[ad_1]
ପ୍ୟୋଙ୍ଗୟାଙ୍ଗ: ଉତ୍ତର କୋରିଆ ଏବଂ ଦକ୍ଷିଣ କୋରିଆ ମଧ୍ୟରେ ଏକ ଅଜବ ଯୁଦ୍ଧ ଚାଲିଛି। ଏହାପୂର୍ବରୁ ଉଭୟ ଦେଶ ଅସ୍ତ୍ରଶସ୍ତ୍ର ଏବଂ ପରମାଣୁ ଅସ୍ତ୍ର ବ୍ୟବହାର କରିବାକୁ ଧମକ ଦେଉଥିଲେ। ବର୍ତ୍ତମାନ ଦୁଇ ଦେଶ ମଧ୍ୟରେ ଏକ ଅଜବ ପ୍ରକାର ଲଢ଼େଇ ଚାଲିଛି। ଉତ୍ତର କୋରିଆ ଦକ୍ଷିଣ କୋରିଆରେ ବେଲୁନ୍ ଦ୍ବାରା ଆବର୍ଜନା ପକାଉଥିବାବେଳେ ଉତ୍ତର କୋରିଆ ପ୍ରତିଶୋଧର ଏକ ଅଦ୍ଭୁତ ପଦ୍ଧତି ଆପଣାଇବାକୁ ଯାଉଛି।
Sambad is now on WhatsApp
Join and get latest news updates delivered to you via WhatsApp
ଚଳିତ ଜୁନ୍ ମାସ ଆରମ୍ଭରେ ଉତ୍ତର କୋରିଆ ଦକ୍ଷିଣ କୋରିଆକୁ ଶହ ଶହ ଆବର୍ଜନା ଭର୍ତ୍ତି ବେଲୁନ୍ ପଠାଇଥିଲା। କିଛି ଦିନ ପରେ ଉତ୍ତର କୋରିଆ ପୁନର୍ବାର ଅଳିଆ ଭର୍ତ୍ତି ବେଲୁନ୍ ଦକ୍ଷିଣ କୋରିଆ ଆଡକୁ ପଠାଇଛି। ଏହା ପରେ ଦକ୍ଷିଣ କୋରିଆ ସେନା ଏକ ସତର୍କ ସୂଚନା ଜାରି କରିଥିବାବେଳେ ସରକାର କହିଛନ୍ତି ଯେ ଆମେ ଏହାର ପ୍ରତିଶୋଧ ନେବୁ।
ସିଓଲର ସେନା ପୂର୍ବରୁ ଏକ ସତର୍କ ସୂଚନା ଜାରି କରିସାରିଛି ଯେ ଉତ୍ତର କୋରିଆ ଦ୍ୱାରା ଆବର୍ଜନା ପକାଇବା କାର୍ଯ୍ୟ କରାଯାଇଛି। ଏହା ଆଗାମୀ ଦିନରେ ମଧ୍ୟ ଜାରି ରହିପାରେ। ଏହା ପରେ ଊତ୍ତରକୋରିଆର ଏକଛତ୍ରବାଦୀ ଶାସକ କିମ ଜୋଙ୍ଗ ଉନଙ୍କ ବିରୋଧରେ ଲିଫଲେଟ୍ ଥିବା ବେଲୁନ୍ ଉଡ଼ାଯାଇଥିଲା। ଦକ୍ଷିଣ କୋରିଆ କହିଛି ଯେ ଆମେ ସତର୍କତା ଅବଲମ୍ବନ କରୁଛୁ କାରଣ ବେଲୁନ୍ ଆକ୍ରମଣ ପୁଣି ଥରେ ତୀବ୍ର ହୋଇଛି।
NEW:
Kim Jong Un has found the cheapest way to get rid of North Korea’s trash
North Korea sent more than 600 balloons filled with garbage and poop to South Korea for the second time in a week. pic.twitter.com/zRhubW3Pb2
— Megatron (@Megatron_ron) June 2, 2024
ଦକ୍ଷିଣ କୋରିଆ ଏହାର ନାଗରିକମାନଙ୍କୁ ଚେତାବନୀ ଦେଇ କହିଛି ଉତ୍ତର କୋରିଆ ଅଳିଆ ଆବର୍ଜନା ନେଇ ବେଲୁନ୍ ଲଞ୍ଚ କରୁଛି। ଏହା ସହିତ ଲୋକମାନଙ୍କୁ ବେଲୁନ୍ ସମ୍ପର୍କରେ କର୍ତ୍ତୃପକ୍ଷଙ୍କୁ ଜଣାଇବାକୁ ଏବଂ ସେସବୁକୁ ନ ଛୁଇଁବାକୁ ସତର୍କ ସୂଚନା ଜାରି କରାଯାଇଛି। ଯଦି ସନ୍ଦେହଜନକ ବେଲୁନ୍ କୌଣସି ସ୍ଥାନରେ ଦେଖାଯାଏ, ତୁରନ୍ତ କର୍ତ୍ତୃପକ୍ଷଙ୍କୁ ଜଣାଇବାକୁ କୁହାଯାଇଛି।
ଉତ୍ତର କୋରିଆର କାର୍ଯ୍ୟକଳାପ ଯୋଗୁ ଅସୁବିଧାରେ ପଡ଼ି ଦକ୍ଷିଣ କୋରିଆ ଏକ ନୂତନ ଢଙ୍ଗରେ ପ୍ରତିଶୋଧ ନେବାକୁ କହିଛି। କୁହାଯାଉଛି ଯେ ଉତ୍ତର କୋରିଆ ସୀମାରେ ଲାଉଡ ସ୍ପିକର ଲଗାଇ ଉଚ୍ଚ ସ୍ୱରରେ ପଡୋଶୀ ଦେଶ ବିରୋଧରେ ପ୍ରଚାର ପ୍ରସାର କରିବ ବୋଲି ଦକ୍ଷିଣ କୋରିଆ ଘୋଷଣା କରିଛି। ଏହିପରି ଭାବରେ ଉଭୟଙ୍କ ମଧ୍ୟରେ ତିକ୍ତତା ବଢୁଛି କିନ୍ତୁ ଏଥର ଅସ୍ତ୍ର ବଦଳରେ ଯୁଦ୍ଧ ଏକ ଅଜବ ଢଙ୍ଗରେ ଚାଲିଛି।
[ad_2]
