଟ ଏବଂ ନଜର ନ ଲାଗିବା ଇମୋଜି ସେୟାର କରିଛନ୍ତି । ବାସ୍ତବରେ ସୋନାକ୍ଷୀ ଏବଂ ଜାହିର ଗଣପତି ପୂଜା ପାଇଁ ଏହି ଲୁକ୍ ରେ ନଜର ଆସିଥିଲେ । ଗଣେଶ ପୂଜା ଦିନ ଏହି କପଲ୍ ଏକାଠି ବାପ୍ପାଙ୍କୁ ପୂଜା କରୁଥିବାର ମଧ୍ୟ ଦେଖିବାକୁ ମିଳିଥିଲା । ଗୋଟିଏ ଫଟୋରେ, ଏହି ନବ ବିବାହିତ ଦମ୍ପତି ଗଣପତି ବାପ୍ପାଙ୍କ ସମ୍ମୁଖରେ ଠିଆ ହୋଇଥିଲେ ।
ଅଭିନେତ୍ରୀଙ୍କ ଫ୍ୟାନ୍ସମାନେ ତାଙ୍କର ଏହି ପୋଷ୍ଟରେ ବହୁତ ଭଲ ପାଇବା ଦେଇଥିଲେ ଏବଂ କମେଣ୍ଟ ସେକ୍ସନରେ ଏହି ଦମ୍ପତିଙ୍କର ଖୁବ ପ୍ରଶଂସା ମଧ୍ୟ କରିଥିଲେ । ସୋନାକ୍ଷୀ ସିହ୍ନା ଗଣପତି ପୂଜା ପାଇଁ ଏକ ନୀଳ ରଙ୍ଗର ଭାରୀ ଅନାରକଲି ସୁଟ୍ ପିନ୍ଧିଥିଲେ । ଯାହା ସହିତ ସେ ଏକ ମ୍ୟାଚିଂ ସ୍କର୍ଟ ପିନ୍ଧିଥିଲେ । ଅଭିନେତ୍ରୀ କମ୍ ମେକ୍ ଇନ୍, ଖୋଲା କର୍ଲି ହେୟାର ଏବଂ ଏକ ଛୋଟ ବିନ୍ଦି ସହିତ ତାଙ୍କର ଲୁକ୍ କମ୍ପ୍ଲିଟ୍ କରିଥିଲେ । ବର୍ତ୍ତମାନ ଉଭୟଙ୍କ ରୋମାଣ୍ଟିକ୍ ଫଟୋ ସାମ୍ନାକୁ ଆସିଛି ଯାହା ସୋସିଆଲ ମିଡିଆରେ ଖୁବ ଭାଇରାଲ ହେବାରେ ଲାଗିଛି ।
