[ad_1]
ବେଙ୍ଗାଲୁରୁ: ହତ୍ୟା ମାମଲାରେ କନ୍ନଡ ଅଭିନେତା ଦର୍ଶନଙ୍କୁ ଗିରଫ କଲା ପୁଲିସ। ତାଙ୍କ ବିରୋଧରେ ବେଙ୍ଗାଲୁରୁର କାମାକ୍ଷୀପାଲ୍ୟା ପୁଲିସ ଏକ ମାମଲା ରୁଜୁ କରିଥିଲା। ଜୁନ୍ ୯ରେ କନ୍ନଡ ଅଭିନେତା ଦର୍ଶନଙ୍କ ବିରୋଧରେ ଏହି ମାମଲା ପଞ୍ଜୀକୃତ ହୋଇଥିବା ବେଳେ ମଙ୍ଗଳବାର ତାଙ୍କୁ ଏହି ମାମଲାରେ ଗିରଫ କରାଯାଇଥିଲା। ତାଙ୍କୁ ତାଙ୍କ ମହୀସୁରର ଫାର୍ମ ହାଉସରୁ ଗିରଫ କରାଯାଇଥିବା ବେଳେ ପଚରାଉଚରା ପାଇଁ ବେଙ୍ଗାଲୁରୁକୁ ଅଣାଯାଇଥିଲା।
Sambad is now on WhatsApp
Join and get latest news updates delivered to you via WhatsApp
ଏବେ ପଚରାଉଚରା ପରେ ବଡ଼ ଖୁଲାସା ହୋଇଛି। କୁହାଯାଉଛି ଯେ, ପ୍ରେମିକା ପବିତ୍ରା ଗୌଡାଙ୍କ ସହ ନିଜ ପ୍ରେମ ସମ୍ପର୍କ ଲୁଚାଇବା ପାଇଁ ଦର୍ଶନ ଏଭଳି କରିଥିଲେ। ସୁଚନା ମୁତାବକ, ଦର୍ଶନ ୨୦୦୦ମସିହାରୁ ବିବାହ କରିସାରିଥିବା ବେଳେ ଏବେ ପବିତ୍ରାଙ୍କ ସହ ଅନୈତିକ ସମ୍ପର୍କ ରଖିଥିଲେ। ଏହା ଜାଣିବା ପରେ ମୃତକ ତଥା ଦର୍ଶନଙ୍କ ପ୍ରଶଂସକ ରେନୁକା ସ୍ୱାମୀ ପବିତ୍ରାଙ୍କୁ ଗାଳି କରି ମେସେଜ କରୁଥିଲେ। ତୁମ ପାଇଁ ଦର୍ଶନଙ୍କ ବୈବାହିକ ଜୀବନରେ ଝଡ଼ ସୃଷ୍ଟି ହେଉଛି। ତାଙ୍କଠୁ ଦୂରେଇ ଯାଅ। ନଚେତ୍ ପରିଣାମ ଭୋଗିବ ବୋଲି ଲେଖିଥିଲେ ରେନୁକା ସ୍ୱାମୀ। ଏହା ଜାଣିବା ପରେ ଦର୍ଶନ ନିଜ ଫ୍ୟାନ ଆସୋସିଏସନର ୯ଜଣ ଯୁବକଙ୍କୁ ସୁପାରୀ ନେଇ ରେନୁକା ସ୍ୱାମୀଙ୍କୁ ହତ୍ୟା କରିବାକୁ କହିଥିଲେ।
ଆହୁରି ସୂଚନା ମିଳିଛି ଯେ, ଜୁନ ୮ରେ ଦର୍ଶନଙ୍କ ପ୍ରଶଂସକମାନେ ଚିତ୍ରଦୂର୍ଗର ଔଷଧ ଦୋକାନରେ କାମ କରୁଥିବା ରେନୁକା ସ୍ୱାମୀଙ୍କୁ ଅପହରଣ କରିଆଣି ବେଙ୍ଗାଲୁରୁର ରାଜାରାଜେଶ୍ବରୀନଗରରେ ଥିବା ଫାର୍ମହାଉସରେ ରଖିଥିଲେ। ଏହା ପରେ ତାଙ୍କୁ ନିସ୍ତୁକ ମାଡ଼ ମରାଯିବାରୁ ରାତି ୧୧ଟାରେ ତାଙ୍କର ମୃତ୍ୟୁ ହୋଇଥିଲା। ସିସିଟିଭିରେ ଦେଖାଯାଇଛି ଯେ, ଉଭୟ ଦର୍ଶନ ଓ ପବିତ୍ରା ୧୧ଟାରେ ଫାର୍ମହାଉସ୍ ଆସିଥିବା ବେଳେ ମୃତଦେହକୁ ଫିଙ୍ଗିବାର ଆଦେଶ ଦେଇ ଭୋର ୩ଟା ୩୦ରେ ଦୁହେଁ ସେଠାରୁ ବାହାରିଥିଲେ। ଏହା ଦେଖିବା ପରେ ପୁଲିସ ଏବେ ଦର୍ଶନ ଓ ପବିତ୍ରାଙ୍କ ସମେତ ଅନ୍ୟ ୯ଜଣକୁ ଗିରଫ କରିଛି।
[ad_2]
