ଭାରତୀୟ ବଜାରରେ ଆସିଲା କମ୍‌ ଦାମର ଦମଦାର ଟ୍ୟାବଲେଟ, ଅଫରର ଉଠାନ୍ତୁ ଲାଭ

ବଜେଟ୍ ସେଗମେଣ୍ଟରେ Honor Pad X8a ଲଞ୍ଚ କରାଯାଇଛି । କମ୍ପାନୀ ଏହାର ମୂଲ୍ୟ ବଜେଟ୍ ସ୍ମାର୍ଟଫୋନ୍ ସହିତ ସମାନ ରଖିଛି । ଆପଣ ଏହାକୁ ମାତ୍ର ୧୨,୯୯୯ ଟଙ୍କାରେ କିଣି ପାରିବେ । ଏହାର ପ୍ରି-ବୁକିଂ ଆରମ୍ଭ ହୋଇଯାଇଛି ଏବଂ ଏହାର ବିକ୍ରି ସେପ୍ଟେମ୍ବର ୮ରୁ ଭାରତରେ ଆରମ୍ଭ ହେବ । Honor ମଧ୍ୟ ଏହାର ଗ୍ରାହକମାନଙ୍କୁ ଏକ ଭଲ ଅଫର ଦେଉଛି । Honor Pad X8a ସହିତ ୟୁଜରମାନଙ୍କୁ ଫ୍ଲିପ୍ କଭର ସମ୍ପୂର୍ଣ୍ଣ ମାଗଣାରେ ମିଳିବ ।

Honor Pad X8a ରେ ବଢ଼ିଆ ଫିଚର ଦିଆଯାଇଛି । ଏଥିରେ ଆପଣ ଏକ ୧୧ ଇଞ୍ଚର ବଢ଼ିଆ ଡିସପ୍ଲେ ପାଇବେ ଯାହାର ରିଜୋଲ୍ୟୁସନ ୧୨୦୦x୧୯୨୦ ରହିଛି । ଡିସପ୍ଲେ ୯୦ Hz ରିଫ୍ରେସ୍‌ ରେଟକୁ ସପୋର୍ଟ କରେ । ଏଥିରେ ଆପଣ ୪୦୦ ନିଟ୍ ର ପିକ୍‌ ବ୍ରାଇଟନେସ୍‌ ପାଇବେ ।

କମ୍ପାନୀ Honor Pad X8a ରେ ୪ GB RAM ଏବଂ ୧୨୮ GB ଷ୍ଟୋରେଜ୍ ଦେଇଛି । ପ୍ରୋସେସର୍ ବିଷୟରେ କହିବାକୁ ଗଲେ ଏହା କ୍ୱାଲକମ୍ ର ଅକ୍ଟା-କୋର ସ୍ନାପଡ୍ରାଗନ୍ ୬୮୦ ପ୍ରୋସେସରରେ ଲ୍ୟାସ କରାଯାଇଛି । କମ୍ପାନୀ ଏଥିରେ କ୍ୱାଡ ସ୍ପିକର ଦେଇଛି । ଏଥିରେ କନେକ୍ଟିଭିଟି ପାଇଁ ୱାଇଫାଇ ସପୋର୍ଟ ଦିଆଯାଇଛି । ଆପଣ ଏଥିରେ ସିମ୍ କାର୍ଡ ସ୍ଲଟ୍ ପାଇବେ ନାହିଁ ।