[ad_1]
ଲକ୍ଷ୍ନୌ: ମଦ ପିଇବାକୁ ମନା କରିବାରୁ ଯୁବକଙ୍କୁ ଛାତରୁ ତଳକୁ ଠେଲିଦେଲେ ସାଙ୍ଗ। ଉତ୍ତରପ୍ରଦେଶର ଲକ୍ଷ୍ନୌରେ ଘଟିଛି ଏଭଳି ଘଟଣା। କୁହାଯାଉଛି ଯେ, ଯୁବକଙ୍କ ସାଙ୍ଗମାନେ ଘରକୁ ଆସି ଛାତ ଉପରେ ମଦ ପିଉଥିବା ବେଳେ ପୀଡ଼ିତଙ୍କୁ ପିଇବାକୁ ବାଧ୍ୟ କରିଥିଲେ। ହେଲେ ପୀଡ଼ିତ ମନା କରିଦେଇଥିଲେ। ଏଥିରେ ରାଗିଯାଇ ସେମାନେ ପୀଡ଼ିତଙ୍କୁ ତଳକୁ ଠେଲି ଦେଇଥିଲେ। ଏହି ଘଟଣାର ଖବର ପାଇବା ପରେ ପୁଲିସ ଏବେ ୩ଜଣକୁ ଗିରଫ କରିଛି। ପୀଡ଼ିତଙ୍କ ନାମ ରଣଜିତ୍ ସିଂହ ବୋଲି ଜଣାପଡ଼ିଛି।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ରଣଜିତ୍ ଲକ୍ଷ୍ନୌର ରୁପ୍ପୁର ଖଦ୍ରା ଅଞ୍ଚଳରେ ତେଜରାତି ଦୋକାନ ଚଳାନ୍ତି। ଭାଇରାଲ ହେଉଥିବା ଭିଡିଓରେ ଦେଖାଯାଇଛି ଯେ, ୨ଜଣ ଯୁବକ ରଣଜିତଙ୍କୁ ଛାତ ଉପରୁ ତଳକୁ ଫିଙ୍ଗୁଛନ୍ତି। ରଣଜିତ୍ ତଳେ ପଡ଼ିବା ପରେ ଉଠିବାକୁ ଚେଷ୍ଟା କରୁଛନ୍ତି। ତଳେ ଥିବା ଅନ୍ୟ ୨ଜଣ ସାଙ୍ଗ ତାଙ୍କୁ ଉଠାଇବା ପରିବର୍ତ୍ତେ ଗୋଇଠା ମାରୁଛନ୍ତି। ଏହା ପରେ ଉପରେ ଥିବା ୨ଜଣ ସାଙ୍ଗ ତଳକୁ ଆସି ରଣଜିତଙ୍କୁ ମାଡ଼ ମାରୁଛନ୍ତି। ଏହି ସମୟରେ ଜଣେ ମହିଳା ଅଭିଯୁକ୍ତଙ୍କୁ ଅଟକାଇବାକୁ ଚେଷ୍ଟା କରୁଥିବା ଦେଖାଯାଇଛି।
In Lucknow, a group of 6-7 men threw a shopkeeper off the roof. Even when the shopkeeper was in critical condition, they didn’t stop their brutality. His only fault was asking them not to consume alcohol on the roof. pic.twitter.com/eUQyZI8QcW
— Haidar Naqvi🇮🇳 (@haidarpur) May 26, 2024
ତେବେ ଏହି ଘଟଣା ପରେ ୩ଜଣକୁ ପୁଲିସ ଗିରଫ କରିଥିବା ବେଳେ ଫେରାର ଥିବା ଚତୁର୍ଥ ଅଭିଯୁକ୍ତକୁ ଖୋଜିବା ଆରମ୍ଭ କରିଛି। ଅନ୍ୟପକ୍ଷରେ ପୀଡ଼ିତଙ୍କୁ ଘଟଣା ପରେ ଡାକ୍ତରଖାନାରେ ଭର୍ତ୍ତି କରାଯାଇଥିବା ବେଳେ ଚିକିତ୍ସା ପରେ ସେ ଘରକୁ ଫେରିଛନ୍ତି।
[ad_2]
