ବର୍ଷିଲେ କୋଲକାତା ପୀଡିତାଙ୍କ ମା’, କହିଲେ ମମତାଙ୍କ ପିଲା ନାହିଁ, ତେଣୁ ସେ ବୁଝି ପାରିବେନି ସନ୍ତାନ ହରାଇଥିବା ମାତା ପିତାଙ୍କ ଦୁଃଖ

ସେ କହିଛନ୍ତି କି ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ପିଲା ନାହାଁନ୍ତି, ତେଣୁ ସେ ବୁଝିପାରିବେ ନାହିଁ ସନ୍ତାନ ହରାଇଥିବା ମାତା ପିତାଙ୍କ ଦୁଃଖ।

ତେବେ ପୀଡିତା ଝିଅ ପାଇଁ ଯେଉଁମାନେ ନ୍ୟାୟ ଦାବି କରୁଛନ୍ତି ଏହା ସେମାନେ ଜାରି ରଖିବାକୁ ସେ ଆହ୍ବାନ ଦେଇଛନ୍ତି। ସେ କହିଛନ୍ତି ଯେ ମୁଖ୍ୟମନ୍ତ୍ରୀଙ୍କ ବିବୃତ୍ତିରେ ଆମେ ଗଭୀର ଦୁଃଖିତ। ସେ (ମମତା) ଯାହା ଚାହାଁନ୍ତି ତାହା କହିପାରିବେ, ଆମେ ଆମର ଦୁଃଖ କାହାକୁ ବୁଝାଇ ପାରିବୁ ନାହିଁ। ସାରା ବିଶ୍ୱ ମୋ ଝିଅ ସହିତ ଛିଡା ହୋଇଛି।
ପୀଡିତାଙ୍କ ମାତାପିତା କହିଛନ୍ତି ଯେ ଆମେ ନ୍ୟାୟ ପାଇଁ ଆଶା କରୁଛୁ, ଯେଉଁମାନେ ଆମ ପାଇଁ ନ୍ୟାୟ ଦାବି କରୁଛନ୍ତି ସେମାନଙ୍କ ପ୍ରତି ଆମେ ସର୍ବଦା କୃତଜ୍ଞ ରହିବୁ। ଯଦି ଆମେ ସେମାନଙ୍କୁ କୌଣସି ପ୍ରକାରେ ସାହାଯ୍ୟ କରିପାରିବା, ଆମେ ନିଶ୍ଚିତ ଭାବରେ ତାହା କରିବୁ। ପୋଲିସର କାର୍ଯ୍ୟରେ ଆମେ ସନ୍ତୁଷ୍ଟ ନଥିଲୁ ତେଣୁ ଆମେ ହାଇକୋର୍ଟକୁ ଯାଇଥିଲୁ ଓ କୋର୍ଟ ଏହି ମାମଲାକୁ ସିବିଆଇକୁ ହସ୍ତାନ୍ତର କରିଥିଲା।