ନୂଆଦିଲ୍ଲୀ: ମୁମ୍ବାଇର ଜଣେ ୧୩ ବର୍ଷର ନାବାଳିକା ସୋସିଆଲ୍ ମିଡିଆରୁ ପରିଚିତ ହୋଇଥିବା ଜଣେ ଯୁବତୀଙ୍କ ଦ୍ବାରା ଦୁଷ୍କର୍ମର ଶିକାର ହୋଇଛନ୍ତି।
ଭାକୋଲା ପୁଲିସ ଷ୍ଟେସନ ନାବାଳିକାକୁ ଅପହରଣ ଓ ଦୁଷ୍କର୍ମ ମାମଲାରେ ଉକ୍ତ ଯୁବକଙ୍କ ନାମରେ ଏକ ମାମଲା ରୁଜୁ କରିଛି। ଏହି ମାମଲାକୁ ଭିତ୍ତି କରି ଅଭିଯୁକ୍ତକୁ ଗୋରେଗାଓଁରୁ ଗିରଫ କରାଯାଇଛି।
ପୁଲିସ ସୂତ୍ର ଅନୁଯାୟୀ, ଏକ ହୋଟେଲରେ କାମ କରୁଥିବା ଅଭିଯୁକ୍ତ ଏବଂ ପୀଡିତା ସୋସିଆଲ ମିଡିଆରେ କଥା ହୋଇଥିଲେ ଯାହା ପରେ ଦୁହେଁ ପରସ୍ପରଙ୍କୁ ଦେଖା କରିବାକୁ ନିଷ୍ପତ୍ତି ନେଇଥିଲେ।
ଅଭିଯୁକ୍ତ ପୀଡିତାଙ୍କୁ ଅନ୍ଧେରୀର ଏକ ସ୍ଥାନକୁ ନେଇ ଯାଇଥିଲେ; ଯେଉଁଠାରେ ସେ ତାଙ୍କୁ ଦୁଷ୍କର୍ମ କରିଥିଲେ। ପରେ ଅଗଷ୍ଟ ୧୫ ତାରିଖରେ ସେ ତାଙ୍କୁ ଗୁଜୁରାଟକୁ ନେଇ କହିଥିଲେ ଯେ ସେ ତାଙ୍କୁ ଏକ ଗାଁକୁ ନେଉଛନ୍ତି। ଅଭିଯୋଗରେ ଦର୍ଶାଯାଇଛି ଯେ ଗୁଜୁରାଟରେ ଅଭିଯୁକ୍ତ ତାଙ୍କୁ ଆଉ ତିନିଥର ଦୁଷ୍କର୍ମ କରିଥିଲେ।
ଅଗଷ୍ଟ ୧୫ରେ ଦୀର୍ଘ ସମୟ ପରେ ଯେତେବେଳେ ଝିଅ ଘରକୁ ଫେରି ନଥିଲା, ପରିବାର ଲୋକେ ତାଙ୍କୁ ଖୋଜିବା ଆରମ୍ଭ କରିଥିଲେ କିନ୍ତୁ ତାଙ୍କୁ ପାଇଲେ ନାହିଁ। କିଛି ଦିନ ପରେ ଝିଅଟି ନିଜେ ଘରକୁ ଫେରିଥିଲେ।
ସେ ଫେରିବା ସମୟରେ ଚୁପ୍ ରହିଥିଲେ ଏବଂ ଯେତେବେଳେ ପରିବାର ଲୋକ ତାଙ୍କୁ ପଚରାଉଚରା କରିଥିଲେ, ସେତେବେଳେ ସେ ସବୁ କଥା ଖୋଲାଖୋଲି କହିଥିଲେ। ତା’ପରେ ପରିବାର ଲୋକ ପୁଲିସ୍ ଷ୍ଟେସନକୁ ନେଇ ଘଟଣା ସମ୍ପର୍କରେ ପୁଲିସକୁ ସୂଚନା ଦେଇଥିଲେ।
