ଦେଶର ଯେକୌଣସି ପୁଲିସ୍ ଷ୍ଟେସନରେ ଏଫଆଇଆର ରୁଜୁ କରାଯାଇପାରିବ: ଜୁଲାଇ ୧ରୁ ବଦଳିବ ଆଇନ – Kalinga News

ନୂଆଦିଲ୍ଲୀ: ଆଉ କିଛି ଦିନ ମଧ୍ୟରେ ଦେଶର ଆଇନ ବ୍ୟବସ୍ଥାରେ ବଡ଼ ପରିବର୍ତ୍ତନ ହେବାକୁ ଯାଉଛି। ୧ ଜୁଲାଇ ୨୦୨୪ରୁ ସାରା ଦେଶରେ ତିନୋଟି ନୂତନ ନିୟମ ଲାଗୁ ହେବାକୁ ଯାଉଛି। ଏହି ନିୟମ ସହିତ ଆଇପିସି ଏବଂ ସିଆରପିସି ରଦ୍ଦ ହେବ। ନୂତନ ନିୟମ ଅନୁଯାୟୀ, ବର୍ତ୍ତମାନ ଜନସାଧାରଣଙ୍କ ପକ୍ଷରୁ ଦେଶର ଯେକୌଣସି ପୁଲିସ୍ ଷ୍ଟେସନରେ ଏଫଆଇଆର ରୁଜୁ କରାଯାଇପାରିବ।

ନୂତନ ନିୟମରେ ଏହାକୁ ‘ଜିରୋ ଏଫଆଇଆର’ କୁହାଯିବ। ‘ଜିରୋ ଏଫଆଇଆର’କୁ ସିସିଟିଏନଏସ ମାଧ୍ୟମରେ ସମ୍ପୃକ୍ତ ପୁଲିସ୍ ଷ୍ଟେସନକୁ ପଠାଯିବ। ଏହା ପରେ ସମ୍ପୃକ୍ତ ପୁଲିସ୍ ଷ୍ଟେସନରେ ଏଫଆଇଆର ନମ୍ବର ପଞ୍ଜିକୃତ ହେବ। ଏହା ସହିତ ଏଫଆଇଆର ଉପରେ କ’ଣ ପଦକ୍ଷେପ ନିଆଯାଉଛି ତାହା ଆବେଦନକାରୀ ଅନଲାଇନ୍ ଦେଖିବାକୁ ମଧ୍ୟ ସମର୍ଥ ହେବେ।

ବିହାର ପୋଲିସ୍ ଏକାଡେମୀ, ରାଜଗିରର ନିର୍ଦ୍ଦେଶକ ବି ଶ୍ରୀନିବାସନ୍ କହିଛନ୍ତି ଯେ ତିନୋଟି ନୂତନ ନିୟମର ଉଦ୍ଦେଶ୍ୟ ହେଉଛି ଦଣ୍ଡ ପରିବର୍ତ୍ତେ ନ୍ୟାୟ ପ୍ରଦାନ କରିବା। ସେ କହିଛନ୍ତି ନୂତନ ନିୟମ ଆଇନକୁ ମାନବ ପକ୍ଷଙ୍କସମ୍ମୁଖକୁ ଆଣିବ। ନୂତନ ଆଇନରେ ଏକ ବ୍ୟବସ୍ଥା ଅଛି ପୁଲିସ୍ ଷ୍ଟେସନକୁ ଆସୁଥିବା ପୀଡିତାଙ୍କ ଅଭିଯୋଗୀ ଅଧ ଘଣ୍ଟା ମଧ୍ୟରେ ଶୁଣାଣି ହେବ। ଯଦି କୌଣସି ପୀଡିତାଙ୍କୁ ଅଧ ଘଣ୍ଟାରୁ ଅଧିକ ସମୟ ପୁଲିସ୍ ଷ୍ଟେସନରେ ଅପେକ୍ଷା କରିବାକୁ ଦିଆଯାଏ, ତେବେ ପୁଲିସ୍ ଷ୍ଟେସନର ସମ୍ପୃକ୍ତ ଅଧିକାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।

ସମସ୍ତ ପୋଲିସ ଷ୍ଟେସନରେ ବିଭିନ୍ନ ମାମଲା ପାଇଁ ବିଭିନ୍ନ ଅନୁସନ୍ଧାନକାରୀ ଅଧିକାରୀ (ଆଇଓ) ନିୟୋଜିତ ହେବେ। ପ୍ରତ୍ୟେକ ଆଇଓଙ୍କୁ ଏକ ଲାପଟପ୍ ଏବଂ ଆଣ୍ଡ୍ରଏଡ୍ ମୋବାଇଲ୍ ଦିଆଯିବ। ସମସ୍ତ ଆଇଓମାନଙ୍କୁ ସେମାନଙ୍କର ପୃଥକ ଇ-ମେଲ୍ ଦିଆଯିବ। ଏହା ପରେ ସମସ୍ତେ ସିସିଟିଏନଏସ (କ୍ରାଇମ ଏବଂ କ୍ରାଇମବ୍ରାଞ୍ଚ ଟ୍ରାକିଂ ନେଟୱାର୍କ ସ୍କିମ୍) ରେ ସକ୍ରିୟ ରହିବେ।

କ’ଣ ହେବ ପରିବର୍ତ୍ତନ ?
ଏଫଆଇଆରରୁ କୋର୍ଟ ନିଷ୍ପତ୍ତି ପର୍ଯ୍ୟନ୍ତ ସମ୍ପୂର୍ଣ୍ଣ ପ୍ରକ୍ରିୟା ଅନଲାଇନ୍ ହେବ।
ଇଲେକ୍ଟ୍ରୋନିକ୍ ଅଭିଯୋଗ ଦାଖଲ କରିବାର ତିନି ଦିନ ମଧ୍ୟରେ ଏଫଆଇଆର ପଞ୍ଜିକରଣ କରିବାର ବ୍ୟବସ୍ଥା ରହିବ।
ସାତ ବର୍ଷରୁ ଅଧିକ ଦଣ୍ଡ ଥିବା ମାମଲାରେ ଫୋରେନସିକ୍ ଅନୁସନ୍ଧାନ ବାଧ୍ୟତାମୂଳକ ହେବ।
ଯୌନ ଉତ୍ପୀଡ଼ନ ମାମଲାରେ ସାତ ଦିନ ମଧ୍ୟରେ ତଦନ୍ତ ରିପୋର୍ଟ ଦେବାକୁ ପଡିବ।
ପ୍ରଥମ ଶୁଣାଣିର ୬୦ ଦିନ ମଧ୍ୟରେ ଚାର୍ଜ ଫ୍ରେମ୍ କରିବାର ବ୍ୟବସ୍ଥା ରହିବ।
ଅପରାଧିକ ମାମଲାରେ ଶୁଣାଣି ଶେଷ ହେବାର ୪୫ଦିନ ମଧ୍ୟରେ ନିଷ୍ପତ୍ତି ନିଆଯିବ।
ପଳାତକ ଅପରାଧୀଙ୍କ ଅନୁପସ୍ଥିତିରେ ୯୦ ଦିନ ମଧ୍ୟରେ ମାମଲା ଦାଖଲ କରିବାର ବ୍ୟବସ୍ଥା ରହିବ।
ତିନି ବର୍ଷ ମଧ୍ୟରେ ନ୍ୟାୟ ଉପଲବ୍ଧ ହେବ ।

ଜିରୋ ଏଫଆଇଆର୍

ଘଟଣା ସମ୍ପର୍କରେ ଏକ ଏଫଆଇଆର କୌଣସି ପୁଲିସତ ଷ୍ଟେସନରେ ରୁଜୁ କରାଯାଇପାରିବ।
ଏହାକୁ ‘ଜିରୋ ଏଫଆଇଆ’ ଭାବରେ ପଞ୍ଜିକରଣ କରିବା ବାଧ୍ୟତାମୂଳକ ହେବ।
ସିସିଟିଏନଏସ ମାଧ୍ୟମରେ ସମ୍ପୃକ୍ତ ପୁଲିସ୍ ଷ୍ଟେସନକୁ ଏହା ସ୍ଥାନାନ୍ତର କରାଯିବ।
ଅନଲାଇନ୍ ପୋର୍ଟାଲ୍ ମାଧ୍ୟମରେ ଏଫଆଇଆର ଦାଖଲ କରାଯାଇପାରିବ।
ଅନୁସନ୍ଧାନ ଏବଂ କାର୍ଯ୍ୟର ଅଗ୍ରଗତି ଏଫଆଇଆର ନମ୍ବର ମାଧ୍ୟମରେ ଅନଲାଇନ‌୍‌ରେ ଦେଖାଯାଇପାରିବ।

ପୁଲିସ୍ ଷ୍ଟେସନରେ ପରିବର୍ତ୍ତନ

ଅଧ ଘଣ୍ଟା ମଧ୍ୟରେ ଅଭିଯୋଗ ଦାଖଲ ହେବ।
ବିଳମ୍ବ ପାଇଁ ପୋଲିସ ଷ୍ଟେସନ ଅଧିକାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ
ସମସ୍ତ ଆଇଓଙ୍କୁ ଲାପଟପ୍ ଏବଂ ଆଣ୍ଡ୍ରଏଡ୍ ମୋବାଇଲ୍ ଦିଆଯିବ।
ସମସ୍ତ ଆଇଓଙ୍କୁ ପୃଥକ୍ ଇ-ମେଲ୍ ଆଇଡି ଦିଆଯିବ।
ସମସ୍ତେ ସିସିଟିଏନଏସରେ ସକ୍ରିୟ ରହିବେ ।