କେଉଁ ବାରରେ ଚୁଟି ଏବଂ ଦାଢି କାଟିଲେ ମଙ୍ଗଳ ହେବ ? ବନ୍ଧୁଗଣ ଚୁଟି ଓ ଦାଢି କାଟିବା ଏହା ତ ନିହାତି ଭାବେ ଦରକାର ହୋଇଥାଏ । ଯାହାକୁ ଆମେ ସାଧାରଣତଃ ଖିଅର ହେବ ବୋଲି କହିଥାଉ । ହେଲେ ଏହି ଚୁଟି କାଟିବା ଓ ଦାଢି ଖିଅର ହେବାକୁ ନେଇ ଅନେକ ଲୋକଙ୍କ ମନରେ ବହୁତ ପ୍ରକାର ଦ୍ଵନ୍ଦ ରହିଥାଏ । କେଉଁ ବାରରେ ଏହି ସବୁ କାର୍ଯ୍ୟ କରିବା ଉଚିତ ଓ କେଉଁ ବାରରେ କରିବା ଅନୁଚିତ ! ଏହାକୁ ନେଇ ଅନେକ ଲୋକ ଅନେକ ପ୍ରକାର ନିଜ ନିଜର ମତ ରଖିଥାନ୍ତି ।
ମଙ୍ଗଳବାରକୁ ପ୍ରଭୁ ବଜରଙ୍ଗିବାଲୀଙ୍କର ବାର ହୋଇଥିବାରୁ ଏହି ବାରରେ ମଧ୍ୟ ଏହି ସବୁ କାର୍ଯ୍ୟ ଠାରୁ ଦୂରେଇ ରହିବା ଆଉଚିତ । କାରଣ ଏହି ଦିନରେ ଏହି ସବୁ କାର୍ଯ୍ୟକୁ ଅଶୁଭ ମାନାଯାଇଥାଏ । ଗୁରୁବାରକୁ ମଧ୍ୟ ମାତା ଲକ୍ଷ୍ମୀଙ୍କର ବାର ବୋଲି ମାନାଯାଇଥାଏ । ତେଣୁ ଏହି ବାରରେ ଖିଅର ବା ଚୁଟି, ନଖ ଆଦି କାଟିବା କାର୍ଯ୍ୟକୁ ବାରଣ କରାଯାଇଥାଏ । ନଚେତ ଘରକୁ ଦରିଦ୍ରତା ଆସିଥାଏ ।
ତେବେ ସପ୍ତାହରେ ବୁଧବାର ଏବଂ ଶୁକ୍ରବାରକୁ ଚୁଟି କାଟିବା ଓ ଖିଅର ହେବା ଆଦି କାର୍ଯ୍ୟ କରିପାରିବେ । ହେଲେ ଯେଉଁ ଲୋକଙ୍କର ଗୋଟିଏ ପୁତ୍ର ଥିବେ। ତେବେ ସେହି ଲୋକ ଶୁକ୍ରବାରକୁ ଖିଅର ହେବା ଉଚିତ ନୁହେଁ । ସେହି ଲୋକ ଚାହିଁଲେ ସୋମବାର ଏବଂ ରବିବାକୁ ଖିଅର କାର୍ଯ୍ୟ କରିପାରିବେ ।
ସକାଳ ସ୍ନାନ ପରେ କିମ୍ବା ସନ୍ଧ୍ଯା ପରେ ମଧ୍ୟ ଚୁଟି ଦାଢି କାଟିବାକୁ ଅଶୁଭ ବୋଲି କୁହାଯାଇଥାଏ । ତେଣୁ ଏହି ସବୁ କଥାକୁ ଧ୍ୟାନରେ ରଖି କାର୍ଯ୍ୟ କରିବା ଦ୍ଵାରା ଜୀବନରେ ଅଯଥା ସମସ୍ଯା ଆସିନଥାଏ । ଯେଉଁ ଲୋକ ଏହି ସବୁ ନିୟମର ଉଲଂଘନ କରି କାର୍ଯ୍ୟ କରିଥାନ୍ତି । ସେମାନଙ୍କ ଜୀବନକୁ ବହୁ ଶୀଘ୍ର ଦୁଖ, ଦରିଦ୍ରତା ଏବଂ ରୋଗ ମାଡି ଆସିଥାଏ ।
