[ad_1]
ହଜାରିବାଗ : ନିଟ୍ ପ୍ରଶ୍ନପତ୍ର ଲିକ୍ ମାମଲାରେ ତଦନ୍ତ ପ୍ରକ୍ରିୟାକୁ ତ୍ବରାନ୍ବିତ କରିଛି ସିବିଆଇ । ଏହି କ୍ରମରେ ଝାଡ଼ଖଣ୍ଡର ହଜାରିବାଗରେ ଥିବା ଏକ ସ୍କୁଲ ଉପରେ ଚଢଉ କରି ଗତକାଲି ହଜାରୀବାଗର ଓଆସିସ୍ ସ୍କୁଲର ପ୍ରଧାନ ଶିକ୍ଷକ ଅହସାନ-ଉଲ-ହକ୍ ଏବଂ ଉପାଧ୍ୟକ୍ଷ ଇମତିଆଜ ଆଲାମଙ୍କୁ ସିବିଆଇ ଗିରଫ କରିଥିଲା। ଏବେ ଏହି ମାମଲାରେ ଅନ୍ୟ ଜଣେ ଅଭିଯୁକ୍ତକୁ ଗିରଫ କରିଛି।
Sambad is now on WhatsApp
Join and get latest news updates delivered to you via WhatsApp
ଶନିବାର ଏହି ମାମଲାରେ ଜଣେ ସାମ୍ବାଦିକଙ୍କୁ ଗିରଫ କରିଛି ସିବିଆଇ । ହଜାରୀବାଗରୁ ସାମ୍ବାଦିକ ଜମାଲୁଦ୍ଦିନଙ୍କୁ ଗିରଫ କରିଛି ସିବିଆଇ । ଏଥିସହ ଏହି ମାମଲାରେ ଗିରଫଦାରୀର ସମୁଦାୟ ସଂଖ୍ୟା ୫କୁ ବୃଦ୍ଧି ପାଇଛି।
ଏହା ପୂର୍ବରୁ ସିବିଆଇ ଏହି ମାମଲାରେ ଓଏସିସି ସ୍କୁଲ ହଜାରୀବାଗର ପ୍ରଧାନ ଶିକ୍ଷକ ଅହସାନ-ଉଲ-ହକ୍ ଏବଂ ଉପାଧ୍ୟକ୍ଷ ଇମତିଆଜ ଆଲାମଙ୍କ ବ୍ୟତୀତ ମନୀଷ ଏବଂ ଆଶୁତୋଷଙ୍କୁ ଗିରଫ କରିଥିଲା।
ସିବିଆଇ ଯାଞ୍ଚ କରିବା ସମୟରେ ପ୍ରଧାନ ଶିକ୍ଷକ ଅହସାନ-ଉଲ-ହକଙ୍କ ସହ ଦୁଇ ଝଣ ସାମ୍ବାଦିକ ସଂଯୋଗରେ ଥିବା ଜାଣିବାକୁ ପାଇଥିଲା । ଯାହା ଭିତରୁ ଜଣେ ସାମ୍ବାଦିକ ଜମାଲୁଦ୍ଦିନଙ୍କୁ ଗିରଫ କରାଯାଇଛି । ସୂତ୍ରରୁ ମିଳିଥିବା ସୂଚନା ମୁତାବକ, ସାମ୍ବାଦିକ ଜଣକ ଝାଡଖଣ୍ଡର ଗୋଟିଏ ହିନ୍ଦୀ ଖବରକାଗଜର ସାମ୍ବାଦିକ ଅଟନ୍ତି।
ତେବେ ସାମ୍ବାଦିକ ଜଣକ ପେପର ଲିକ୍ ସମୟରେ ପ୍ରିନ୍ସିପାଲଙ୍କ ସହ ଲଗାତାର କଥା ହେଉଥିଲେ। ଅହସାନ-ଉଲ-ହକଙ୍କ ତଥ୍ୟ ଆଧାରରେ ସିବିଆଇ ସାମ୍ବାଦିକ ଜଣଙ୍କୁ ପଚରାଉଚୁରା ପାଇଁ ଡାକିଥିଲା। ଆଉ ଏହାପରେ ତାଙ୍କୁ ଗିରଫ କରାଯାଇଥିବା ସୂଚନା ରହିଛି ।
ଜାଣିରଖିବା ଉଚିତ୍ ଯେ, ନିଟ୍ ପେପରଲିକ୍ ମାମଲାରେ ଏବେ ଆକ୍ସନ ମୋଡରେ ସିବିଆଇ । ଇକୋନୋମିକ୍ସ ଅଫେନ୍ସ ୟୁନିଟର ଯାଞ୍ଚକୁ ଆଗକୁ ବଢାଇବା ସହ ଏହି ବଡ ଲିଡରେ ଆଗକୁ ବଢୁଛି ସିବିଆଇ । ଅନ୍ୟପଟେ ଗୁଜରାଟ ଏବଂ ଅନ୍ୟ ସ୍ଥାନରେ ମଧ୍ୟ ଏବେ ବି ଛାନଭିନ୍ ଜାରି ରହିଛି ।
[ad_2]
